15 பிப்ரவரி 2015

சுவரைத் தட்டுங்கள், கதவு திறக்கும்

     

இருள் சூழ்ந்த இரவில், விளக்குகள் இல்லாத பொழுதில், தட்டுத் தடுமாறி, நண்பன் வீட்டுக்கு வந்த ஒருவன், வாசல் எங்கு என்று தெரியாமல் சுவரைத் தட்டினான். அது வாசலில்லை என்று தெரிந்ததும், சுவரைத் தட்டிக்கொண்டே நடந்தான், ஒரு வழியாய் வாசல் வந்தது. தட்டியவுடன் கதவு திறந்தது.

சுவரைத் தட்டுங்கள் கதவு திறக்கும்.


     நண்பர்களே, என்னவொரு கவித்துவமான தலைப்பு, பார்த்தீர்களா.

     நல்லவரை கெட்டவர் என்று கணக்கிட்டோ, கெட்டவரை நல்லவர் என்று மதிப்பிட்டோ, மற்றவர்கள் ஏமாந்து போகலாம். நம்மை மதிப்பிடுவதில் நாம் ஒரு நாளும் ஏமாந்து போகக் கூடாது.

     வாழ்க்கை என்னும் தேர்வில், உங்களுக்குத் தரப்படுகிற, வினாத் தாளில், ஒரே ஒரு கேள்விதான் இருக்கிறது .....

நீங்கள் நல்லவரா? கெட்டவரா?

     உங்கள் பயணத்தின் ஒரே துணை நீங்கள்தான். வருபவர்கள் எல்லோரும் துணை செய்தாலும், செய்யாவிட்டாலும், பயணம் உங்களுடையது.

     அவரை மலைபோல் நம்பினேன் கை கழுவி விட்டார். இவரை ஏகத்துக்கும் எதிர்பார்த்தேன், ஏமாற்றி விட்டார் என்ற வெற்றுப் புலம்பல்கள், தன்னிரக்கத்தைத் தவிர எதையும் தராது.

      உங்கள் பாதையில் உதவியவர்களுக்கு, மிகுந்த நன்றியுடன் இருங்கள். ஆனால் உதவாதவர்கள் பற்றிய சலிப்பை வளர்த்துக் கொள்ளாதீர்கள்.

     உங்கள் பாதை. உங்கள் பயணம். உங்கள் இலக்கு. உங்கள் திட்டம். உலகம் உதவினால் மகிழ்ச்சி. இல்லையென்றாலும் முயற்சி எனத் தொடர்ந்தால் வளர்ச்சி.

     இருக்கும் நேரத்தில், இயன்ற உயரங்களை எட்ட முயல்வதே புத்திசாலித்தனம். அதற்கு வேண்டியது, மலையளவு மன உறுதி.

     உங்களை நீங்களே நம்புங்கள், இன்னும் தொடர்ந்து செல்லுங்கள்.

உங்கள் பயணத்தின் ஒரே துணை ............ நீங்கள்தான்.

     உங்களை வீழ்த்த விரும்புகிறவர்கள், உங்கள் பலவீனம் என்னவென்று பார்க்கிறார்கள். அதைக் கண்டறிந்ததும், உங்களைக் காட்டிக் கொடுக்கவோ, போட்டுக் கொடுக்கவோ தயாராகிறார்கள்.

    உங்களைத் தள்ளிவிட, அவர்கள் செய்த அதிரடி வேலைதான், உங்கள் தகுதிக் குறைவை, உங்களுக்கே உணர்த்தி இருக்கும். அதைத் திருத்திக் கொள்ளவும் வழி படைக்கும்.

      உங்கள் பலவீனங்களை அறிந்து, பலங்களை உணர்ந்து, இன்னும் வலிவடைய உதவியவரை, வெறுத்து விடாதீர்கள். அதே நேரம், அவரை உங்கள் நண்பராகவும் ஆக்கிக் கொள்ளாதீர்கள்.

