05 ஜூன் 2014

கோரா



ஆண்டு 1930. அவர் ஒரு காந்தியவாதி. தேசியப் பற்று, அரிசன முன்னேற்றம் போன்ற காந்தியாரின் கொள்கைகளில் மிகுந்த பிடிப்பு உடையவர். உப்பு சத்தியாக்கிரகப் போராட்டத்தில் பங்கு பெற்றவர். உப்பு சத்தியாக்கிரகத்தில் பங்கு பெற்றதோடு மட்டுமன்றி, அக்கால கட்டத்தில் பிறந்த, தன் மகனுக்கு லவனம் எனவும் பெயரிட்டவர். லவனம் என்றால் உப்பு.

      காந்தியவாதிகளில் இப்படி பெயர் வைத்தவர்கள் வேறு யாராவது இருக்கிறார்களா என்ன? இப்படிப்பட்ட காந்தியவாதிக்கு நீண்ட நாட்களாக ஓர் ஆசை. காந்தியை ஒரு ஒரு முறையேனும் நேரில் சந்திக்க வேண்டும். ஓரிரு வார்த்தைகளாவது அவருடன் பேசிட வேண்டும்.


     இந்திய விடுதலைக்குப் பதினேழு ஆண்டுகளுக்கு முன்பு, 1930 இல் காந்தியாருக்கு ஓர் கடிதம் எழுதினார். தங்களைச் சந்திக்க விரும்புகிறேன். அனுமதி தாருங்கள்.

     காந்தி மறுத்துவிட்டார்.

     1941 இல் மீண்டும் கடிதம் எழுதினார். காந்தியாரின் வழியில், அரிசன முன்னேற்றத்திற்குத் தான் செய்துவரும் பணிகளை எல்லாம் பட்டியலிட்டு எழுதினார். தங்களைச் சந்திக்க வேண்டும். அனுமதி தாருங்கள்.

     மீண்டும் காந்தியார் மறுத்துவிட்டார்.

     மீண்டும், மீண்டும் கடிதங்கள் எழுதிக் கொண்டே இருந்தார். காந்தியார் மறுத்துக் கொண்டே இருந்தார். காந்திக்கும் தனக்கும் பொதுவான நண்பராகிய டி.ராமசாமி என்பவரை அணுகினார். இம்முறை பலன் கிட்டியது. 1944 ஆம் ஆண்டு நவம்பர் மாதம், காந்தி, தன்னைச் சந்திக்க, அந்தக் காந்தியவாதிக்கு நேரம் ஒதுக்கினார்.

     நண்பர்களே, உங்களுக்கு வியப்பாக இருக்கலாம், அல்லது இந்தச் செய்தியின் நம்பகத் தன்மை குறித்துக் கூட சந்தேகம் தோன்றலாம். காந்தி, ஒரு காந்தியவாதியைச் சந்திக்க மறுப்பாரா? ஆனால், இந்தச் செய்தி உண்மை. காந்தி, இம் மனிதரைச் சந்திக்க மறுத்தமைக்கு, ஒரே ஒரு காரணம்தான், தடைக் கல்லாய் குறுக்கே நின்றது.

கோரா ஒரு நாத்திகர்.

--

    

கோராவும், சரசுவதியும்
முதநூர் நாத்திக மையம், 1940

கோரா 1902 ஆம் ஆண்டு, நவம்பர் மாதம் பதினைந்தாம் நாள், அன்றைய ஆந்திராவின், இன்றைய ஒரிசா மாநிலத்தின் சத்ரப்பூர் என்னும் சிற்றூரில், நண்பர்களே கவனிக்கவும், ஒரு ஆச்சாரமான பார்ப்பனக் குடும்பத்தில் பிறந்தவர். இவரது முழுப்பெயர் கோபராஜு ராமச்சந்திர ராவ். மக்கள் இவரைச் செல்லமாக கோரா என்றே அழைத்தனர்.

     பிரம்ம சமாஜம், ஆரிய சமாஜம், தியோசாபிகல் சங்கம் போன்ற அமைப்புகளின் கொள்கைகளால், செயல்பாட்டால், படித்தவர்களிடையே, ஜாதியப் பாகுபாடுகள் பற்றிய, மறு சிந்தனை வளர்ந்து வந்த காலம் அது.

     கோரா மிகச் சிறந்த பக்திமானாகத்தான் வளரத் தொடங்கினார். இந்துக் கடவுள்களைப் பற்றி மட்டுமன்றி, அல்லா, இயேசு பற்றியும் சொந்தமாகப் பாடல்கள் எழுதிப், பாடியும் வந்தார்.

     கோராவின் சட்டைப் பையில் எப்பொழுதும், ஒரு விபூதிப் பொட்டலம் இருக்கும். இந்த விபூதியின் சக்தியால்தான், தான் எழுதும் தேர்வுகளில் எல்லாம், வெற்றி பெற்று வருவதாக உறுதியாக நம்பினார்.

     நண்பர்களே, கோராவின் குடும்பத்தில் நிகழ்ந்த ஓர் சோகம், கோராவின் கடவுள் நம்பிக்கையை அடியோடு, வேரோடு மண்ணாய் புரட்டிப் போட்டது.

     கோராவிற்குப் பதினெட்டு வயதிருக்கும் பொழுது, அவரது அக்காவின், மூத்த மகன் அம்மை நோய் கண்டு படுத்தான். அவரது குடும்பமே தெய்வத்தை வேண்டியது, தொழுதது, எங்கள் குல விளக்கை, எங்களுக்கு மீட்டுக் கொடு என மன்றாடியது.

     கடவுளை நம்பினோர் கைவிடப்படார் என உறுதியாக நம்பினர். ஆனால் கடவுள் கைவிட்டு விட்டார். மூத்த மகன் இறந்தான். குடும்பமே நிலை குலைந்தது. துக்கத்தில் இருந்து மீள்வதற்குள், இரண்டாம் மகனும் அம்மையால் இறந்தான். அழுத கண்கள் வற்றுவதற்குள் மூன்றாம் மகனும் அம்மைக்கு இரையானான்.

     கோராவின் மனதில் இருந்த நம்பிக்கை சுக்கு நூறாய் சிதறியது. அதுநாள் வரைத் தன் சட்டைப் பையில் வைத்திருந்த விபூதிப் பொட்டலத்தைத் தூக்கி எறிந்தார்.

