26 பிப்ரவரி 2015

மகிழ்வுடன் ஓர் நாள்


நண்பர்களே, கடந்த 18.2.2015 புதன் கிழமையன்று, பள்ளியில், சக ஆசிரிய நண்பர்களோடு பேசிக் கொண்டிருந்தபோது, பேச்சு சுற்றுலா பற்றி திரும்பியது.

     பத்தாம் வகுப்பு மாணவ, மாணவியர் எந்நேரமும் படிப்பு, படிப்பு, தேர்வு, தேர்வு என படிப்பதும், சிறு, குறு தேர்வுகளை எழுதுவதிலுமே, காலத்தைக் கரைத்துக் கொண்டிருக்கும் நேரமிது.

     கனவில் கூட, புத்தகங்களும், தேர்வு அறைகளும் தோன்றும், மன அழுத்தம் மிகுந்த காலம் இது.

      அதனால், ஒரே ஒரு நாளேனும், புத்தக நினைவின்றி, ஆடிப் பாடி மகிழ வைத்து, ஓர் புத்துணர்ச்சியை, புது வலிமையை, புத்தம்புது எழுச்சியை வழங்கினால் என்ன, என்று தோன்றியது.


     மாணவர்களுக்கு மட்டுமல்ல, ஆசிரியர்களாகிய எங்களுக்கும், ஓர் மாற்றம் தேவைப் பட்டது. காலை 8.00 மணிமுதல் மாலை 6.00 மணிவரை, பள்ளி, பள்ளி, சிறு சிறு தேர்வு நடத்துதல், திருத்துதல் என, ஒவ்வொரு நாளும், பத்து மணிநேரம், குடும்பம் என்று ஒன்று இருப்பதே மறந்து, பள்ளியே எங்கள் வாழ்விடமாகவும் மாறித்தான் போய்விட்டது.

     உமாமகேசுவர மேனிலைப் பள்ளியின் உதவித் தலைமையாசிரியரும், நண்பருமான திரு அ.சதாசிவம், உடற் கல்வி ஆசிரியர் நண்பர் திரு துரை.நடராசன், ஓவிய ஆசிரியர் நண்பர் திரு எஸ்.கோவிந்தராசன், நெசவு ஆசிரியர் நண்பர் திரு டி.கோபால் ஆகியோரும், நானும் இணைந்து, கலந்து பேசினோம்.

     நண்பரும், பள்ளித் தலைமையாசிரியருமான திரு வெ.சரவணன் அவர்களை அணுகினோம். ஒரு நிமிடம் கூடத் தயங்காது, மகிழ்வுடன் போய் வாருங்கள் என்றார்.

     இரண்டே நாள், கால அவகாசத்தில், ஏற்பாடுகளைச் செய்து, விடுமுறை நாளான 21.2.2015 சனிக்கிழமையன்று, காலை புறப்பட்டோம்.

     22 மாணவர்கள், 49 மாணவிகள். காலை 8.00 மணிக்கு பள்ளி வளாகத்தில் இருந்து புறப்பட்டோம். சுற்றுலா பேருந்தானது, கும்பகோணம், திருநாகேசுவரம் வழியாக பேரளத்தை அடைந்தபோது 10.00 மணி.

கூத்தனூர் சரசுவதி கோயில்

     பத்தாம் வகுப்பு அரசுப் பொதுத் தேர்வில், நல்ல மதிப்பெண்களைப் பெற, எங்களால் ஆன முயற்சிகளை மேற் கொண்டு வருகிறோம், இறைவியே, கல்விக் கடவுளே, அருள் புரிவாயாக என்ற வேண்டுதலோடு, மாணவ, மாணவியர், தாங்கள் கொண்டு வந்திருந்த, தங்களின் எழுது பொருட்களை, கல்விக் கடவுளின், திருவடிகளில் சமர்ப்பித்து வணங்கினர்.

     எனது வகுப்பு மாணவியர், தினமும், வகுப்பறையில் நடைபெறும், காலை வழிபாட்டுக் கூட்டத்தின் போது, சரசுவதி சுலோகம் ஒன்றினைப் பாடுவது வழக்கம்.