      உலகமே உங்கள் பலங்களைப் பாராட்டும் போது, உங்கள் பலவீனங்களைச் சுட்டிக் காட்ட, அவர் அதே நிலையில், உங்கள் வாழ்க்கை முழுவதும் வேண்டும்.

காட்டிக் கொடுத்தவரைக் காப்பாற்றுங்கள்.........

     பழகியவர்கள் எதிர்க்கும்போது, பதட்டம் வருவது இயற்கை. ஆனால் அந்தப் பதட்டம்தான் நம்மை வீழ்த்துமே தவிர, அவர்களின் பகைமை நம்மை வீழ்த்தாது.

     நண்பனே பகைவனானால் கூட, நம்மை வீழ்த்தும் வல்லமை அவனுக்கு இல்லை.

     எனவே கும்பிட்ட கைகள், குழி வெட்ட வந்தால், புன்னகையோடு பொறுத்திருங்கள். அவர்கள் வெட்டிய குழியில், உங்கள் அடுத்த வெற்றிக்கான விதைகளைப் போடுங்கள்.

கும்பிட்ட கைகளே, குழி வெட்ட வந்தால் .......

     சாமார்த்தியம் உள்ள மனிதர்கள், சதுரங்க விளையாட்டில் அமரும்போது, பார்ப்பவர்களுக்கும் பரபரப்பு, விளையாடுபவர்களுக்கும் விறுவிறுப்பு.

    வாழ்க்கை கூட, ஒவ்வொரு விடியலிலும், உங்களை விளையாட அழைக்கின்றது.

     அந்த அழைப்பை விளையாட்டாய் எதிர்கொள்ளாமல், விருப்பமுடன் எதிர் கொண்டால், வாழ்வின் சுவாரசியத்தை சுவைத்தவர் ஆவீர்கள்.

    களம் எத்தனை கடிதாய் இருந்தாலும், கையில் இருக்கும் கருவியை, கையாளத் தெரிந்தவனுக்கு கவலையில்லை.

    வாழ்க்கை முன் வைக்கும் ஒவ்வொரு பேராட்டங்களும், உங்களை, முன்னைவிட, இன்னும் வலிமையாய் செதுக்கித்தரப் போகிறது.

     பேராட்டங்களை, விரும்பி எதிர் கொள்ளுங்கள். அவை சுகமானவை.

சில யுத்தங்கள் சுகமானவை.
     

நண்பர்களே, தலைப்பு இடது பக்கம். நம்பிக்கை என்னும் புது இரத்தத்தினை உடலினில் பாய்ச்சி, நாடி நரம்புகளை எல்லாம், முறுக்கேறச் செய்யும், வலிமையான வார்த்தைகள் வலது பக்கம் என, நூல் முழுவதும், பக்கத்துக்குப் பக்கம் தன்னம்பிக்கை வித்துக்கள் கொட்டிக் கிடக்கின்றன.

     புத்தகத்தின் பெயரே கூட, ஒரு புத்துணர்வினை, புதுப் பொலிவினை அளிக்கும் வல்லமை வாய்ந்தது.





வாழ்வில் போராடுங்கள், வாழ்க்கையுடன் அல்ல.

ஆசிரியர், யார் தெரியுமா?

வாழ்வின் கவனக் குறைவாக இருப்பவர்களை,
உசுப்பி
அவர்களின் போக்கையும், பார்வையையும் மாற்றும்
சாட்டை சொடுக்குகளுக்குச் சொந்தக்கார்ர்
நமது நம்பிக்கை
இதழின் ஆசிரியர்
மரபின்மைந்தன் முத்தையா.

     நண்பர்களே, யாருடைய வாழ்க்கை முறையையேனும், நீங்கள் மாற்ற நினைப்பீர்களேயானால், அவருக்கு, இந்த நூலை படிக்கக் கொடுக்கலாம் அல்லது பரிசாகவும் கொடுக்கலாம்.


