மீப்யா

 

தமிழா நாம் பேசுவது தமிழா தமிழா?

தமிழா நாம் பேசுவது தமிழா?

அன்னையை நம் வாயால் அம்மே என்று அழைத்தோம்

அப்பாவை நாமும் அப்பே என்று அழைத்தோம்

இசைத்தமிழ் வளர்த்த தஞ்சை

 

பன்னெடுங்  காலம்  பணிசெய்து  பழையோர்

     தாம்பலர்  ஏம்பாலித்  திருக்க

என்னெடுங்  கோயில்  நெஞ்சுவீற்  றிருந்த

     எளிமையை  யென்றுநான்  மறக்கேன்

மின்னெடும்  புருவத்  திளமயி  லனையார்

     விலங்கள்செய்  நாடக சாலை

இன்னடம்  பயிலும்  இஞ்சிசூழ்  தஞ்சை

     இராசரா  கேச்சரத்  திவர்க்கே.

                                            ஒன்பதாம் திருமுறை-திருவிசைப்பா-பண்பஞ்சமம்

     கொங்கு நாட்டில் பிறந்த கருவூர்த்தேவர், தஞ்சை இராசராசேச்சரத்தைப் பஞ்சமப் பண்ணில் பாடியுள்ளார். இப்பதிகம் 11 பாடல்களைக் கொண்டுள்ளது. தஞ்சையில் மன்னன் இராசராச சோழன் தனது இருபதாம் ஆட்சிக் காலத்தில், இராசராசேச்சரத்து இறையவர்க்குக் கோயில் கட்டிய பொழுது துணை நின்றவர் கருவூர்த்தேவர். இவரே இராசேந்திர சோழன், இராசராசன் மனைவி திரைலோக்கி பெயரால் அமைந்த தலங்களையும் பாடியுள்ளார். திருக்களந்தை ஆதித்தேச்சரம் பற்றிப் பாடியுள்ளார். இவையனைத்தும் பண் சுமந்த இசைப்பாக்களாகும்.

     திருமங்கையாழ்வார் பல்லவர் கால ஆழ்வார் ஆவார். இவர் பாடிய பெரிய திருமொழியில் ஒரு பதிகம், வம்புலாஞ்சோலை மாமணிக்குன்றனைப் பற்றிப் பாடியது. இதுவும் இசைப் பாவாகும். இன்று இசைக்கப் பெறாமல் ஓதப்பட்டு வருகிறது.

      திருப்புகழ் பாடிய அருணகிரியார், தஞ்சை முருகனைப் பற்றிப் பாடிய நான்கு பாடல்கள் கிடைத்துள்ளன.

அஞ்சன வேல்விழி – மடமாதர்
அங்கவர் மாயையி – லலைவேனோ

விஞ்சுறு மாவுன – தடிசேர
விம்பம தாயரு – ளருளாதோ

நஞ்சமு தாவுணு – மரனார்தம்
நல்கும ராவுமை – யருள்பாலா

தஞ்சென வாமடி – யவர்வாழத்
தஞ்சையில் மேவிய – பெருமாளே.

     முதலாழ்வார் பெருமக்களாலும் போற்றப்பெற்ற தஞ்சை நகரம் இசைக்கலையில் மையமாகத் திகழ்ந்து வருகிறது. இதுகுறித்துச் சென்னைப் பல்கலைக் கழக முன்னாள் இசைத்துறைப் பேராசிரியர்றைப் பேராசிரியர் Tanjore is a Sear of Music என்ற ஆய்வுமேற்கொண்டு முனைவர் பட்டம் பெற்று நூலாக வெளியிட்டுள்ளார்.

     இன்றைய தஞ்சை மாநகரத்தை மட்டும் எல்லையாகக் கொண்டு, தஞ்சை வளர்த்த இசைத்தமிழ் வளங்களைக் காண்போம்.