    கல்விக் கடவுளின் முன், கண் மூடி, கரம் குவித்து நின்ற, என் மாணவிகளை நோக்கி, தினமும் பாடுவீர்களே, சரசுவதி சுலோகம், அதை இன்று, சரசுவதி தேவியின் முன் பாடலாமே என்றேன்.

    அடுத்த நொடி, மாணவிகளின் குரல், கடவுளின் கருவறைச் சுவர்களில் மோதி, ஆலயம் எங்கும் எதிரொலிக்கத் தொடங்கியது.

சரசுவதி நமஸ்துப்பியம் வரதே
காமரூபினி
வித்தியாரம்பம் கரிஷாமி
ஸித்திர் பவதுர் மேசுதா

     கல்விக் கடவுளின் திருக்கோயிலில் இருந்து, வெளியில் வந்தபோது, காலை மணி 11.00.

     காலை உணவினை அதுவரை, யாருமே உண்ணவில்லை. பசி வயிற்றில், தாளம் போடத் தொடங்கியது.

     பேரளம் தொடர் வண்டி நிலையத்திற்கு எதிரில், பேருந்தை நிறுத்தி இறங்கினோம். வளர்ந்து படர்ந்து, பரவி நிற்கும் மரங்கள் நிறைந்த வயல் வெளி.

     மரங்களின் நிழலில், வயல் வெளியில் அமர்ந்து, கொண்டு வந்திருந்த, காலை உணவினை உண்டோம்.

    


மாணவ, மாணவியருக்கு இது ஓர் புதுவித அனுபவமாய் அமைந்தது. நிலாச் சோறு என்று கேள்விப் பட்டிருக்கிறோம், இன்றுதான், நெல் விளையும் பூமியிலேயே அமர்ந்து, வயற்சோறு சாப்பிடுகிறோம் என அகம் மகிழ்ந்தனர்.

ட்ரான்கியூபார்

    

மதியம் 1.00 மணிய்ளவில், எங்கள் பேருந்து, ட்ரான்கியூபார் கடற்கரையை அடைந்தது.

ட்ரான்கியூபார்

     நண்பர்களே, புரியவில்லையா. 1620 முதல் 1845 வரை, இப்பகுதியை ஆண்ட, டேனிஸ்காரர்கள், இவ்வூரினை, இப்படித்தான் அழைத்தார்கள், ஆவணங்களிலும் இப்படித்தான் பதிவு செய்தும் வைத்தார்கள்.அவ்வூரின் இன்றைய பெயர் என்ன தெரியுமா?

தரங்கம்பாடி

தரங்கம்பாடி என்றால்,
இசைபாடும் அலைகளின் நகரம்
என்று பொருள்.

இந்தியாவில்
முதன் முதலில்
அச்சு இயந்திரம் நிறுவப் பெற்ற இடம்
தரங்கம்பாடி

இங்கு, இந்தியாவிலேயே, முதன் முதலாக
அச்சிடப் பெற்ற நூலின் மொழி என்ன தெரியுமா?
தமிழ்.

     கடற்கரையில் கோட்டையினைக் கண்டதும், மாணவ, மாணவியரிடம் ஓர் புது உற்சாகம் பிறந்தது.

     தரங்கம்பாடி கோட்டையின் கட்டுமானப் பணிகள் தொடங்கப் பெற்ற ஆண்டு 1620. இராணுவத்தினர் தங்கும் இடம், கிடங்கு, சமையலறை, சிறைச்சாலை, என அனைத்து வசதிகளையும் கொண்ட கோட்டை, தரங்கம்பாடி கோட்டை.


கோட்டையில் உள்ள அருங்காட்சியகத்தைக் கண்டு களித்த, மாணவ, மாணவியர், கோட்டையின் திறந்த வெளிப் பகுதியில் அமர்ந்து, கடற்கரையில் ஆர்ப்பரித்து எழுந்து, அடங்கும் அலைகளை ரசித்தனர்.

இசைபாடும் அலைகள் அல்லவா.