வாழ்வில் போராடுங்கள், வாழ்க்கையுடன் அல்ல
விஜயா பதிப்பகம்,
20, ராஜ வீதி,
கோவை -1
தொலைபேசி 2394614, 2382614


விலை ரூ. 120

68 கருத்துகள்:

  1. நல்லதொரு கருத்துகள் வாழ்வியல் உண்மைகள் நிறைந்தது என்பதை தங்களது விமர்சனம் மூலம் அறிந்தேன் நண்பரே.... கண்டிப்பாக நூலை வாங்குவேன்.
    தமிழ் மணம் 1

    பதிலளிநீக்கு
    பதில்கள்
    1. முதல் வருகைக்கும் வாழ்த்திற்கும்
      நன்றி நண்பரே

      நீக்கு
  2. //வாழ்க்கை கூட, ஒவ்வொரு விடியலிலும், உங்களை விளையாட அழைக்கின்றது.//

    அன்பின் திரு மரபின் மைந்தர் முத்தையா அவர்களது எழுத்துக்களை நான் அறிவேன்..

    நல்லதொரு விமரிசனம் தங்களுடையது. வாழ்க நலம்!..

    பதிலளிநீக்கு
  3. அருமையான நூல் அறிமுகம். நன்றி ஐயா!

    பதிலளிநீக்கு
  4. வணக்கம்
    ஐயா.
    சொல்லிய விடயம் 100வீதம் உண்மை..உண்மை
    மனித வாழ்க்கையில் உள்ள யதார்(த்) நிலையை மிக கருத்தாழம் மிக்க வரிகள் மூலம் உயிர்கொடுத்துள்ளீர்கள். படிக்க படிக்க தன்நம்பிக்கை வரும் மிக அழகாக சொல்லியுள்ளீர்கள்.
    பார்த்தவுடன் புத்தகத்தை படிக்க வேண்டும் என்ற ஆசை வளர்கிறது. சிறப்பாக சொல்லியமைக்கு வாழ்த்துக்கள் ஐயா. த.ம3

    -நன்றி-
    -அன்புடன்-
    -ரூபன்-

    பதிலளிநீக்கு
  5. எளிமையான வார்த்தைகளால் தெளிவான நூல் விமர்சனம். வாங்கி படிக்கிறேன் அய்யா.
    த.ம.5

    பதிலளிநீக்கு
  6. தன்னம்பிக்கையை வளர்த்திடும் தரமான புத்தகம்.
    அறிமுகத்திற்கு நன்றி!

    பதிலளிநீக்கு
  7. #களம் எத்தனை கடிதாய் இருந்தாலும், கையில் இருக்கும் கருவியை, கையாளத் தெரிந்தவனுக்கு கவலையில்லை.#
    இதைப் படித்ததும் நினைவுக்கு வந்த கவிதை ...வித்தைக் கற்றவனுக்கு வீணை ,மற்றவனுக்கு விறகுக் கட்டை !
    த ம 6

    பதிலளிநீக்கு
  8. நூலைவாங்கிப்படிக்கும் ஆர்வத்தைதருகின்றது விமர்சனப்பார்வை.பகிர்வுக்கு நன்றி.

    பதிலளிநீக்கு
  9. படிக்கத் துவங்கிய போது புரிந்தது சற்றே வலிமை மிகுந்த எழுத்துக்கள் என்று. ஆனால் எந்த ஒரு கருத்தையும் க்ருத்தாகக் கேட்கும் பொறுமை நம்மில் பலருக்கும் இல்லை. சர்க்கரை தடவிய மருந்து என்று வேண்டுமானால் சொல்லலாம்.அதையும் தேவை என்று வந்தால்தான் உபயோகிக்கிறோம். நல்ல தலைப்பு. வாழ்வில் போராட்டங்கள் இருக்கும். ஆனால் நாம் வாழ்வுடன் போராடக் கூடாது, வாழ்த்துக்கள்.