     தஞ்சை இராசராசேச்சரக் கோயிலில் திருமுறை விண்ணப்பம் செய்திட, மாமன்னன் இராசராசன் 48 பிடாரர்களையும், நிலையாய் உடுக்கை வாசிப்பான் ஒருவனையும், கொட்டி மத்தளம் வாசிப்பான் ஒருவனையும் நியமித்ததைக் கல்வெட்டு வாயிலாக அறிகிறோம். அவ்வாறு நியமனம் பெற்றவர்கள் பிடாரர் என்று அழைக்கப்பட்டுள்ளனர். சிவதீட்சை பெற்ற தீட்சா நாமமும் பெற்றுள்ளனர்.

     நாட்டியக் கலை வளர்க்க 400 தளிச்சேரிப் பெண்டுகளும், 11 நிருத்தமாராயர்களையும், வங்கியம், மெராவியம், பாடவியம், உடுக்கை, வீணை ஆகிய இசைக் கருவிகள் இசைப்போரும், ஆரியம் பாடுவார் மூவர், தமிழ் பாடுவார் நால்வர், பக்கவாத்தியர் ஐவர், கொட்டி மத்தளம் வாசிப்போர் இருவர், முத்திரைச் சங்கு ஊதுபவர் மூவரும் நியமிக்கப்பட்டுள்ளனர். ஊதியம் பெற்றுள்ளனர்.

     தஞ்சையில் 143 ஆண்டுகள் நாயக்கர்கள் ஆட்சி நடந்தது. இக்காலத்தில், இசைக்கலை வளர் மையமாகிய தஞ்சை, கலை வளர்ச்சியில் பல் வளங்களைப் பெற்றது. சங்கீத சுதா, பாரத சுதா, யட்சகான நூற்கள் வந்தன. கோவிந்த தீட்சதர் 24 மெட்டுகள் கொண்ட வீணையை உருவாக்கினார். இன்று இவ்வீணை மன்னர் இரகுநாதர் பெயரால், இரகுநாத வீணை என அழைக்கப்படுகிறது. வீணை செய்வோர் இன்றும் தஞ்சையில் உள்ளனர்.

     கோவிந்த தீட்சதரின் மகன் வேங்கடமகி, தஞ்சை மன்னர் விசயராகவர் ஆலோசனைப்படி, சதுர்தண்டிப் பிரகாசிகை என்ற மேளபத்ததி முறையை உருவாக்கினார்.

     தஞ்சையில் கிருஷ்ண பக்தியை வளர்க்கும் பஜனை முறை எழுந்தது. சங்கீத மேளம், பாகவத மேள முறைகள் தோன்றின.

     மராட்டிய மன்னர்கள் காலத்தில், சங்கீத மும்மூர்த்திகள் தோன்றி, இசையில் இறைவழிபாடு செய்யும் தொன்மை முறையை தெலுங்கு, சமஸ்கிருத படைப்புகள் வாயிலாகத் தந்தனர்.

     தியாகேசர் குறவஞ்சி, சரபேந்திர பூபாலக் குறவஞ்சி, அதிரூபாவதி கல்யாணம், சிவகாம சுந்தரி பரியை நாடகம், என ஐந்து தமிழிசை நாடகங்கள் தோன்றின.

     தஞ்சை நாட்டிய நால்வரால், இன்றைய ஆடல் அரங்கிசை வடிவமைப்புகள் உருவாக்கப் பெற்றன.

     இருபதாம் நூற்றாண்டின் தொடக்கத்தில், இசைத்தமிழ் ஆய்வு மையமாகத் தஞ்சை விளங்கியது.

     இராவ் சாகிப் தஞ்சை மு.ஆபிரகாம் பண்டிதர், தஞ்சையில் இசைத்தமிழ் ஆய்வைத் தொடங்கினார். 1912 இல் சங்கீத வித்யாமகாஜன சங்கத்தை நிறுவினார்.

     1912 ஆம் ஆண்டில் இருந்து 1916 ஆம் ஆண்டுவரை, தம் சொந்த பொருட்செலவில், ஏழு இசை மாநாடுகளை நடத்தினார்.

     இசையின் தொன்மை, ஓர் இயக்கில் உள்ள சுருதிகள், இராக லட்சணங்களை ஆராய்ந்தார். இவற்றைத் தொகுத்து 1917 ஆம் ஆண்டில், 1346 பக்கங்கள் கொண்ட கருணாமிருத சாகர முதல் நூலை வெளியிட்டார்.