     மதுரை அமெரிக்கன் கல்லூரியில் விரிவுரையாளர் பணி கிடைத்தது. பெட்டி படுக்கையுடன் மதுரை வந்தார். தங்குவதற்கு வீடுதான் கிடைக்க வில்லை. கடைசியில் ஒரு பெரிய வீட்டை, மிகக் குறைந்த வாடகைக்குக் கொடுக்க, வீட்டின் உரிமையாளர் முன் வந்தார். காரணம், பேய் குடியிருந்த வீடாம் அது. எனவே, வீட்டினுள் நுழையவே அனைவரும் அச்சப் பட்டனர். கோரா மகிழ்ச்சியுடன் குடி புகுந்தார்.

     மதுரை அமெரிக்கன் கல்லூரி முதல்வர், கோராவைக் கவனித்துக் கொண்டே வந்தார். கோராவின் கல்வி கற்பிக்கும் ஆற்றலைக் கண்டு வியந்தார். அம் முதல்வர் ஒரு நாள் கோராவை அழைத்தார்.

     தங்களின் ஆசிரியர் பணி எங்களுக்கு மிகுந்த மன நிறைவினை அளிக்கிறது. எனவே மேற்படிப்பிற்காக, தங்களை அமெரிக்காவிற்கு அனுப்ப முடிவு செய்துள்ளோம். செலவினங்களைக் கல்லூரியே ஏற்கும். அமெரிக்கா செல்லத் தயாரா என்றார்.

தயார்

ஒரே ஒரு நிபந்தனை

என்ன?

முதலில் தாங்கள் கிறித்தவராக மாற வேண்டும்.

     கோரா, அன்றே அமெரிக்கன் கல்லூரி விரிவுரையாளர் பணியைத் துறந்தார்

     ஒரு மதத்தை விட, இன்னொரு மதம் நல்லதா? உயர்ந்ததா? எல்லா மதங்களுமே மோசம்தான் என்ற முடிவுக்கு வந்தார்.

     இலங்கையின் ஆனந்தா கல்லூரியில் விலங்கியல் துறை விரிவுரையாளராகப் பணியில் சேர்ந்தார். விலங்கியல் ஆய்வு மாணவர்களுக்கு, ஆய்வுக் கூடத்தில், தவளையை வெட்டி அதன் உள்ளுறுப்புகளைக் காட்டி, பாடம்  நடத்தவேண்டும்.

     ஆனால் ஆனந்தா கல்லூரி இதற்குத் தடை விதித்த்து. அஹிம்சை என்பது புத்தமதக் கொள்கை என்று கூறித் தடுத்தது. மனம் நொந்து போனார்.


கோராவின் மனைவி சரசுவதி. கோராவின் மூத்த மகன் லவனம், நான்கு மாதக் கருவாய், தன் தாயின் வயிற்றில், வளர்ந்து வந்த பொழுது, ஓர் சூரியக் கிரகணம்.

     இந்து மதத்தின் நம்பிக்கையின்படி, கருவுற்ற பெண்கள், கிரகணத்தின் போது வெளியே வரக்கூடாது. காய்கறிகள் நறுக்கக் கூடாது. துணிகளை வெட்டவோ, தைக்கவோ கூடாது. இட்லியை பிட்டுத் திண்ணக் கூடாது. மீறினால் குழந்தை ஊனமாய் பிறக்கும்.

     சூரிய கிரகணத்தன்று, கிரகண நேரத்தில், புத்த, கிறித்தவ, இசுலாமியப் பெண்கள் வழக்கம் போல் தெருவில் நடமாடியதைக் கண்டார். தன் மனைவியை அழைத்துக் கொண்டு, காலார நடந்து வந்தார். காய்கறி வெட்டச் சொன்னார். இட்லியைப் பிட்டு உண்ணச் சொன்னார்.

     குழந்தை லவனம் முழு ஆரோக்கியத்துடன் பிறந்தான். அதனைக் கண்ட அக்கம் பக்கத்து இந்துப் பெண்கள் தெளிவு பெற்றனர்.

      1928 ஆம் ஆண்டின் ஆவணி அவிட்டம். பூணூல் அணிந்தாக வேண்டும். கோரா மறுத்தார். தந்தை உத்தரவிட்டும் மறுத்தார். இனி இவ்வீட்டில் உனக்கு இடம் கிடையாது என்றார். கோரா தன் மனைவி குழந்தையுடன், வீட்டை விட்டு வெளியேறினார்.

நடுவில் இருப்பவர் கோரா,இடது ஓரத்தில், தோள் பையுடன் லவனம்
கோரா தெலுங்கு மொழியில் பல நூல்களை எழுதி வெளியிட்டார். அவரது முதல் நூல் நாத்திகத்துவம். 1941 இல் இந்நூல் வெளிவந்தது.


பூமி தான இயக்கத்தில் வினோபா காந்தியுடன் கோரா
விதவை மறுமணம் செய்து வைக்கும் கோரா
ஜெயப்பிரகாஷ் நாராயணனுடன் கோரா
மூதனூர். கோரா தனது செயல்பாடுகளுக்கு உரியதாக இந்த சிறிய ஊரைத்தான் தேர்ந்தெடுத்தார். இவ்வூரில் முதன் முதலாக ஒரு நாத்திய மையத்தை நிறுவினார். கனுமுரு என்னும் ஊரில் நாத்திக மாநாட்டை நடத்தினார்.

     1947 இல் நாத்திய மையத்தை விஜயவாடாவிற்கு மாற்றினார். சங்கம் என்னும் தெலுங்கு மொழி வார ஏட்டினைத் தொடங்கினார். நாத்திகன் எனப் பொருள்படும் ஆங்கில மாத இதழ் ஒன்றினையும் தொடங்கினார்.

     1972 இல் உலக நாத்திகர் மாநாட்டினை விஜயவாடாவில் நடத்திக் காட்டிய மாமனிதர் இவர்.

      கொஞ்சம் படித்தவர்களின் நிலைதான் வேதனையானது. அவர்கள் இரட்டை வாழ்க்கை வாழ்கிறார்கள். அறிவு நாணயமே இல்லாதவர்கள் அவர்கள். அறிவியல் ஆய்வகத்தில், அறிவியல் மனதுடன் இருக்கும் அவர்கள், வீட்டிற்குப் போனதும், மூட நம்பிக்கையாளர்களாக வாழ்கிறார்கள்.

நண்பர்களே, இவர்தான் கோரா.


