27 ஜூன் 2014

லூயிஸ்

    

ஆண்டு 1815. பாரீஸ் நகரில் அமைந்த பள்ளி அது. சிறுவன் லூயிஸை அந்தப் பள்ளியில்தான் சேர்க்க வேண்டும், அந்தப் பள்ளியால் மட்டும்தான், தன் மகனின் எதிர்கால வாழ்வை, ஒளிமயமானதாக உருவாக்க முடியும் என்று, லூயிஸின் தந்தை திடமாக நம்பினார்.

     செலவைப் பற்றிக் கவலையில்லை. என் மகனுக்காக, என் மகனின் எதிர்கால நலனுக்காக, இருபத்தி நான்கு மணி நேரமும் உழைக்கத் தயார். உழைப்பின் மூலம்  கிடைக்கும் ஒவ்வொரு பைசாவினையும், ஒவ்வொரு ரூபாயினையும், என் மகனுக்காகச் செலவிடவும் தயார். என் மகனுக்கு ஓர் இடம் தாருங்கள்.


     உள்ளூர் பாதிரியார் ஒருவர் உதவிட, லூயிஸுக்கு அப்பள்ளியில் இடம் கிடைத்தது. அது ஒரு தனித்துவமான பள்ளி. உலகிலேயே, அக்காலத்தில் இருந்த, அதுமாதிரியான பள்ளி, அது ஒன்று மட்டும்தான்.

      லூயிஸ் அந்தப் பள்ளியில் காலடி எடுத்த வைத்த, அந்த நொடி முதல், அந்த பள்ளியே அவன் உலகமாக மாறிப்போனது. பாடங்களைப் படித்தான், இசை கற்றுக் கொண்டான். கணக்குப் போட்டுப் பழகினான். உலகில் கற்றுக் கொள்வதற்கு இவ்வளவு செய்திகள், தகவல்கள் உள்ளனவா? என்று நாள்தோறும் வியந்து போனான்.

     ஒவ்வொரு நாளும், புதுப்புதுச் செய்திகள், தகவல்கள், நாட்டு நடப்புகள், அறிவியல் முன்னேற்றங்கள் என அனைத்தும், அந்தப் பிஞ்சுக் குழந்தையின் மூளையில் பதிவாகி, அவனை மகிழ்ச்சிக் கடலில் மிதக்க வைத்தது, லூயிஸ் கற்றுக் கொண்டே இருந்தான், அவனுக்காக அவனது தந்தை, ஓய்வின்றி உழைத்துக் கொண்டே இருந்தார்.

    அப்பள்ளி நூலகத்தில் இருந்த நூல்கள் அனைத்தையும், ஒரே மூச்சில் படித்து, கரைத்துக் குடித்துவிட வேண்டும் என்பதே, அவனது தணியாத தாகமாய் இருந்தது.

     ஆனால் பிரச்சினையே அவனுக்குப் புத்தக வடிவில்தான் காத்திருந்தது. ஒரு பக்கத்திற்கு ஒரு வார்த்தை அல்லது இரு வார்த்தைகள்தான் இருக்கும். பத்து இருபது பக்கங்கள் சேர்ந்தாலே, புத்தகம், ஒரு பெரிய பெட்டி அளவிற்குத் தடிமனாக இருக்கும். என்ன செய்வது என்று தெரியவில்லை? எப்படி எல்லா நூல்களையும் படித்து முடிப்பது என்று அச்சிறுவனுக்குப் புரியவில்லை.



நண்பர்களே, இப்போது உங்களுக்குப் புரிந்து விட்டதா? ஆம் நண்பர்களே, அச் சிறுவன் லூயிஸ் கண் பார்வை இல்லாதவன். அவன் படித்த பள்ளி Royal Institute for Blind Youth.

         லூயிஸ் பிறந்தபோது, எல்லோரையும் போல் நன்றாகத்தான் இருந்தான். அவனுடைய பார்வையில் எந்தக் கோளாறும் இல்லை. மூன்று வயதில், எதிர்பாராத விதமாக நிகழ்ந்த ஒரு விபத்து, அவன் கண் பார்வையை பலி வாங்கிவிட்டது.