     சிலம்பு கூறும் இசை நுட்கங்களை வெளியிடும் நூலுக்கு இசைத்தமிழ் நூல் என்று பெயரிட்டார்.

     கருணாமிருத சாகரம் இரண்டாம் தொகுதி, கருணாமிருத சாகரத் திரட்டு போன்ற நூல்களையும் வெளியிட்டார்.

     இசை கற்போர், தாய்மொழி வழி இசை கற்க, சொற்பிழை, சுரப்பிழை, கருத்துப் பிழை வாராமல் பயில இசைத்தமிழ் பாடல்களையும் தந்துள்ளார்.

     சிலப்பதிகார அரங்கேற்று காதை கூறும் யாழசிரியர் அமைதி அடிப்படையில், 1947 ஆண்டில், தஞ்சையில் மாபெரும் ஓர் இசைத்தமிழ் ஆய்வு நூல் வெளிவந்துள்ளது. இந்நூல் யாழ்நூல் எனும் பெயரில், கரந்தைத் தமிழ்ச் சங்க வெளியீடாக வெளிவந்தது.

     இந்நூல் விபுலானந்த அடிகளாரின் வாழ்நாள் சாதனை நூலாகும்.

     இந்நூல், தமிழரின் தொன்மை இசைக் கருவி யாழ் மூலம் எழுந்த இசை வளங்களை உரைக்கும் நூல். இவர்தந்த மதங்க சூளாமணி என்னும் நாடகத் தமிழ் நூல், நாடகத் தமிழ்த் திறன் உரைக்கும் நூலாகும்.

     தஞ்சை ஆபிரகாம் பண்டிதரின் மூன்றாவது மகன், வரகுண பாண்டியர் எழுதியுள்ள பாணர் கைவழி எனப்படும் நூல், பண்டைய யாழ் இசைக் கருவிதான், இன்றைய வீணையாக வளர்ந்துள்ளமையைத் தெரிவிக்கிறது.

     ஆபிரகாம் பண்டிதல் குடும்ப உறவில் மலர்ந்த பேராசிரியர் து.ஆ.தனபாண்டியர், பண்டிதரின் இசைக் கோட்பாடுகளை தெளிவு படுத்தி, இராகங்களும் நுண்ணலகுகளும், புதிய இராகங்கள், இசைத்தமிழ் வரலாறு தொகுதி 1,2,3 மற்றும் பல ஒலி நாடாக்களை வெளியிட்டு இசைத்தமிழ் உலகிற்கு அளப்பரிய சாதனை செய்துள்ளார்.

     தஞ்சை பொன்னையா பிள்ளை என்பார், தஞ்சை நால்வர் மரபில் வந்தவர். அண்ணாமலைப் பல்கலைக் கழக இசைத்துறையில் பணியாற்றி, இசைத்தமிழ் பாக்களை ஆய்வு செய்து அளித்துள்ளார். இவரது மகன் வீணை சிவானந்தம் அவர்கள், யாழ்நூல் அரங்கேற்றத்தின் பொழுது, புதிதாக மீட்டுருவாக்கம் பெற்ற யாழை இசைத்தவராவார்.

     இவரும், இவரது குடும்பத்தாரும், சென்னைப் பண்ணாராய்ச்சி மாநாட்டில் இசைப் பேரறிஞர் விருது பெற்றுள்ளனர்.

     மங்க இசை மன்னர்கள், மரபு தந்த மாணிக்கங்கள், தாள வர்ண தரங்கிணி 4 தொகுதிகள் போன்ற அரிய நூல்களைத் தந்த, தஞ்சாவூர் பி.எம்.சுந்தரம் அவர்கள் ஒரு சிறந்த இசைவாணர், படைப்பாளர், ஆய்வாளர் ஆவார்.

     சுமார் ஆயிரத்திற்கும் மேற்பட்ட இசைப் பாடல்களுக்கு இசையமைத்துப் பக்தி பாடல்களை, சீர்காழி கோவிந்தராசன் மூலம் வெளிப்படுத்திய இசையமைப்பாளர் டி.ஆர்.பாப்பா அவர்கள் தஞ்சாவூரைச் சார்ந்தவர்.  இவர் பல திரைப்படங்களுக்கு இசையமைத்தவராவார். இவர் காலத்தில் உருவாகிய மாவட்ட இசைப் பள்ளிகள் பல.

