இலக்கியமும் இலக்கணமும்
கல்வெட்டாய் செப்பேடாய்
இருந்தினிக்கும்,
வலக்கண்ணாய் இடக்கண்ணாய்
வாங்குவளி நுரையீரல்
வகைபடல் போல்,
துலக்கமுறும் எந்நாளும்
துல்லியமாய் மிகத் தெளிவாய்த்
துய்த்தவற்றைச்
சொலத் தெரிந்த மிகச்சிறந்த
காவிரிபோல் தலைச்சுரப்பு
சொரியும் குன்றம்.
குடகுமலையில் தோன்றி, தங்கு தடையின்றிப் பயணிக்கும்
காவிரிபோல், தான் துய்த்தவற்றை, தான் கற்றவற்றை, தான் அறிந்தவற்றைத், தெளிவாய், மிகத்
தெளிவாய், துல்லியமாய் வார்த்தைகளில் வடிக்கத் தெரிந்தவர் இவர், எனப் பெருமகிழ்வோடு,
தன் கவி வரிகளால், பாராட்டுவார் பாவேந்தர்
பாரதிதாசன்.