     1944 ஆம் ஆண்டு நவம்பர் மாதத்தின் கடைசி வாரம், தனது மாலை நேர நடைப் பயிற்சியின் போது, பேசிக் கொண்டே நடப்பதற்கு, கோராவிற்கு நேரம் ஒதுக்கியிருந்தார் காந்தி.
மாலை மணி 5.30. தனது ஆசிரமத்தில் இருந்து வெளியே வருகிறார் காந்தி. கோரா, காந்தியிடம் அறிமுகம் செய்து வைக்கப் படுகிறார். முகம் மலர்ந்த புன்னகையோடு கோராவைப் பார்த்து காந்தி கேட்டார்.

கடவுள் இல்லை என்பவருடன், நான் எதைப் பேசுவது?

பாபுஜி, நான் கடவுள் மறுப்பாளன் அல்ல. நான் ஒரு நாத்திகன்.

நாத்திகத்திற்கும், கடவுள் இல்லை என்பதற்கும் வேறுபாடு உண்டா என்ன?

கடவுள் இல்லை எனச் சொல்வது எதிர்மறை. அது கடவுளை மறுக்கிறது. நாத்திகம் என்பது உடன்முறைக் கொள்கை. கடவுளை மறுத்ததன் மூலம், வாழ்வின் வெற்றிகளை உறுதிப் படுத்தும் உயர் கொள்கை.

நாத்திகம் என்பது எதிர்மறை வார்த்தை இல்லையா?

நாத்திகம் என்றால் தன்னம்பிக்கை, சுதந்திரமான சிந்தனை என்று பொருள். தங்களின் ஒத்துழையாமை இயக்கம், அஹிம்சா என்பதெல்லாம், எதிர் மறை வார்த்தைகளாக இருந்த போதிலும், நேர் மறைப் பொருளைத்தானே தருகின்றன. நாம் கூட தைரியமானவன் என்பதற்குப் பதிலாக, பயமற்றவன் என்று சொல்கிறோமல்லவா? அதுபோலத்தான் நாத்திகமும் என்ற கோரா தொடர்ந்தார்.

1943 இல் வங்காளத்தில் ஏற்பட்ட பஞ்சத்தில், கல்கத்தா நகரத் தெருக்களில், ஆயிரக் கணக்கான மக்கள் செத்து மடிந்தனர். அது அவர்களின் தலைவிதி, தலையெழுத்து என்றுதான் எல்லோரும் சொன்னார்கள். கடவுள் இப்படிப் படைத்துவிட்டாரே? என்று நொந்து கொண்டார்கள். இந்த மாதிரியான காரணங்களே, அவர்களின் வாழ்க்கைத் தத்துவமாகிவிட்டது.

இதே தத்துவம்தான் தாழ்த்தப்பட்ட மக்களுக்கும், உயர் ஜாதி மக்களுக்கும் இடையே. இதே தத்துவம்தான், கருப்பு நிற மக்களுக்கும், வெள்ளை நிற மக்களுக்கும் இடையேயும். முன் கூட்டியே தீர்மாணிக்கப் பட்ட, தலைவிதித் தத்துவம், மனிதர்களின் நிலையை, விலங்குகளை விடக் கேவலமாக ஆக்கி விட்டது.

     சமூகத்தில் சமன்பாடான நிலையை மனிதனால் ஏற்படுத்திட இயலாது என்கிற நிலை. மனித குல மாண்புகளும், உயர் கொள்கைகளின் வளர்ச்சியும் நடைபெற வேண்டுமானால், முதலில் கடவுள் மீதும், விதியின் மீதும், மனிதனுக்கு இருக்கும் நம்பிக்கை போக்கப் பட வேண்டும்.

     சிறிது நேர மௌத்திற்குப் பிறகு, மகாத்மா காந்தி பேசினார்.

உங்கள் கருத்தில் லட்சிய நோக்கு இருக்கிறது. என்னுடைய ஆத்திகம்தான் நல்லது என்றோ, உங்களது நாத்திகம் தீயது என்றோ, என்னால் கூற முடியவில்லை. நான் உங்கள் வழிக்கு வரலாம், அல்லது நீங்கள் என் வழிக்கு வரலாம், அல்லது இருவருமே மூன்றாவதாக ஒரு வழியில் செல்லலாம்.

   



ஆந்திர முதல்வரின் இல்லத்தை முற்றுகையிட்டுப் போராட்டம
அடுத்த இரண்டே மாதங்களில், மகாத்மா காந்தியின் ஆசிரமத்தில் நடைபெற இருக்கின்ற, ஆதாரக் கல்வி மாநாட்டை ஒட்டி, ஆசிரமத்தில் தங்கிப் பணியாற்றுமாறு, காந்தி, கோராவைக் கேட்டுக் கொண்டார். கோராவும் தங்கிப் பணியாற்றினார்.


     1975 ஆம் ஆண்டு ஜுலைத் திங்கள் 26 ஆம் நாள் விஜயவாடாவில் ஓர் கூட்டம். விவேகானந்தா சமிதியின் சார்பில் ஓர் கூட்டம். கிராமப்புற இந்தியாவில் சமூக மாற்றம் என்னும் தலைப்பில், உணர்ச்சிகரமான உரையினை ஆற்றிக் கொண்டிருந்த, 73 வயதானகோரா, திடீரென்று கீழே விழுந்தார்.  மேடையிலேயே இறந்தார்.
    
தந்தைப் பெரியாருடன் கோரா
அறிவின் உண்மையான எல்லை நாத்திகம் என்பார் பெரியார். அந்த நாத்திகக் கருத்துக்கள், தோற்றம் பெற்றதே இந்தியாவில்தான் என்பது ஆய்வாளர்கள் கருத்து.


நாத்திக மனம் பரப்பி,
மனிதம் காக்க,
ஜாதியம் போக்கப்
போராடியப் போராளி,
கோரா
அவர்களின்
நினைவினைப் போற்றுவோம்,



100 கருத்துகள்:

  1. நாத்திகம் என்றால் தன்னம்பிக்கை, சுதந்திரமான சிந்தனை என்று பொருள். தங்களின் ஒத்துழையாமை இயக்கம், அஹிம்சா என்பதெல்லாம், எதிர் மறை வார்த்தைகளாக இருந்த போதிலும், நேர் மறைப் பொருளைத்தானே தருகின்றன. நாம் கூட தைரியமானவன் என்பதற்குப் பதிலாக, பயமற்றவன் என்று சொல்கிறோமல்லவா? அதுபோலத்தான் நாத்திகமும்

    சரியான விளக்கம்.