     சீகாழி மூவர்களின் வரலாற்றை எழுதி, அவர்களின் பாடல்களை உலகிற்கு அறிவித்து, தமிழிசை ஆதிமும்மூர்த்திகள் மூவரையும் நமக்குக் காட்டிய மு.அருணாசலம் ஐயா, இந்து சமய அறநிலையத்துறை முன்னாள் ஆணையர் யு.சுப்பிரமணியம் ஆகியோரின் பணிகள் போற்றத்தக்கவையாகும்.

     தஞ்சாவூரில் தமிழ்ப் பல்கலைக்கழகம் உருவாக்கப்பெற்ற பொழுது, இசைத் துறையும் உருவாக்கப்பட்டது. தென்னகப் பண்பாட்டு மையம் தஞ்சையில் செயல்பட்டு வருகிறது. தமிழக அரசின் கலை பண்பாட்டுத் துறை சிறப்புடன் செயல்பட்டு வருகிறது.

     தஞ்சையில் இசைக் கலைஞைர்கள் பலர் உள்ளனர். நாகசுரக் கலைஞர்கள், தவில் கலைஞர்கள், இசை ஆசிரியர்கள், இசை ஆய்வாளர்கள், தண்ணுமையோன், குழலோன், வில்லோன், கஞ்சிராக் கலைஞர்கள், வீணைக் கலைஞர்கள், கிராமியப் பாடல் கலைஞர்கள் எனப் பல்வகையினர் உள்ளனர். இவர்களில் ஒன்றிய, மாநில விருதாளர்கள் பலர் உள்ளனர்.

     திருச்சி பாரதனின் குகநானூறு இசைப் பாடல்களை முழுநேரமாகப் பாடியவர்களும் இவர்களுள் அடங்குவர்.

     திருவருட்பா பாடல்களை பாடிய ஞானமணி ராசப்பிரியர், தஞ்சை சரசுவதி, இசைத் தமிழ்ப் பாடல்களாக நாட்டிய நிகழ்வுகளைத் தந்த தலைக்கோலாசான் பா.ஹேரம்பநாதன் உட்பட பலர் உள்ளனர்.

---

கடந்த 10.11.2024 ஞாயிற்றுக் கிழமை

ஏடகம்

ஞாயிறு முற்றம்

சொற்பொழிவில்,

     இசைத்தமிழ்ப் பற்றியும், நாட்டியத் தமிழ்ப் பற்றியும் ஆராய்வதனையே, தனது முழு நேரப் பணியாகக் கொண்டு செயலாற்றிவரும், இசைத் தமிழ் அறிஞர்கள் தொகுதி 1,2,3,4, மழை தரும் பண்ணும் பதிகங்களும், ஆனாய நாயனார், கருவூர்த் தேவர், பழந்தமிழ்ப் பண்ணிசை, இசைத்தமிழ்த் தடத்தில் திருவருட்பா, சிலப்பதிகார அரங்கேற்று காதை நாட்டும் இசை நுட்பங்கள் முதலான 64 நூல்களின் ஆசிரியரும், திருப்புகழும் திருத்தலங்களும் என்னும் தலைப்பில் 400 பொழிவுகளை நிகழ்த்தியவரும், திருச்சி வானொலியில் கருணாமிர்த சாகரம் பற்றி பதினைந்து தொடர் பொழிவுகளை நிகழ்த்தியவரும்,

     தனது இசைத்தமிழ் நாட்டியத் தமிழ்ப் பயணத்திற்கு மேலும் வலுவூட்ட, பல நாட்டிய நாடகங்கள், நாட்டிய உருக்களைப் படைத்து, தன் மகள், தமிழ்ப் பல்கலைக் கழக இசைத்துறை இணைப் பேராசிரியர் முனைவர் செ.கற்பகம் வாயிலாக, உலக அரங்கில், நாட்டிய நாடகங்களை, நாட்டிய உருக்களைத் தந்துவருபவரும், சிலம்பு இசை நாட்டிய உயராய்வு கல்வி அறக்கட்டளை ஒன்றினை நிறுவி, தொடர்ந்து தொய்வின்றிப் பணியாற்றிவருபவருமான

திருவையாறு அரசர் கல்லூரியின் முன்னாள் முதல்வர்

முனைவர் சண்முக.செல்வகணபதி அவர்களின்

இசைத்தமிழ் வளர்த்த தஞ்சை

எனும் பொருண்மையிலான, பொழிவு கேட்டு, அரங்கே வியந்து போனது, நெகிழ்ந்து போனது.