    பதிலளிநீக்கு
    பதில்கள்
    1. உண்மை
      வலிமை மிகு எழுத்துக்கள்தான் ஐயா
      நன்றி

      நீக்கு
  10. வாங்கி படிக்கிறேன் ஐயா... நன்றி...

    எத்தனை சதவீதம் எனக்கு வழிகாட்டியாக இருக்கும் என்பதையும் அறிகிறேன்...

    பதிலளிநீக்கு
  11. பதில்கள்
    1. தங்கள் முகவரிக்கு அனுப்பட்டுமா நண்பரே
      நன்றி

      நீக்கு
  12. " வாழ்க்கை கூட, ஒவ்வொரு விடியலிலும், உங்களை விளையாட அழைக்கின்றது. அந்த அழைப்பை விளையாட்டாய் எதிர்கொள்ளாமல், விருப்பமுடன் எதிர் கொண்டால், வாழ்வின் சுவாரசியத்தை சுவைத்தவர் ஆவீர்கள்."உண்மைதான். நல்ல புத்தகத்தை மிக நன்றாக அறிமுகம் செய்துள்ளீர்கள். வாழ்த்துக்கள் தங்களுக்கும், புத்தக ஆசிரியர் மரபின் மைந்தன் முத்தையா அவர்களுக்கும்.

    பதிலளிநீக்கு
  13. திரு.ஜெயக்குமார்.ஒரே நாளில் வாசித்து வாழ்த்திய உங்கள் அன்புக்கு நன்றி.இப்பதிவுக்கு எதிர்வினைகள் மூலம் என்னை ஊக்குவிக்கும் பண்பாளர்கள் அனைவருக்கும் நன்றி

    பதிலளிநீக்கு
    பதில்கள்
    1. இடைவிடாத தொடர் பயணங்களுக்கு நடுவிலும், வலைப் பூவிற்கு வருகை தந்தமைக்கு மிக்க நன்றி ஐயா

      நீக்கு
  14. ஒரே வார்த்தையில் சொல்வதானால் வாசகங்கள் மிகவும் அருமை! நூலாசிரியருக்கு மனமார்ந்த பாராட்டுக்கள்! பரிந்துரை செய்த உங்களுக்கும் தான்! தஞ்சையில் இந்த நூல் எங்கு கிடைக்கும்?

    பதிலளிநீக்கு
    பதில்கள்

    1. தஞ்சையிலும் கிடைக்கும்
      கிடைக்காவிட்டால் , தங்களைச்சந்தித்து எனது நூலினைத் தருகின்றேன்
      நன்றி சகோதரியாரே

      நீக்கு
  15. நல்ல புத்தகத்தை பரிந்துரைத்தமைக்கு நன்றி.

    பதிலளிநீக்கு
  16. அத்தனையும் விழிப்புணர்வு போல
    மிக அருமையாக உள்ளது. இருவருக்கும்இனிய வாழ்த்துகள்.
    வேதா. இலங்காதிலகம்.

    பதிலளிநீக்கு
  17. ஏகத்துக்கும் எதிர்பார்த்தேன், ஏமாற்றி விட்டார் என்ற வெற்றுப் புலம்பல்கள், தன்னிரக்கத்தைத் தவிர எதையும் தராது. அருமையான வரிகள். நான் அவசியம் படிக்கனும். நல்ல புத்தகத்தை பரிந்துரைத்தமைக்கு நன்றிகள்.

    பதிலளிநீக்கு
  18. நண்பரே! மிக அருமையான பதிவு ! விமர்சனம் மிக மிக வலுவாக உள்ளது. அருமை!

    பதிலளிநீக்கு
  19. சிறப்பான பகிர்வு. நல்ல கருத்துகள்.

    பதிலளிநீக்கு
  20. அருமையான கருத்துகளைக் கொண்ட புத்தக விமரிசனத்திற்கு நன்றி.

    பதிலளிநீக்கு
  21. அறிமுக விமர்சனம் நன்று! ஆவலைத் தூண்டும்!

    பதிலளிநீக்கு
  22. அருமையான புத்தக அறிமுகம். நன்றி ஐயா.