     லூயிஸின் பெற்றோர் தவித்தனர். தங்கள் செல்ல மகனின் வாழ்வு இருண்டு விட்டதே என்று துடித்தனர். ஆனாலும் கடவுளின் மேல் பாரத்தைப் போட்டுவிட்டு, அமைதியாய் இருக்க மறுத்தனர்.

     ஏதேனும் செய்தாக வேண்டும், தங்கள் மகனின் எதிர்கால வாழ்விற்கு, கண் பார்வை ஒரு தடுப்புச் சுவராய் மாறிவிடாமல் பார்த்துக் கொள்ள வேண்டும் என்று எண்ணினர்.

     அப்பொழுதுதான் அவர்களுக்கு, பாரீஸ் நகர, கண் பார்வை அற்றவகளுக்கானப் பள்ளி பற்றித் தெரிய வந்தது. அக்காலத்தில் கண் பார்வை அற்றவர்களுக்காக, உலகில் இருந்த ஒரே பள்ளி அதுமட்டும்தான். தங்கள் மகனை அப்பள்ளியில் சேர்த்த பிறகுதான், நிம்மதிப் பெரு மூச்சே விட்டனர்.

       லூயிஸ் அப்பள்ளியில் சேர்ந்து, பல ஆண்டுகள் கடந்த நிலையில், அப்பள்ளிக்கு ஒரு சிறப்பு விருந்தினர் வருகை தந்தார். அவர் ஒரு இராணுவ வீர்ர். பல போர்க்களங்களில் முன்னனியில் நின்று போராடிய தீரர்.

     அந்த இராணுவ வீரர், மாணவர்களிடைய உற்சாகமூட்டும் வகையில் பேசினார். சிறுவன் லூயிஸ் மெதுவாக அந்த இராணுவ வீரர் அருகில் சென்றான்.

உங்கள் பெயர் என்ன?

சார்லி.

பதில் கூறிய இராணுவ வீர்ர், குனிந்து, லூயிஸின் தலைமுடியைக் கோதியவாரே கேட்டார்.

தம்பி, உன் பெயர் என்ன?

லூயிஸ்

சிறுவன் லூயிஸ் அடுத்துக் கேட்டக் கேள்வியில், அவ்வீரர் கலங்கித்தான் போய்விட்டார்.

உங்களைத் தொட்டுப் பார்க்கலாமா?

அடுத்த நொடி, சிறுவனின் கரங்களைப் பற்றித் தன் கண்ணத்தில் வைத்துக் கொண்டார்.

லூயிஸ், சிறிது நேரம் சார்லியின் கண்ணத்தை வருடியபடியே மெய்மறந்து நின்றான். பிறகு கேட்டான்.

நீங்கள் நிஜமாகவே சண்டைக்கெல்லாம் போயிருக்கீங்களா?

என்னுடைய வேலையே அதுதானப்பா என்றவர் கேட்டார்

உனக்கு சண்டை என்றால் ரொம்ப்ப் பிடிக்குமா?

ஓ, பிடிக்குமே. நீங்க சண்டை போட்ட கதையை எல்லாம், எனக்குச் சொல்லுங்களேன், ப்ளீஸ்

இராணுவ வீரருக்குக் கண்கள் கலங்கிக் குளமாகிவிட்டது. என்ன குற்றம் செய்தான் இச்சிறுவன்? ஏன் இவனுடைய பார்வை பறிபோய்விட்டது? என்னைப் போல், இராணுவத்தில் சேர்ந்து, நாடு காக்கப் போராட வேண்டியவன், இங்க இருட்டைத் தடிவிக்கொண்டு உட்கார்ந்திருக்கிறானே.

     இராணுவ வீரர் ஒருவாறு, தன்னைத் தேற்றிக் கொண்டு, கதை சொல்லத் தொடங்கினார். மாணவர்கள் ஆச்சரியத்துடன் கேட்டுக் கொண்டிருந்தனர். லூயிஸ் குறுக்கிட்டுக் கேள்வி கேட்டான்.