    பதிலளிநீக்கு
  2. யாவரும் அறிந்துகொள்ளவேண்டிய மாமனிதரின் வாழ்க்கையை அழகுபட மொழிந்தமைக்கு நன்றிகள் நண்பரே. படிக்கப் படிக்க வியப்பாக உள்ளது இப்படியும் மனிதர்கள் இருந்தார்களா? என்று..

    பதிலளிநீக்கு
    பதில்கள்
    1. இப்படியும் ஒருவர் இருந்திருக்கிறார் என்பது வியப்பாகத்தான் இருக்கிறது நண்பரே

      நீக்கு
  3. சிறந்த தகவல்களுடன் இந்த மனிதர் பற்றி இன்றுதான் அறிந்தேன். நன்றி.

    பதிலளிநீக்கு
  4. மாற்றுக்கருத்தையும் மதித்து ஏற்ற காந்தியடிகளும், அவரது வேண்டுகோளை ஏற்றுப் பணிபுரிந்த கோராவும் இனிவரும் தலைமுறைகளில் பார்க்கமுடியுமா? மனிதர்களை வெறுக்காமல், அவர்களின் கொள்கைகளை மட்டுமே விவாதிக்கக்கூடிய அறிவார்ந்த சமுதாயம் இன்னும் முழுமையாக ஏற்படவில்லையே என்ற ஆதங்கத்தைத் தங்கள் பதிவு ஏற்படுத்திவிட்டது. வழக்கம் போல் ஒரு பயனுள்ள பதிவு. -இராய செல்லப்பா ( from San Diego).

    பதிலளிநீக்கு
    பதில்கள்
    1. இனிவரும் தலைமுறைகளில் இவர்களைப் போன்றவர்களை நினைத்துப் பார்ப்பது கூட இயலாத காரியமாகத்தான் இருக்கும் ஐயா
      நன்றி ஐயா

      நீக்கு
  5. ஜெயகுமார் அவர்களே ! அற்புதமான மனிதர்கள் பற்றிய அற்புதமான விஷயங்களை தருகிறீர்கள் ! உங்கள் பணி வாழ்க ! வளர்க !---காஸ்யபன்.

    பதிலளிநீக்கு
  6. நல்ல செய்திகள். தமிழகம் அதிகம் அறிந்திராத கோரா குறித்த தகவல்கள் நிறைய பேருக்குப் புதுப் பார்வை தரும்.

    பதிலளிநீக்கு
    பதில்கள்
    1. நன்றி நண்பரே
      புதுக்கோட்டையில் தங்களைச் சந்தித்தது பசுமையாக நினைவில் உள்ளது நண்பரே

      நீக்கு
  7. கோரா அவர்கள் ஒரு வியப்பான மனிதர்... சந்திப்பு நிகழ்வில் நடந்த உரையாடல் மிகவும் முக்கியத்துவம் வாய்ந்தது + முடிவிற்கும் வந்தது...

    சிறப்பான பகிர்வுக்கு நன்றி ஐயா... வாழ்த்துக்கள்...

    பதிலளிநீக்கு
  8. மிகவும் அற்புதமான கட்டுரை.அறிந்திடாத செய்தி அறிய தந்தமைக்கு மிக்க நன்றி.

    பதிலளிநீக்கு
  9. மிகவும் அற்புதமான கட்டுரை.அறிந்திடாத செய்தி அறிய தந்தமைக்கு மிக்க நன்றி.

    பதிலளிநீக்கு
  10. நல்லதொரு மனிதர் பற்றிய நல்ல்தொரு பதிவு

    பதிலளிநீக்கு
  11. திரு. கோரா அவர்களைப் பற்றி - தாங்கள் வழங்கிய பதிவில் நிறைய விஷயங்களைத் தெரிந்து கொள்ள முடிந்தது. நல்ல மனிதராக இருந்து சாதித்திருக்கின்றார்.
    என்றும் அவர் புகழ் நின்று வளரும்..

    பதிலளிநீக்கு
    பதில்கள்
    1. கோரா ஒரு சாதனையாளர்தான்
      நன்றி ஐயா

      நீக்கு
  12. கோராஅவர்கள் குறித்து முழுமையான
    நிறைவான பதிவினை படங்களுடன் பகிர்ந்து
    அறியாதவர்கள் எல்லாம் மிகச் சரியாகப் புரிந்துகொள்ளும்படி
    பதிவாக்கித் தந்தமைக்கு மனமார்ந்த நன்றி

    பதிலளிநீக்கு
  13. கோரா என்ற அற்புத மனிதரைப் பற்றி இன்றுதான் அறிந்துக் கொண்டேன். பகிர்வுக்கு நன்றி.

    பதிலளிநீக்கு
  14. Dear Mr.Jayakumar,
    I am not aware whether you know a gentleman called "Sangamitra"He was the right hand of Periar EVR but only on the last few years of EVR and hence totally hidden in the media.Sangamitra was a close associate of Gora and I am fortunate to be introduced to Mr.Gora by Sangamitra.That impact can be seen in many of my activities including Leader and station commander of Indian Antarctic research station DAKSHINGANGOTRI.You have brought out Gora in an artistic way reminding the famous tamil saying "Vallavanukku pullum aayudham".Congratulations.

    பதிலளிநீக்கு
    பதில்கள்
    1. சங்கமித்ரா அவர்களை நான் அறியேன் ஐயா
      தாங்கள் கோரா அவர்களை நேரில் சந்தித்து இருக்கிறீர்கள் என்பதை அறியும்போது வியப்பும் பெருமிதமும் ஏற்படுகின்றது ஐயா
      நன்றி ஐயா

      நீக்கு
  15. வணக்கம்
    ஐயா
    கோரா பற்றி தங்களின் கட்டுரை வாயில் அறிந்தேன். அவரின திறமைகள் ஏனைய நடவடிக்கைகள் பற்றி மிகஅருமையாக சொல்லியுள்ளீர்கள் வாழ்த்துக்கள் ஐயா
    த.ம 6வது வாக்கு

    -நன்றி-
    -அன்புடன்-
    -ரூபன்-

    பதிலளிநீக்கு
  16. நடிக்கும் போதே சாக வேண்டும் மேடையில் பேசும் போதே
    சாக வேண்டும் என்று கனவைக் கூறுவார்கள்.
    இவர் மேடையிலேயே உயிர் துறந்த செயல் வீரர்.
    நல்ல பதிவு இது. எமக்குத் தெரியாததைக் கூறினீர்கள்.
    மிக்க நன்றியுடன: இனிய வாழ்த்து.
    வேதா. இலங்காதிலகம்.

    பதிலளிநீக்கு

  17. வணக்கம்!