    த.ம. +1

    பதிலளிநீக்கு
  23. நட்பு பாடம் படிக்கும் நண்பர்களுக்கு
    படிக்கட்டுகளை பதித்துள்ளார் பாதங்கள்
    பாதுகாப்பாய் நடந்து செல்ல!
    நட்பின் ஆழம் குறித்த விளக்கங்கள்
    விதியாக நின்றாலும் வியப்பில்லை!
    நிச்சயமாய் இந்த புத்தகத்தை வாங்கிவிடுவேன்!
    பரிசு பொருளாய் வாங்க பரிந்துரை சொல்வேன்
    நண்பர்களிடம்
    நன்றியுடன்,
    புதுவை வேலு

    பதிலளிநீக்கு
  24. தன்னம்பிக்கை நூலுக்கு தும்பிக்கை போல விமர்சனம் .....வாழ்த்துக்கள் அனைவருக்கும்.

    பதிலளிநீக்கு
  25. எங்கள் ஊர்க்காரர், மரபின் மைந்தன், நல்ல பேச்சாளரும் கூட. எழுத்தாளர், கவிஞர். அவரது புத்தகத்துக்கு நல்ல ஒரு அறிமுகம், தங்கள் வாயிலாக கிடைத்திருப்பது மகிழ்ச்சி ஐயா.

    பதிலளிநீக்கு
  26. உளவியல் ரீதியாக சில நூல்கள் அதிக தாக்கங்களை ஏற்படுத்தும். அவ்வகையில் இந்நூலும் ஒன்று என்பதை தங்களின் விமர்சனம் வெளிப்படுத்துகிறது. படிப்பேன். நன்றி.

    பதிலளிநீக்கு
  27. நல்ல நூலை அறிமுகப்படுத்தி இருக்கிறீர்கள். நன்றி.
    த ம +

    பதிலளிநீக்கு
  28. என் இனிய நண்பர் ஜெயக்குமார் அவர்களுக்கு,
    ஒரு தன்னம்பிக்கை தரும் நூலுக்கு தாங்கள் வழங்கிய அறிமுகம் மிக அருமை. அந்த நூலில் காணப்படும் வரிகளாக தாங்கள் குறிப்பிடும் சில ஆலோசனைகளே படிப்பவர் மனதில் ஆழமான நம்பிக்கை ஏற்படுத்தும் என்பதில் எள் அளவும் சந்தேகம் இல்லை. வாழ்த்துக்கள் இருவருக்கும்.

    பதிலளிநீக்கு
  29. அருமையான விமர்சனம். ஒரு நல்ல நூலை அறிமுகப்படுத்தி உள்ளீர்கள் நண்பரே!

    பதிலளிநீக்கு
  30. இந்த மரம் செழித்து வளரட்டும் நானும் ஒரு குருவியாய் இளைப்பாரவருவேன் புத்தகத்தின் விளக்கம் மிக அருமை

    பதிலளிநீக்கு
  31. நூலாசிரியரின் சிறப்புக்கள் பற்றியும் நூலின் சிறப்புக்களைப்பற்றியும் மிகவும் அழகாக சுருக்கமாகச்சொல்லி விளங்க வைத்துள்ளீர்கள்.

    பகிர்வுக்கு நன்றிகள், ஐயா.

    பதிலளிநீக்கு
  32. நல்லது வாழ்க்கையே போராட்டம்தான்......நம்பிக்கையுடன் போரடும்போது வெற்றி நமக்குக் கிடைக்கிறது

    பதிலளிநீக்கு
  33. போராடி.....உடுவை வெற்றி காண்பதிலும் ஒருவகைச்சுகம் .....உடுவை

    பதிலளிநீக்கு

அறிவை விரிவு செய், அகண்ட மாக்கு, விசாலப் பார்வையால் விழுங்கு மக்களை, அணைந்து கொள், உன்னைச் சங்கம மாக்கு, மானிட சமுத்திரம் நானென்று கூவு