நீங்க இரவிலும் சண்டை போடுவீர்களா?

ஆமாம். நாங்கள் இரவிலும் சண்டை போடுவோம். இரவு நேரத்தில் யாருக்கும் தெரியாமல், இரகசியத் தகவல்களைப் பரிமாறிக் கொள்வதற்காக, நாங்கள் ஒரு புதுமையான இரகசிய எழுத்து முறையே வைத்திருக்கிறோம் தெரியுமா?

லூயிஸ் நிமிர்ந்து உட்கார்ந்தான். தன் காதுகளைத் தீட்டிக் கொண்டான்.

சார்லி ஒரு காகிதத்தைத் தன் சட்டைப் பையில் இருந்து எடுத்தார்.

இந்தத் தாளில் மொத்தம் பன்னிரண்டுச் சின்னச் சின்னப் பொட்டுக்கள், அதாவது புள்ளிகள் இருக்கிறது. இந்தப் பன்னிரெண்டு புள்ளிகளையும், விதவிதமாக மாற்றி மாற்றி அமைத்தால், வெவ்வேறு எழுத்துக்கள் வரும். துளி கூட வெளிச்சம் இல்லாத, அமாவாசை இரவில் கூட, நாங்கள் இந்தப் புள்ளிகளைத் தொட்டுப் பார்த்துத் தகவல்களைச் சுலபமாக படித்து விடுவோம்.

     சிறுவன் லூயிஸின் உள்ளத்தில் ஓர் எரிமலை வெடித்துச் சிதறியது. இதுவரை அறிந்திராத ஓர் வர்ண ஜாலம், வான வேடிக்கை, திடீரென்று மனதில், ஓராயிரம் மின்னல்கள், ஒரே நேரத்தில் தோன்றியதைப் போன்ற ஒரு வெளிச்சம்.

      இனி தான் பயணிக்க வேண்டிய பாதை, தனது இலக்கு, அச்சிறுவனின் மனக் கண்ணில் தெரிந்தது. புறக் கண் போனால் என்ன, லூயிஸின் அகக் கண் திறந்தது.

     சிறுவயது நினைவலைகள், அலை அலையாய் உள்ளத்தில் ஆர்ப்பரித்து எழுந்தன. சிறு வயதில், தனது தந்தையார், எழுத்துக்களை, தனக்கு அறிமுகம் செய்து வைத்த விதம் நினைவிற்கு வந்தது.

லூயிஸ் தந்தையின் பணிமனை
லூயிஸ் வீடு

லூயிஸின் அப்பா, ஒரு மரப்பலகை, நிறைய ஆணிகளை எடுத்துக் கொள்வார். மரப் பலகையில் ஆணிகளை எழுத்து வடிவில் வரிசையாக அடிப்பார்.

     லூயிஸின் விரல்களைப் பற்றி, ஆணிகளை ஒவ்வொன்றாக வருடச் சொல்வார். லூயிஸ் அந்த எழுத்துக்களை ஒவ்வொன்றாகத் தடவிப் பார்ப்பான். லூயிஸ் ஒவ்வொரு எழுத்தாகத் தடவத் தடவ, அந்த எழுத்தின் பெயரினை அவனது தந்தை கூறுவார்.

லூயிஸ், இந்த எழுத்து உனக்குப் புரியுதாப்பா?

புரிகிறது அப்பா. நான் உங்கள் கையில் இந்த எழுத்தை எழுதிக் காட்டவா?

மகிழ்ச்சியுடன் தந்தை கை நீட்டுவார். ஆணியில் வருடிப் பார்த்த அதே எழுத்தை, அதே வடிவத்தை, அப்படியே, தந்தையின் கையில் எழுதிக் காட்டுவான்.

     எழுதி முடித்ததும், தந்தை தன் மகனை அப்படியே வாரி அணைத்துக் கொள்வார். நீ சாதிக்கப் பிறந்தவனடா, மகனே சாதிக்க பிறந்தவனடா.

      இப்படித்தான், லூயிஸ், பிரஞ்சு எழுத்துக்கள் ஒவ்வொன்றையும், ஆணிகளின் துணையோடு, தனது தந்தையிடம் கற்றுக் கொண்டான்.