    தமிழ்மணம் 7

    கோரா எனும்தொண்டா் நாத்திகா்! புத்துலக
    வேராய் இருந்தார் விளைந்து!

    கவிஞர் கி. பாரதிதாசன்
    தலைவர்: கம்பன் கழகம் பிரான்சு

    பதிலளிநீக்கு
  18. மிகவும் அருமையான கட்டுரை வாழ்த்துக்கள் சகோதரா .

    பதிலளிநீக்கு
  19. உங்கள் கருத்தில் லட்சிய நோக்கு இருக்கிறது. என்னுடைய ஆத்திகம்தான் நல்லது என்றோ, உங்களது நாத்திகம் தீயது என்றோ, என்னால் கூற முடியவில்லை. நான் உங்கள் வழிக்கு வரலாம், அல்லது நீங்கள் என் வழிக்கு வரலாம், அல்லது இருவருமே மூன்றாவதாக ஒரு வழியில் செல்லலாம்.

    சிறப்பான பகிர்வுகள்..பாராட்டுக்கள்.

    பதிலளிநீக்கு
  20. நான் அறிந்திடாத ஒரு சரித்திரத்தை தெரிந்திட வைத்த கரந்தையாருக்கு... எமது நன்றி. வளர்க உமது தொண்டு.
    www.Killergee.blogspot.com

    பதிலளிநீக்கு
  21. அருமையான கட்டுரை. நல்லதொரு மனிதர் பற்றி இன்றுதான் அறிந்துக் கொண்டேன். பகிர்வுக்கு நன்றி

    பதிலளிநீக்கு
  22. மதிப்பிற்குரிய கர்னல் கணெசன் அவர்களுக்கு ! என்னோடு ஹைதிராபாத் எல்.ஐ.சி யில் பாவாடை ராமமூர்த்தி என்று நண்பர் பணியாற்றினார்! மகா கெட்டிக்காரர் ! பின்னர் பாரத சிடேட் வங்கி பணிக்கு சென்றார் ! A.A.G யாக அங்கு பணியாற்றி ஓய்வு பெற்றார் ! "சங்கமித்ரா" என்ற பெயரில் எழுதி வந்தார் ! தீவிர மான திக ஆதரவாளராக இருந்தார் ! மதுரையில் என் வீட்டீற்கும் வந்துள்ளார் ! நான் ஓய்வு பெற்று தற்போது நாகபுரியில் என் மகனோடு வசிக்கிறேன் ! நீங்கள் குறிப்பிடும் "சங்கமித்ரா" பாவாடை ராமமூர்த்தி தானா என்று அறிய விரும்புகிறென் ! முடியுமானால் தொடர்பு ஏற்படுத்திக் கொடுங்கள் ! வாழ்த்துக்களுடன் ---காஸ்யபன்.( R.syamalam )

    பதிலளிநீக்கு
    பதில்கள்
    1. தங்களின் கருத்துரையினை, மின்னஞ்சல் மூலம் மதிப்பிற்குரிய கர்னல் ஐயா அவர்களுக்கு அனுப்பியுள்ளேன் ஐயா

      நீக்கு
    2. காஸ்யபன் அய்யா அவர்களின் ” சங்கமித்ரா என்ற
      என் ஆப்த நண்பன் !!! - என்ற பதிவினில் நான் இட்ட பின்னூட்டத்தினை இங்கே தருகிறேன்!

      //
      அய்யா அவர்களுக்கு வணக்கம்!
      நான் ஸ்டேட் வங்கியில் பணிபுரிந்த சமயம் எனக்கு அக்கவுண்டண்ட் ஆக இருந்த காரைக்காலைச் சேர்ந்த அப்துல்ஹமீத் என்பவர் இந்த பா.இராமமூர்த்தி (பாவாடை ராமமூர்த்தி) அவர்களைப் பற்றி சொல்லியதோடு அவர் எழுதிய ” ஒரு எருதும் சில ஓநாய்களும் “ என்ற புத்தகத்தையும் எனக்கு படிக்கக் கொடுத்தார். இந்த நூலில் ராமமூர்த்தி அவர்கள் தனக்கு வங்கியில் நேர்ந்த அவலங்களை எடுத்துச் சொல்லியுள்ளார்.

      இந்த பதிவையும், கரந்தை ஜெயக்குமார் அவர்கள் எழுதிய கோரா என்ற பதிவினுக்கு தாங்கள் இட்ட பின்னூட்டத்தினையும் படித்தவுடன் மேலே சொன்ன நினைவுகள் எனக்கு வந்தன. நீங்கள் சொல்வதுபோல எழுத்தாளர் சங்கமித்திரா என்பது இவர்தான் என்பது உங்கள் பதிவைப் படித்த பின்னர்தான் தெரிந்து கொண்டேன். திருச்சியில் இருந்தபோது அண்மையில் இறந்தார் என்று இண்டர்நெட் மூலம் தெரிந்து கொண்டேன். திருச்சியில் இருந்தும் எனக்கு அவரை யார் என்று அறிந்து கொள்ளும் வாய்ப்பு இல்லாமல் போய்விட்டது என்பது வருத்தமான விஷயம். //

      நீக்கு
  23. நாங்கள் விஜயவாடாவில் இருந்தபோது கோராவின் குடும்பத்தாருடன் பழக்கமுண்டு. இவரைப் பற்றி நான் என்பதிவு ஒன்றில் குறிப்பிட்டிருக்கிறேன். கோராவின் ஒரு மகன் டாக்டர் சமரம். கிரகண நாட்களில் கரீபிணிகளை அழைத்து அவர்களுக்கு விருந்தே கொடுப்பார். குடும்பமே எளிமையை பின் பற்றியது . கோராவின் குடும்பப் பெண்கள் யாரும் எந்த வித நகையும் அணிவதில்லை. கோரா ஆந்திராவின் பெரியார் எனலாம்

    பதிலளிநீக்கு
    பதில்கள்
    1. கோராவின் குடும்பத்தினரோடு தொடர்புடையவர் என்பது மிக்க மகிழவினை அளிக்கிறது ஐயா
      கொடுத்து வைத்தவர் தாங்கள்
      நன்றி ஐயா

      நீக்கு
  24. அறியப்படாமல் இருக்கின்றவர்கள் குறித்து அறிய வேண்டிய செய்திகளைச் சுவைபடக் கூறிய கட்டுரை அருமை!