தஞ்சாவூர், வேளாண் துறையில் பணியாற்றி ஓய்வு பெற்ற

தமிழ்ச் செம்மல் ரா.சிவக்குமார் அவர்களின்

தலைமையில் நடைபெற்ற, இப்பொழிவு கேட்க வந்திருந்தோரை

செல்வி அபர்ணா ஸ்ரீநிவாசன் அவர்கள்

வரவேற்றார்.

பொழிவின் நிறைவில்

தஞ்சாவூர், பான்செக்கர்ஸ் மகளிர் கல்லூரி,

தமிழ்த் துறை உதவிப் பேராசிரியர்

செல்வி செ.புனித அஞ்சலி அவர்கள்

நன்றி கூறினார்.

தஞ்சாவூர, மருதுபாண்டியர் கலை அறிவியல் கல்லூரி

தமிழ்த் துறை உதவிப் பேராசிரியர்

முனைவர் கி.உஷா அவர்கள்

விழா நிகழ்வுகளை அழகுத் தமிழால் தொகுத்து வழங்கினார்.

 

இசைத் தமிழை

ஏடக அரங்கிற்கு அழைத்து வந்து,

இசைத் தமிழின் பெருமையை -அதன்

உன்னதத்தை, தொன்மையை

உலகிற்கு உணர்த்திய

இசைத்தமிழ்  ஆய்வு மையமே

தஞ்சைதான் – என உணரவைத்த

ஏடக நிறுவனர், தலைவர்

முனைவர் மணி.மாறன் அவர்களை

வாழ்த்துவோம், பாராட்டுவோம்.

 

 

    

    

 

 

இயல், இசை, கூத்து

 

     முத்தமிழ்.

     இயல், இசை, நாடகம்.

     இது காலத்தால் பிந்தையது.

     இயல், இசை, கூத்து.

பூக்கள் பூத்துக்கொண்டே இருக்கின்றன

 

இந்த சமூகத்தில் பிச்சையெடுக்கும் பிச்சைக்காரர்கள் அத்தனைப் பேரும் பிச்சைக்காரர்களா? அல்லது உழைக்காமலே வளத்துடன் வாழ்பவர்கள், ஒழுங்கீனமாக நடந்து கொள்பவர்கள் பிச்சைக்காரர்களா? எப்படி இதை சரி செய்வது? சரி செய்ய முடியுமா?

ஆற்றுப்படை

 

     திருமுருகாற்றுப்படை.

     பொருநராற்றுப்படை.

     சிறுபாணாற்றுப்படை.

     பெரும்பாணாற்றுப்படை.

     கூத்தராற்றுப்படை.

     மன்னரைப் பாடி பரிசில்களைப் பெற்ற ஒரு புலவர், தன்னைப் போன்ற பிற புலவர்களிடம், அம்மன்னனின் சிறப்புகளையும், அம்மன்னனைக் காண்பதற்கான வழிகளையும் கூறி, அம்மன்னனைக் காணச் செல்லுங்கள், மன்னனைப் பாடி பரிசில்களைப் பெற்று, வறுமையைப் போக்கிக் கொள்ளுங்கள் என ஆற்றுப்படுத்துவது ஆற்றுப்படை ஆகும்.

ஆங்கிலத்தில் ஓர் அற்புத நூல்

  

     சிந்தனை.

     ஒரே சிந்தனை.

     சற்றேரக்குறைய முப்பது ஆண்டுகளுக்கும் மேலாக ஒரே சிந்தனை.

புலமையும் வறுமையும்

      திருவிளையாடல்.

     திருவிளையாடல் படத்தினை, நாம் எல்லோருமே பார்த்திருப்போம்.