     எழுத்துக்களை மட்டுமன்றி, தன்னைச் சுற்றிலும் கேட்கிற ஒலிகளை, வாசனைகளை, மாறுகின்ற பருவ காலங்களை, இயற்கை, செயற்கைப் பொருள்களை எல்லாம் தொட்டுப் பார்த்து, கேட்டு, முகர்ந்து பார்த்து உணர்ந்து கொண்டான். மெல்ல மெல்ல பார்வைத் தேவைப்படாமலேயே, உலகத்தைப் புரிந்து கொண்டான்.

     இராணுவ வீரர் சார்லி, பள்ளிக்கு வந்து சென்ற நாள் முதல், லூயிஸ் ஆழ்ந்த சிந்தனையில் அழ்ந்தான். இருபத்து நான்கு மணி நேரமும் சிந்தனை, சிந்தனை, சிந்தனைதான்.

     வெறும் பன்னிரெண்டு புள்ளிகளைப் பலவிதமாக மாற்றி, மாற்றி, எல்லா எழுத்துக்களையும் உருவாக்கிட முடியும் என்பது லூயிஸுக்கு பெரிய அதிசயமாக இருந்தது.

      இதுமட்டுமல்ல, இந்தப் புள்ளிகளை இன்னும் கொஞ்சம் எளிமையாக்கி, சிற்சில மாற்றங்கள் செய்தால், இராணுவ வீரர்கள் மட்டுமன்றி, எல்லோரும் இதைப் பயன்படுத்தலாம் என்று எண்ணினான். தன் போன்ற  பார்வை இழந்த, ஏராளமான மாணவர்களுக்கு, இம்முறை மிகுந்த பலன் கொடுக்கும் என நம்பினான்.

     அன்றிலிருந்து, இதுவே லூயிஸின் முழுநேர அலுவல் ஆகிப் போனது. புள்ளிகளை பலவிதமாக மாற்றி, மாற்றி அமைத்து, பரிசோதனை செய்து, இரவு பகலாகப் பாடுபட்டு, பார்வை இழந்தவர்கள் எளிமையாகப் பயன்படுத்தக் கூடிய, படிக்கக் கூடிய, எழுதக் கூடிய, ஒரு புதிய மொழியை உருவாக்கினான் லூயிஸ்.



இராணுவத்தினர் பயன்படுத்தும் பன்னிரெண்டு புள்ளிகளுக்குப பதில், ஆறே ஆறு புள்ளிகளை மட்டும் பயன்படுத்தி உருவாக்கப்பட்ட, இந்த மொழியில், பள்ளிப் பாடங்கள், சூத்திரங்கள், அறிவியல் கோட்பாடுகள், கணக்குகள், இசைக் குறிப்புகள், கதைகள், கட்டுரைகள், நாவல்கள், ஏன் ஆராய்ச்சிக் கட்டுரைகள் கூட எழுதலாம், படிக்கலாம்.

    


இன்றைய பிரைலி செல்போன்

நண்பர்களே, 1824 இல், இம்மாபெரும் சாதனையை செய்து காட்டியபோது, லூயிஸின் வயது வெறும் பதினைந்துதான்.

லூயிஸின் முழுப் பெயர்
லூயிஸ் பிரெய்லி.
அவன் உருவாக்கிய எழுத்து முறைதான்
பிரெய்லி எழுத்து முறை.

பார்வையற்றோர் வாழ்யில் ஒளிவிளக்கேற்றிய பிரெய்லியைப் போற்றுவோம்






77 கருத்துகள்:

  1. பிரேயிலி பற்றி கேள்விப்பட்டுள்ளேன்....ஆனால் அவர் எப்படி அந்த எழுத்து முறையை உருவாக்கினார் என்பதை உப்போதுதான் அறிந்தேன் நல்ல தகவல் நன்றி அய்யா...........