    பதிலளிநீக்கு
  25. //என்னுடைய ஆத்திகம்தான் நல்லது என்றோ, உங்களது நாத்திகம் தீயது என்றோ, என்னால் கூற முடியவில்லை. நான் உங்கள் வழிக்கு வரலாம், அல்லது நீங்கள் என் வழிக்கு வரலாம், அல்லது இருவருமே மூன்றாவதாக ஒரு வழியில் செல்லலாம்.//

    மஹாத்மா காந்தியின் இந்த பதில் சிந்திக்க வைக்கிறது.

    மஹாகவி பாரதியார் போலவே இந்த கோரா என்பவரும் புரட்சிகரமாக வாழ்ந்துள்ளார் எனத்தெரிகிறது.

    பொருத்தமான படங்களுடன் மிக நீண்ட பகிர்வுக்குப் பாராட்டுக்கள்.

    பதிலளிநீக்கு
    பதில்கள்
    1. வருகைக்கும் வாழ்த்திற்கும் மிக்க நன்றி ஐயா

      நீக்கு
  26. உண்மையில் சொல்கிறேன். இவரைப் பற்றி எந்தப் பாடத்திலும் படித்ததில்லை. ஏன் கேள்விப் பட்டது கூட இல்லை. எங்கிருந்துதான் தேடி எடுத்து எழுதுகிறார்கள். ஒரு சிறந்த மனிதரைப் பற்றி இவ்வளவுநாள் தெரிந்து கொள்ளாமல் இருந்ததற்கு வேறகப் படுகிறேன். அற்புதமான கட்டுரை, தொடரட்டும். உங்கள் பணி

    பதிலளிநீக்கு
    பதில்கள்
    1. வருகைக்கும் வாழ்த்திற்கும் மிக்க நன்றி ஐயா

      நீக்கு
  27. ஒரு சிறந்த சமூக சீா்திருத்தவாதியாக திகழ்ந்த, வரலாற்று பக்கங்களில், பாடங்களில் மறைக்கப்பட்டவரை வெளி உலகிற்கு எடுத்துக்காட்டியமைக்கு நன்றிகள் பல. வாழ்த்துக்கள். பாராட்டுக்கள்.

    பதிலளிநீக்கு
  28. அன்புள்ள ஜெயக்குமார்.

    அருமையான யாரும் முழுமையாக அறிந்திராத வரலாற்றுப் பதிவு, வாழ்த்துக்கள்.

    பதிலளிநீக்கு
  29. நாத்திகம் என்பது எதிர்மறை வார்த்தை இல்லையா?

    நாத்திகம் என்றால் தன்னம்பிக்கை, சுதந்திரமான சிந்தனை என்று பொருள். தங்களின் ஒத்துழையாமை இயக்கம், அஹிம்சா என்பதெல்லாம், எதிர் மறை வார்த்தைகளாக இருந்த போதிலும், நேர் மறைப் பொருளைத்தானே தருகின்றன. நாம் கூட தைரியமானவன் என்பதற்குப் பதிலாக, பயமற்றவன் என்று சொல்கிறோமல்லவா? அதுபோலத்தான் நாத்திகமும் //

    அருமையான வார்த்தை விளக்கங்கள்! காந்தியும், கோராவும் நடத்தும் உரையாடல் மிகவும் அர்த்தமுள்ள ஒன்றாகவும், இருவரும் மற்றவருடையக் கொள்கையை மதிக்கும் உயர்ந்த எண்ணம் உடையவர்களாகவும் இருந்த்தது பெரிய ஒரு விஷயமே! இக்காலத்திற்கு சாத்தியமில்லாத ஒன்று!

    வழக்கம் போல நல்ல பதிவு!

    பதிலளிநீக்கு
    பதில்கள்
    1. காந்தி ஒரு விவாதத்தின் தந்தையாகத்தான் விளங்கியிருக்கிறார். எப்பொழுதும் எப்பொருள் பற்றியும் விவாதித்தத் தயராகத்தான் இருந்திருக்கிறார்.அதனால்தான் அவர் மகாத்மா
      இக்காலத்திற்கு சாத்தியமில்லாத ஒன்றுதான் நண்பரே
      வருகைக்கும் வாழ்த்திற்கும் நன்றி நண்பரே

      நீக்கு
  30. கோரா... ஆந்திராவின் பெரியார்...!!

    இதுவரையில் இவரைப்பற்றி கேள்விகூட பட்டதில்லை.
    அருமையான விளக்கத்துடன் கொண்ட பகிர்விற்கு மிக்க நன்றி ஜெயக்குமார் ஐயா.

    பதிலளிநீக்கு
  31. அருமையான பதிவு. பாட நூல் களில் இவரைப்பற்றி நிச்சயம் வரவேண்டும். நன்றி.

    பதிலளிநீக்கு
  32. தாமதமான வருகைக்கு மன்னிக்கவும்.
    வலைப்பதிவில் சிந்தனையாளர் கோரா பற்றிய தகவல்களைப் பகிர்ந்தமைக்கு நன்றி. நான் மாணவனாக இருந்தபோது, எனது அப்பாவின் நண்பர் திருச்சி தொண்டு வீராசாமி அவர்களின் நிகழ்ச்சி ஒன்றில் கோரா அவர்களிடம் பேசி இருக்கிறேன்.
    த.ம. 11

    பதிலளிநீக்கு
    பதில்கள்
    1. கொடுத்து வைத்தவர் ஐயா தாங்கள்
      கோராவுடன் பேசியுள்ளீர்கள்
      இவரைப் போற்றவர்களை இனி பார்க்க முடியுமா, சாத்தியமா
      நன்றி ஐயா

      நீக்கு
  33. இத்தனை நாட்கள் இவரைப் பற்றிய செய்திகள் இருட்டடிப்பு செய்யப் பட்டிருக்கலாம் என்றே நினைக்கிறேன்.. நான் கேள்வி பட்ட பெயர்தான்.. ஆனால் பின்னால் இத்தனை தகவல்கள் இருப்பது தெரியாது... கட்டுரைக்கு வாழ்த்துக்கள்

    பதிலளிநீக்கு
    பதில்கள்
    1. வருகைக்கும் வாழ்த்திற்கும் நன்றி ஐயா

      நீக்கு
  34. அற்புதமான மனிதர் கோரா அவர்களைப் பற்றி அறியத் தந்தமைக்கு மிக்க நன்றி. இப்படியொரு மனிதர் வாழ்ந்திருக்கிறார் என்பதே அறியாமல் இருந்தோம். இன்று தங்களால் அறிந்தோம். நாத்திகம் பற்றிய அவரது கருத்துக்கள் அனைத்தும் சிறப்பானவை. மிகவும் ஆர்ப்பாட்டமில்லாமல் எளியமுறையில் செயலாற்றிய அற்புத மனிதரின் காந்தியை சந்தித்துப் பேசவேண்டும் என்ற ஆசை ஒருவழியாய் நிறைவேறியதே. சந்திக்கவே அவ்வளவு நாட்களைக் கடத்திய காந்தி அவரோடான சந்திப்புக்குப் பின் அவரை சில மாதங்கள் ஆசிரமத்திலேயே தங்கச் செய்தார் என்றால் கோரா அவர்களின் பெருமையை அறிந்துகொள்ள முடிகிறது. தங்கள் அரிய முயற்சிக்கு மனமார்ந்த நன்றியும் பாராட்டும்.