     அப்படத்தில் வரும்  அனைத்து காட்சிகளும், நம் மனம் கவர்ந்தவைதான்.

     அதிலும் குறிப்பாக தருமி.

தாஜ்

 

     தாஜ் மகால்.

     ஆக்ராவில், தன் மனைவி மும்தாஜ் அவர்களுக்காக, ஷாஜகான் கட்டி எழுப்பிய, இன்று உலக அதிசயங்களுள் ஒன்றாய் திகழும் தாஜ்மகாலை நாம் அறிவோம்.

     ஆனால், மகாராஷ்டிராவிலும் ஒரு தாஜ்மகால் இருப்பதை அறிவீர்களா?

நிம்மதியாகத் தூங்குங்கள்

 

     காஷ்மீர்.

     இன்று காஷ்மீரில் வசிக்கக்கூடிய மக்களில் 80 சதவிகிதத்திற்கு மேலானவர்கள் இஸ்லாமியர்கள்.

     இஸ்லாம் படையெடுப்பின் மூலம் இந்தியாவிற்கு வந்தது என்பார்கள்.

     1500 ஆண்டுகளுக்கு முன்பு, இஸ்லாம் தோற்றம் பெற்ற காலத்திலேயே, தமிழ் நாட்டிற்கு இஸ்லாம் மதம் வந்திருக்கிறது.

ஔரங்காபாத்தில் சில நாள்கள்

 

     நண்பர்களே, வணக்கம்.

     கடந்த மே மாதம், 26 ஆம் நாள், எங்கள் அன்பு மகளுக்குத் திருமணம் நடைபெற்றதைப் பலரும் அறிவீர்கள்.

     தமிழறிஞர்கள், நண்பர்கள், உறவினர்கள் கலந்து கொண்டு மணமக்களை வாழ்த்தி மகிழ்ந்த காட்சிகள், இன்றும் என் மனக் கண்ணில் திரைப்படமாய் ஓடிக் கொண்டிருக்கின்றன.

எரிதழலும் இளங்காற்றும்

 

 

காலத்திற்கு ஒருநாள் முந்தி

முன்பணிக் காலம்

மின்னல் உறங்கும் பொழுது

இரவுப் பாடகன்

போகிற போக்கில்

சொல்ல வந்தது,

இவர்களோடும் இவற்றோடும்

அந்த நந்தனை எரித்த நெருப்பின் மிச்சம்

புன்னகை சிந்தும் பொழுது

கருவறையிலிருந்து ஒரு குரல்

என் அருமை ஈழமே

அன்னை மடியே

உன்னை மறவேன்

கதை முடியவில்லை

தோணி வருகிறது

தீவுகள் கரையேறுகின்றன

பரணி பாடலாம்.

அம்மா

 

     அம்மா.

     அம்மா இவ்வுலக வாழ்வு துறந்து, நெருப்பில் கலந்து, சாம்பலாய் மேலெழுந்து காற்றில் கரைந்து, முழுமையாய் ஓர் ஆண்டு கடந்து விட்டது.

     என் அப்பா, படுக்கையில் வீழாமல், ஓரிரு நிமிடங்களில் அமைதியாய், கொஞ்சமும் சிரமப்படாமல் மூச்சைத் துறந்தவர்.

     தந்தையின் பிரிவிற்குப் பின், தாயின் முதுகு அதிகமாய் வளைந்து போனது.

     தந்தையின் பிரிவு தந்த அதிர்ச்சியில் நினைவு அகன்று போனது.

வணங்குகிறேன் தாயே

 

     இந்நாள்.

     ஏப்ரல் திங்கள் 19 ஆம் நாள்.

     என் நெஞ்சில் நிரந்தரமாய் நிலைத்துவிட்ட கருப்பு நாள்.

ஆற்றோரம் வாரீர்

 

நீரின்றி அமையாது உலகென்று அதனை வகைப்படுத்த

ஆறின்றி இயலாது என உணர்ந்தனர்.

ஆறு கண்டார், அதனால் சோறு கண்டார் – எத்தனை

அ.ச.ஞா

 

     1925 ஆம் ஆண்டில், திருச்சியை அடுத்துள்ள துறையூரில் நடைபெற்ற, சைவர்கள் மகாநாட்டில் மேடையேறி, மெய்ப்பொருள் நாயனார் வரலாற்றைப் பேசி, அனைவரையும் வியக்க வைத்தபோது, அச்சிறுவனின் வயது ஒன்பது.