    பதிலளிநீக்கு
  2. பார்வை இல்லாதவர்களுக்கு எழுத்துக்கள் உள்ளன என்பது மட்டும் தெரியும். மற்றபடி எதுவும் தெரியாது. நல்ல தகவல்கள் சார். பகிர்ந்து கொண்டமைக்கு நன்றி.

    பதிலளிநீக்கு
  3. பார்வை அற்றவர்களின் வாழ்வில் படிப்பு ஒளி ஏற்றிய பிரைலியின் வரலாற்றை உங்கள் பதிவு மூலம் அழகாய் விளக்கியுள்ளீர்கள்,நன்றி !
    த ம 1

    பதிலளிநீக்கு
  4. கரந்தை அவர்களே! தேடிதேடி அற்புதமான விஷயங்களை கொடுக்கிறீர்கள் ! அருமையான மொழி நடையில் ! ஒரு வேண்டுகோள் ! தயவு செய்து இவை அத்துணையையும் நூலாககொண்டு வரவேண்டும் ! அவை பள்ளிகளில் ,மாணவ,மாணவிகளின் துணைப்பாடங்களாக வகைப்படுத்தப்படவேண்டும்! மிக அற்புதமான பணியினை தமிழுலகத்திர்க்கு செய்து வருகிறீர்கள் ! வாழ்க ! ---காஸ்யபன்.

    பதிலளிநீக்கு
    பதில்கள்
    1. வழிமொழிகிறேன். தங்களுடைய உழைப்பும் தெரிகிறது. வாழ்த்துக்கள்.

      நீக்கு
    2. பெருமதிப்பிற்குரிய ஐயா,
      வணக்கம்.தங்களின் வருகையும் கருத்துரையும் மிக்க மகிழ்வினை அளிக்கின . நன்றி ஐயா

      நீக்கு
    3. விரைவில் எதிர்ப்பார்க்கிறேன் ஐயா...

      வாழ்த்துக்கள்...

      நீக்கு
  5. அருமையான தகவல் பகிர்வுக்கு நன்றி ஐயா

    பதிலளிநீக்கு
  6. அற்புதமான விஷயங்களை அழகான கட்டுரையாக்கித் தந்துள்ளீர்கள். பொருத்தமான படங்களுடன் கூடிய பயனுள்ள ஆச்சர்யம் அளிக்கும் பதிவு, பாராட்டுக்கள். வாழ்த்துகள்.

    பதிலளிநீக்கு
  7. அறிந்துகொள்ளவேண்டிய தகவல்களை எளிமையாகவும் தெளிவாகவும் பதிவிடும் உங்களுக்கு என் நன்றிகள்! இன்று இந்தக் கதை தான் சொல்லப்போகிறேன் என் பிள்ளைகளுக்கு. நன்றி சகோதரரே.
    த.ம.2

    பதிலளிநீக்கு
    பதில்கள்
    1. சகோதரரே, நேற்று சென்ற ஒரு இடத்தில் லிப்டிர்கருகில் உள்ள பொத்தானில் பிரைலி கோட் இருப்பதைப் பார்த்து என் மகன் எனக்குக் காட்டினான்..இத்தனை நாட்கள் கவனிக்கவில்லை...உங்கள் பதிவிற்கு மகிழ்ச்சியுடன் உளமார்ந்த நன்றி சகோதரரே..

      நீக்கு
  8. இந்த அற்புதக் கண்டுபிடிப்பு இன்றும் எவளோ பார்வை இழந்தவர்க்கு உதவுகிறது.
    அந்த அற்புத வரலாறை அழகான பதிவாக்கித் தந்தமைக்கு பாராட்டுக்கள்

    பதிலளிநீக்கு
  9. சகோதரா நான் உண்மையில் அழுதுவிட்டேன் இதை வாசித்து.
    இன்னும் கண்ணீர் கன்னத்தில் ஓடுகிறது. அப்படியே எழுதுகிறேன் .
    மிக்க நன்றி. சிறப்பாக எழுதியிருக்கிறது.
    இனிய வாழ்த்து.
    வேதா. இலங்காதிலகம்.