    பதிலளிநீக்கு
    பதில்கள்
    1. வருகைக்கும் வாழ்த்திற்கும் ந்ன்றி சகோதரியாரே

      நீக்கு
  35. புதிய தகவல்கள் அறிந்து கொண்டேன் ஐயா, மகிழ்ச்சி

    பதிலளிநீக்கு
  36. எப்படியண்ணா உங்களுக்கு மட்டும் இப்படியான அருமையான தகவல்கள் கிடைக்கின்றன. அற்புதமான கட்டுரை. நாத்திகம் என்றால் அகம்பாவமான சொல் என்ற கருத்தை உங்கள் இந்த கட்டுரை போக்கிவிடும். அறிய பணி அண்ணா!!

    பதிலளிநீக்கு
  37. அரிய மாமனிதர்கள் வரிசையில் தங்கள் மூலமாக ஒரு நல்ல மனிதரைப் பற்றி அறிந்தோம். ஆத்திகத்திற்கும் நாத்திகத்திற்கும் இடையே ஒரு போராட்டம். அருமையான சித்தரிப்பு. இவ்வாறான ஒரு கட்டுரையை எழுத தாங்கள் எடுத்த மேற்கொண்ட முயற்சிக்கு பாராட்டுகள்.

    பதிலளிநீக்கு
  38. என் இனிய ஜெயக்குமார் அவர்களுக்கு, மிகவும் உயர்ந்த பண்புகளைக் கொண்டிருந்த மாமனிதர் கோரா அவர்களைப் பற்றிய செய்திகளை மிக அழகாக உங்களுக்கே உரித்த தெளிந்த நடையில் பதிவிட்டு அழகு சேர்த்தது உங்களுடைய திறமை காட்டுகிறது. இவ்வளவு உயர்ந்த மனிதர்களை மக்களுக்கு தெரியப்படுத்தியதற்கு நன்றி. பல பத்திரிக்கைகளும் தொலைக்காட்சிகளும் வெறும் வணிக முயற்சியிலேயே இருப்பதால் இவரைப் போன்ற நன்மனிதர்களை முன்னிருத்தாமல் அரசியல் , விளையாட்டு வீரர்கள், திரைத்துறையினரைப் பற்றியே எழுதியும் பேசியும் நம் சமூகத்தில் உள்ளோரை ஒரு மாயையிலேயே வைத்து விடுகிறார்கள். அவர்களிடமிருந்து நம் சமூகத்தைக் காப்பாற்ற வேண்டுமெனில் கோரா போன்ற உயர்ந்த மனிதர்களின் வரலாற்றை அவர்கள் அறியும்படி பதிவிடுதல் வேண்டும். அந்த அறப்பணியினை தாங்கள் விடாமல் செய்து வருவது மிகவும் பாராட்டத்தக்க செயல். வாழ்த்துக்கள். வளரட்டும் தங்கள் பணி.

    பதிலளிநீக்கு
    பதில்கள்
    1. மிகச் சமீபத்தில் வாழ்ந்து மறைந்த மாமனிதர் இவர்
      தொலைக் காட்சிகளுக்கு இவரைப் பற்றியெல்லாம்
      விளக்க நேரம் ஏது
      வருகைக்கும் வாழ்த்திற்கும் மிக்க நன்றி நண்பரே

      நீக்கு
  39. வணக்கம் ஐயா
    மிகச் சிறந்த நபரை அறிமுகம் செய்திருப்பதற்கு முதலில் நன்றிகள். கோரா அவர்களின் பணியைப் படிக்க படிக்க மகிழ்ந்தேன். நாத்திகரை எதிர்ப்பாளராக பார்க்கும் அன்றைய சூழலில் ஒரு மாநாட்டையே கூட்டியிருக்கிறார்கள் என்றால் அவரை என்னவென்று சொல்வது ஆம் அவர் ஆந்திராவின் பெரியார் தான். கொண்ட கொள்கைக்காக வீட்டை விட்டு வெளியேறி, கல்லூரிப் பணியை இழந்து, மகனுக்கு லவனம் என்று பெயரிட்ட கோரா அவர்கள் வரலாற்றின் பொக்கிசம். சிறந்ததொரு பகிர்வுக்கு நன்றிகள் ஐயா..

    பதிலளிநீக்கு
    பதில்கள்
    1. கோரா நடத்தியதுதான் உலகின் முதல் நாத்திக மாநாடு
      எத்துனை துணவு வேண்டும்
      சாதித்துக் காட்டியிருக்கிறாரே
      வருகைக்கும் வாழ்த்திற்கும் நன்றி நண்பரே

      நீக்கு
  40. மிக மிக அருமையான தகவல்களோடு அரிய பெறுமதியான படங்களையும் பார்வைக்கு தந்தமைக்கு மனம் நிறைந்த நன்றிகள் பல.........................................................உடுவை

    பதிலளிநீக்கு
    பதில்கள்
    1. தங்களின் வருகையும் வாழ்த்தும் மனம் நிறைந்த மகிழ்வினை அளிக்கின்றன ஐயா
      நன்றி

      நீக்கு
  41. கொள்கைக்காக வாழ்ந்த ஒரு மனிதரைப்பற்றி தெரிந்து கொண்டதில் மகிழ்ச்சி, நண்பரே.

    பதிலளிநீக்கு
    பதில்கள்
    1. வருகைக்கும் வாழ்த்திற்கும் நன்றி ஐயா

      நீக்கு
  42. கோரா- இவரைப் பற்றி இப்போதுதான் கேள்விப் படுகிறேன்.. ராஜாஜியுடன் நட்பாயிருந்தாரே பெரியார்.. அவர்களுக்குள் பேசிக் கொள்ள விஷயங்கள் இல்லையா? நாத்திகமும் ஆத்திகமும் அவரவர் விருப்பம் தானே..பின் காந்தி ஏன் அவருடன் பேசத் தயங்கினார் என்று யோசித்துக் கொண்டிருக்கிறேன்.. நல்ல பதிவு..!