பண்பெனப்படுவது

 

தமிழ் வாழ்க வென்பதிலும் தமிழ்வா ழாது

தமிழ்ப் பெயரை வைப்பதிலும் தமிழ்வா ழாது

தொட்டி மீன்கள்

 

இரவில்

எங்கு குழந்தை அழுதாலும்

அவளுக்குப்

பாலூறும் …

தாகத்திற்குத் தானே தண்ணீராவது…

 

வீட்டின் முன்

வெறுமை.

வீதி மூளியாகிவிட்டது.

காந்தியின் நிழல்

     

 ஆண்டு 1942.

     ஆகாகான்அரண்மனை.

     மகாராஷ்டிரா மாநிலத்தின் புனே நகரில், எரவாடா பகுதியில், 1892 ஆம் ஆண்டு, சுல்தான் முன்றாம் முகமது ஷா அவர்களால் கட்டப்பெற்ற அரண்மனை.

     மொத்தப் பரப்பளவு 19 ஏக்கர்.

     சுல்தான் தனக்காகப் பார்த்துப் பார்த்துக் கட்டிய அரண்மனையை, ஆங்கிலேய அரசு சிறைச்சாலையாக மாற்றி இருந்தது.

      மகாத்மா காந்தி வெள்ளையனே வெளியேறு இயக்கத்தைத் தொடங்கினார்.

     ஆங்கிலேய அரசு வெகுண்டு எழுந்தது.

     காந்தியைக் கைது செய்தது.

     ஆகாகான் அரண்மனையில் காவலில் வைத்தது.

     காந்தியை மட்டுமல்ல, காந்தியோடு, காந்திய இயக்கவாதிகள் பலரையும் கைது செய்து, இங்குதான் வைத்தது.

     1942 ஆகஸ்ட் 15.

     திடீரென்று அரண்மனை பரபரப்படைந்தது.

பிஷ்னோய்

 

 

     ஈஸ்டர் தீவு.

     சிலி நாட்டின் தீவு.

     சுண்ணாம்புக் கற்கள் நிறைந்த தீவு.

     ஒரு காலத்தில் ஐம்பதாயிரம் மக்களால் நிரம்பித் ததும்பியத் தீவு.

     இத்தீவின் தலைவருக்குத் திடீரென்று ஓர் எண்ணம் உதித்தது.

நான் இங்கே இருந்தேன்

      ஆண்டு 1879.

     அது ஒரு பெரும் குகை.

     ஒரு தந்தை, தன் மகளுடன் அக்குகையில் மெல்ல நடந்து கொண்டிருக்கிறார்.

     பன்னிரெண்டே வயதான அவரது மகள், திடீரெனக் கத்தினாள்.

     அப்பா, உங்களுக்குப் பின்னால், ஒரு காட்டெருமை நிற்கிறது.

ஓர் உளி, எழுதுகோலான கதை

 

     ஆண்டு 1945.

     கரந்தை.

     வடவாற்றங்கரையின், தென் கரைக்கு அருகில் அமைந்துள்ள, பாலோபா நந்தவனம் கோயிலுக்கு முன்புறம், ஒரு பெரும் கல்லால், ஒரு நவக்கிரக மேடை அமைக்கும் பணி நடைபெற்றுக் கொண்டிருக்கிறது.

     ஓர் இளைஞர், இடுப்பில் நான்கு முழ வேட்டி, தோளில் ஒரு துண்டு, கலைந்த தலை, வெற்றிலை போட்டுப் போட்டு கறை படிந்த பற்களுடன், பெரும் கல் ஒன்றினைக் கொத்தி சீரமைக்கும் பணியினைச் செய்து கொண்டிருக்கிறார்.

கண்டேன் உறவை

     என் தாய், சகுந்தலா அம்மையார் மறைந்து எட்டு மாதங்கள் கடந்து விட்டன.

     நான்கு மாதங்களில், முதலாமாண்டு நினைவு நாள் வருகிறது.