    பதிலளிநீக்கு
  10. உயர்நிலைப் பள்ளி மாணவனாக இருந்தபோது பிரெய்லி முறையைப் பற்றி படித்தது. இப்போது உங்கள் பதிவின் மூலம் மீண்டும் அதனைப்பற்றி அறிய ஒரு வாய்ப்பு.

    விழியிழந்தவர்களது திருமணத்தைப் பற்றியும், மணமகன் விழியிழந்த போதும் தாங்கள் எப்படி உணர்கிறோம், படிக்கிறோம், செல்போனில் பேசுகிறோம் என்று சொன்ன பேட்டியையும் பதிவுகளாகத் தந்து வலையுலகில் ஒரு மைல் கல் நிறுவி இருக்கிறீர்கள். இப்போதும் அப்படியே. வாழ்த்துக்கள்!

    அய்யா காஸ்யபன் கருத்துக்களை அப்படியே நானும் வழி மொழிகிறேன்!
    த.ம.5

    பதிலளிநீக்கு
  11. அன்பின் ஜெயக் குமார் - த.ம வாக்கு : 6 =நல்வாழ்த்துகள் - நட்புடன் சீனா

    பதிலளிநீக்கு
  12. அன்பின் ஜெயக் குமார் - பதிவு அருமை - 15 வயதில் கண் பார்வை அற்ற சிறு பையன் லூயிஸ் ப்ரெய்லி - கண் பார்வையற்றவர்களுக்குப் பயன் படும் வண்ணம் ப்ரெய்லி முறையினை முறைப்படுத்தி 12 எழுத்துகளை ஆறு எழுத்துகளில் அடக்கி ஒரு புதிய - எளீதில் பயனபடுத்தத் தக்க முறையினை நடைமுறையில் கொண்டு வந்து ஒரு புரட்சியினையே ஏற்படுத்திய லூயிஸ் ப்ரெய்லியினைப் பற்றி அருமையான பதிவு எழுதியமைக்குப் பாராட்டுகள் - நல்வாழ்த்துகள் - நட்புடன் சீனா

    பதிலளிநீக்கு
    பதில்கள்
    1. பாராட்டுதலுக்கு மனம் கனிந்த நன்றி ஐயா

      நீக்கு
  13. வணக்கம்
    ஐயா.

    மிக அருமையாக படிக்க திகட்டாத வகையில் மிக நன்றாக எழுதியுள்ளீர்கள் இப்படியான எழுத்து உருவாக்கிவர் பற்றி தங்களின் பதிவு வழி அறிந்தேன் தேடலுக்கு முதலில் பாராட்டுக்கள் ஐயா.

    த.ம 7வது வாக்கு

    -நன்றி-
    -அன்புடன்-
    -ரூபன்-

    பதிலளிநீக்கு
  14. காலத்தால் அழியாத அறிவுபெட்டகமாக உங்கள் பதிவுகள் உள்ளன அண்ணா! சிலிர்க்கவைக்கிறது!!!
    த.ம 8

    பதிலளிநீக்கு
  15. தம ஒன்பது
    www.malartharu.org

    பதிலளிநீக்கு
  16. லூயிஸின் முறையை கடுமையாக பகடி செய்தார்கள் ஆரம்பத்தில். நீயே ... நீ கண்டுபிடிக்கிறாயாக்கும் என்ற குரூரமான வார்தைகள் வந்தன..
    பின்னர் ஒரு பெண் பத்திரிகையாளர் ப்ரைலீ முறை எவ்வளவு சுலபமாக இருக்கிறது என்பதை ஒரு நாளிதழ்
    கட்டுரையாக எழுதிய பின்னரே இம்முறை பரவலாக புழக்கத்துக்கு வந்தது ... ப்ரைலீயின் வெற்றிக்குப் பின்னும் ஒரு பெண்!!!!
    நன்றி தோழர்

    பதிலளிநீக்கு
    பதில்கள்
    1. லூயிஸ் கண்டுபிடித்த பிரெய்லி முறை அவனது காலத்திற்குப் பிறகுதான் அங்கீகாரம் கிடைத்தது.
      நன்றி நண்பரே

      நீக்கு
  17. அன்புள்ள ஜெயக்குமார்

    வணக்கம். அருமையாகப் பதிவிட்டிருக்கிறீர்கள். பிரெய்ல் பற்றி ஏற்கெனவே நான் வாசித்திருந்தாலும் சொல்லுகிற முறையில் உங்களின் நேர்த்தியை ரசிக்கிறேன். ஹெலன் ஹெல்லர் போன்றவர்களும் நினைவுக்கு வருகிறார்கள். குழந்தைகளுக்குச் சொல்லவேண்டிய பதிவு. வாழ்த்துக்கள்.