    பதிலளிநீக்கு
    பதில்கள்
    1. தொடக்கத்தில் தயங்கியிருக்கிறாரே தவிர, பார்த்துப் பேசியதும்
      அவரது நட்பினை முழுமையாக ஏற்றுக் கொண்டிருக்கிறார் அல்லவா.
      மகாத்மா காந்தி எப்பொழுதுமே விவாதங்களுக்குத் தயாராகவே இருந்திருக்கிறார்
      நன்றி நண்பரே

      நீக்கு
  43. அசத்தல் அண்ணா
    கோரா பற்றி அறிந்தேன்..
    நன்றிகள்
    http://www.malartharu.org/2014/02/lady-love-lace-ada.html

    பதிலளிநீக்கு
  44. தம இருபத்திஒன்று

    பதிலளிநீக்கு
  45. முதலில் தாமதமான பின்னூட்டத்துக்கு மன்னிக்கவும்.
    ஒரு மாமனிதரின் வாழ்க்கையைப் பற்றி தெரிந்து கொள்ள முடிந்தது. பகிர்வுக்கு நன்றிகள்.

    பதிலளிநீக்கு
  46. மதிப்பிற்க்குரிய திரு ஜெயக்குமார் ஐயா.. வணக்கம்..

    ஒரு மாமனிதரை பற்றி அறிந்து கொள்ள அருமையான வாய்ப்பினை தந்துள்ளீர்கள்.

    என்னே அழகான கட்டுரை!

    வகுப்பறையும், கல்விக் கட்டணமும் இல்லாமல், எம் போன்ற மாணவர்களும், மற்ற வலையுலக நண்பர்களுக்கும் இலவச பாடம் கற்ப்பிக்கும் தங்கள் பணி வியக்கும் படி உள்ளது ஐயா.

    பகிர்வுக்கும், தங்களின் இச்சேவைக்கும் நன்றிகள் கோடி ஐயா.

    பதிலளிநீக்கு
  47. மதிப்பிற்குரிய ஒரு மாமனிதர் பற்றி உங்கள் மூலம் தெரிந்து கொண்டேன். மிக்க மகிழ்ச்சி ஐயா.

    பதிலளிநீக்கு
  48. சொல்ல வந்ததே மறந்துவிட்டது.இத்தனை மறுமொழிகளா? வாழ்த்துக்கள் ஐயா.

    பதிலளிநீக்கு
  49. " நாத்திகம் என்றால் தன்னம்பிக்கை, சுதந்திரமான சிந்தனை என்று பொருள். தங்களின் ஒத்துழையாமை இயக்கம், அஹிம்சா என்பதெல்லாம், எதிர் மறை வார்த்தைகளாக இருந்த போதிலும், நேர் மறைப் பொருளைத்தானே தருகின்றன. நாம் கூட தைரியமானவன் என்பதற்குப் பதிலாக, பயமற்றவன் என்று சொல்கிறோமல்லவா? அதுபோலத்தான் நாத்திகமும் "

    மிக அருமையான விளக்கம்.

    அதிகம்பேர் அறிந்திராத மாமனிதர் கோரா பற்றி, தெளிவான நடையில் எழுதப்பாட்ட பதிவு.

    நன்றி
    சாமானியன்
    saamaaniyan.blogspot.fr

    ( தங்களுக்கு நேரமிருப்பின் எனது வலிப்பூவினை வாசித்து உங்கள் எண்ணங்களை பதியுங்கள்.நன்றி !

    பதிலளிநீக்கு
  50. கோரா = ஒரு அருமையான பதிவு. எனது பக்கத்தில் பகிர்கிறேன்.
    நன்றி திரு கரந்தை ஜெயக்குமார்

    பதிலளிநீக்கு
  51. வணக்கம்
    இன்று தங்களின் வலைப்பூ வலைச்சரத்தில் அறிமுகம்மாகியுள்ளது வாழ்த்துக்கள் சென்று பார்வையிட இதோ முகவரி
    http://blogintamil.blogspot.com/2014/06/teachers-in-web-world.html?showComment=1403974193240#c6401072316413391899

    -நன்றி-
    -அன்புடன்-
    -ரூபன்-

    பதிலளிநீக்கு
  52. அன்பின் ஜெயக் குமார் - கோரா பதிவு அருமை - நீண்டதொரு பதிவு - அருமையான புகைப் படங்கள் - பல்வேறு மறுமொழிகள் - கோராவின் பெயர்க் காரணம் - காந்தியடிகள் கோராவினைச் சந்திக்க மறுத்தது - மதுரை அமெரிக்கன் கல்லூரி கோராவிற்குத் தகுதி இருந்தும் கிருத்துவராக மதம் மாற மறுத்ததால் பதவி கொடுக்க மறுத்ததும் - கோரா சந்தித்த துயரங்கள் - பதிவினில் விளக்கமாக அனைத்தையும் எழுதியமை நன்று - பாராட்டுகள் - நல்வாழ்த்துகள் - நட்புடன் சீனா

    பதிலளிநீக்கு
  53. அன்பின் ஜெயக்குமார் - வலைச்சர அறிமுகம் மூலமாக வந்தேன் - தமிழாசிரியர் பாண்டியன் பல ஆசிரியர்களின் பதிவுகளை அறிமுகம் செய்துள்ளார், நல்வாழ்த்துகள் - நட்புடன் சீனா

    பதிலளிநீக்கு
  54. இவரைப்பற்றி இதுவரை அறிந்திருக்கவில்லையே என்ற வெட்கம் ஏற்படுகிறது. கோரா போன்ற மாமனிதர்களே இன்றைய நம் நாட்டுக்குத் தேவை. பகிர்விற்கு நன்றி.

    பதிலளிநீக்கு
  55. மிக அருமை. பகிர்வினிற்கு நன்றி..!

    நண்பர்கள் தின வாழ்த்து அட்டைகள், வாழ்த்துகள், எஸ்.எம்.எஸ்.களுக்கு:
    Happy Friendship Day 2014 Images

    பதிலளிநீக்கு

அறிவை விரிவு செய், அகண்ட மாக்கு, விசாலப் பார்வையால் விழுங்கு மக்களை, அணைந்து கொள், உன்னைச் சங்கம மாக்கு, மானிட சமுத்திரம் நானென்று கூவு