    பதிலளிநீக்கு
  18. தன்னம்பிக்கையின் மறு வடிவமாக - அருமையான பகிர்வுகள்.. வாழ்த்துகள்..!

    பதிலளிநீக்கு
  19. நல்ல தகவல்கள்.அருமையான பதிவு. நன்றி ஐயா.

    பதிலளிநீக்கு
  20. அன்புடையீர்..
    எட்டாம் வகுப்பில் லூயிஸ் பிரெய்லியைப் பற்றியும் அவர் பார்வையற்றோருக்காக உருவாக்கிய புதிய மொழியைப் பற்றியும் - துணைப்பாட நூலில் ஒரு பாடம்!.

    வகுப்பின் ஆசிரியரும் தலைமை ஆசிரியரும் ஆன -
    அன்பின் திரு R. நாராயணசாமி ஐயா அவர்கள் லூயிஸ் பிரெய்லியைப் பற்றிய பாடத்தினை நடத்திய போது - துளிர்த்த கண்ணீர் - காலம் பல கடந்து தங்களுடைய பதிவினால் - மீண்டும் துளிர்த்தது.

    மகத்தான சாதனையைச் செய்து பார்வையற்றோர் வாழ்யில் ஒளி விளக்கேற்றிய மாமனிதர் லூயிஸ் பிரெய்லி!..

    பதிலளிநீக்கு
  21. லூயிஸ் ப்ரெய்லி உண்மையிலேயே பெரிய சாதனை மனிதர்தான்! அவருக்கும் அவரை ஊக்குவித்த தந்தைக்கும், அவர் வாழ்வில் சாதிக்க திருப்புமுனை தந்த அந்த இராணுவ வீரருக்கும் வாழ்த்துக்கள்! சிறப்பான பகிர்வு! நன்றி!

    பதிலளிநீக்கு
  22. ப்ரெய்லி முறையைப் பற்றித்தான் கேள்விப்பட்டிருக்கேன், அதற்கு மேல் அறிந்திருக்கவில்லை. அதனைப்பற்றிய ஒரு விரிவான பதிவைத்தந்தமைக்கு மிக்க நன்றி.

    பதிலளிநீக்கு
  23. சாதிக்கப்பிறந்தவர்கள்.போற்றுவோம் பிரெய்லியை/பொதுவாகவே தங்களது பதிவுகள் யாவும் இது போலான நிஜ சரித்திர நாயகர்களை பேசிச்செல்வது மிக்க சந்தோஷம் அளிப்பதாக இருக்கிறது வாழ்த்துக்கள்.

    பதிலளிநீக்கு
  24. நான் அறிந்திராத தகவல்கள்....மிக்க நன்றி !

    பதிலளிநீக்கு
  25. எத்துணை நல்ல பதிவு எழுத்துக்கள் இருப்பது எனக்கு தெரியும் ஆனால் இவை பற்றி முழுமையாக தெரியாது சிறுவனின் துயரம் சாதனையாக வடிந்தது. இவ் விடயங்கள் அனைத்தும் குழந்தைகளுக்கு கற்பிப்பது அவசியம் தன்னம்பிக்கையையும் முன்னேற்றத்தையும் வழங்க வல்லவை.பதிவுக்கு நன்றி வாழ்த்துக்கள்....!

    பதிலளிநீக்கு
  26. மிக மிக அற்புதமான ஒரு பதிவைக் கொடுத்துள்ளீர்கள்! கரந்தையாரே! லூயிஸ் ப்ரெய்லி பற்றித் தெரியும்! அவர் ப்ரெய்லி உருவாக்கியதும் அறிந்திருந்தாலும்....அதனைத் தாங்கள் தொகுத்து தந்த விதம் மிகவும் அழகாக உள்ளது! நல்ல விளக்கமான தொகுப்பு!

    லூயிஸ்க்கு தன்னம்பிக்கையும், உழைக்கும் எண்ணமும் அதற்கு ஆதரவாக அவரது பெற்றோரும் இருக்க சாதனையாளர்தான்! இது போன்று பெற்றோர் ஊக்கம் இருந்தால் வாழ்வே வளமாகும்!

    வாழ்த்துக்கள் நண்பரே! எவ்வளவு நல்ல நல்ல பதிவுகளைத் தருகின்றீர்கள்! நல்லாசிரியர்!!!!!!!!!

    பதிலளிநீக்கு
    பதில்கள்
    1. ஆம் நண்பரே லூயிஸின் பெற்றோரும் சாதனையாளர்தான்.
      வருகைக்கும் வாழ்த்திற்கும் நன்றி நண்பரே

      நீக்கு
  27. அற்புதமான பதிவு ஐயா,

    பதிலளிநீக்கு
  28. தேடித் தேடி பல சிறந்த மனிதர்களின் வாழ்க்கையை படிக்கும் அனைவருக்கும் உபயோகமுள்ளதாக ஆக்கும் உங்கள் பதிவுகள் அருமை.

    பகிர்வுக்கு நன்றி கரந்தை ஜெயக்குமார் ஐயா.

    பதிலளிநீக்கு
  29. இவ்வாறான சாதனையாளர்களைத் தாங்கள் எப்படி தேடி கண்டுபிடிக்கின்றீர்கள்? தாங்கள் அறிமுகப்படுத்தும் ஒவ்வொரு நபரும் ஒவ்வொரு வகையில் முக்கியத்துவம் பெற்றவர்களாக உள்ளனர். இவ்வாறான பதிவுகளைக் கொண்டு அடுத்த நூலை வெளிக்கொணர வேண்டுகிறேன். தங்கள் எழுத்து மென்மேலும் சிறக்க வாழ்த்துக்கள்.

    பதிலளிநீக்கு

  30. சாதனை மனிதர் லுாயிஸ் பிரெய்லி பற்றிய பதிவு அருமை ஐயா. ஏராளமான புதிய தகவல்கள்.

    பதிலளிநீக்கு
  31. மிக அற்புதமான கட்டுரை.பிரெய்லி பற்றிய தகவல் நெஞ்சம் நிறைந்தவை. மிக்க நன்றி.

    பதிலளிநீக்கு
  32. என் இனிய நண்பர் ஜெயக்குமார் அவர்களுக்கு, அனைவரும் அறிந்திருக்க வேண்டிய செய்தியை மிகவும் அற்புதமாக பதிவிட்டதற்கு என் மனமார்ந்த வாழ்த்துக்கள்.

    பதிலளிநீக்கு
  33. பயனுள்ள அனைவரையும் படிக்கத்தூண்டும் விதத்தில் அமைந்த கட்டுரை அருமை!

    பதிலளிநீக்கு
  34. வணக்கம் கரந்தை ஜெயக்குமார் !

    முள்வலி ஊட்டிமுகக் கண்ணிழந் தும்முயல
    உள்விழி காட்டும் உயர்வு !

    நம்பிக்கை ஊட்டிய லூயிஸின் கதை
    அருமை
    வாழ்த்துக்கள் வாழ்க வளமுடன் !
    11

    பதிலளிநீக்கு
  35. அருமையான பகிர்வு. ப்ரெய்லி முறை பற்றித் தெரியும். ஆனால் லூயிஸ் குறித்தும் ப்ரெய்லி உருவான கதையும் இன்றே அறிந்தேன்.

    பதிலளிநீக்கு

அறிவை விரிவு செய், அகண்ட மாக்கு, விசாலப் பார்வையால் விழுங்கு மக்களை, அணைந்து கொள், உன்னைச் சங்கம மாக்கு, மானிட சமுத்திரம் நானென்று கூவு