      அப்பொழுது, ஒரு மாணவி, என்னிடம் வந்து, கடற்கரையில் நிற்கும் சிலரைச் சுட்டிக் காட்டி,

சார், அங்கிருந்து ஒருவன், என்னைப் பார்த்து, கையை காட்டுகிறான் சார். நான் செருப்பைத் தூக்கிக் காட்டிய பிறகும்,  மீண்டும், மீண்டும் கை காட்டுகிறான் என்றார்.

     கடற்கரையில், அம்மாணவி காட்டிய திசையில், நான்கு பேர் நின்றிருந்தனர்.

     கோட்டையின் மேலிருந்து அவர்களைக் கவனிப்பதை உணர்ந்ததும், அவர்கள், கடலின் பக்கம் திரும்பி நின்று கொண்டனர்.

     சிறிது நேரத்தில், மாணவ, மாணவியருடன், கோட்டையில் இருந்து கீழே இறங்கி, கடற்கரையை நோக்கி நடக்கத் தொடங்கினோம்.

     அப்பொழுதுதான், அந்த நால்வரையும் அருகில் பார்த்தேன். நால்வருக்கும் வயது இருபது அல்லது இருபத்தி ஒன்றுதான் இருக்கும். கல்லூரி மாணவர்களைப் போல் தெரிந்தார்கள். அவர்களில் இருவர், கடல் அலைகளில் நின்று கொண்டும், மற்ற இருவர் கரையில் நின்று கொண்டும், மணலினை வாரி எடுத்து, ஒருவர் மற்றவர் மேல், வீசி விளையாடுவது போல், மாணவியரின் திசையில், வீச கையை ஓங்கினர்.

தம்பி, கொஞ்சம், மணலை வீசாமல் நிறுத்துகிறாயா என்றேன்.

    கையில் இருந்த மணலை, உதறிக் கொண்டே, ஒருவன் என் அருகினில் வந்தான். அவனுக்கு முன்னதாக டாஸ்டாக் வாடை வந்தது.

தம்பி, நீ மகிழ்ச்சியாக விளையாடு, ஆனால் உன் விளையாட்டு, எங்கள் மாணவிகளுக்கு, இடைஞ்சலாய் இருக்கக் கூடாது, புரிந்ததா.

சார், அந்தப் பொண்ணு என்னைப் பார்த்து செருப்பைத் தூக்கிக் காட்டினார்

தம்பி, உன்னைப் பார்த்தால், கல்லூரியில் படிக்கும் பையன் மாதிரி தெரிகிறது. நீ ஒரு மாணவியைப் பார்த்துக் கை காட்டலாமா? தவறல்லவா? வெளியூரில் இருந்து, மகிழ்ச்சியாக இருப்பதற்காக, தரம்கம்பாடிக்கு வந்து, தேவையில்லாமல், பிரச்சினை செய்யக் கூடாது. நகரு இங்கிருந்து என்றேன்.

அம் மாணவனுக்குள் இருந்த, டாஸ்மாக் வேலை செய்ய,

சார், அந்தப் பொண்ணுதான் என மீண்டும் ஆரம்பித்தான்.

தம்பி, நீ எந்த ஊரு என்றேன்.

ஆடுதுறை என்றான்.

     அப்பொழுது, ஆசிரியர் திரு கோபால் அருகில் வந்தார். இவரும் ஆடுதுறையைச் சார்ந்தவர்தான்.

ஆடுதுறையில் எந்தத் தெரு? என அவர் விசாரனையைத் துவக்கினார்.

    உடற்கல்வி ஆசிரியர் திரு நடராசன் அவர்களும், வந்துவிடவே, மேலும் மேலும் பேசுவதற்கு வழியின்றி, நால்வரும், அவ்விடத்தை விட்டு அகன்றனர்.

    மாணவர்கள் சிறிது நேரம் கழித்தே வந்து சேர்ந்தனர்.
    




மாணவ, மாணவியர் அனைவரும், கடல் நீரில் இறங்கி, அலைகளின் தாலாட்டினை அனுபவித்து மகிழ்ந்தனர்.

     சுமார் ஒரு மணிநேரம் கழித்து, கடற்கரையில் இருந்து, புறப்படத் தயாராகும்போது, அந்நால்வரும் மீண்டும் வந்தனர்.

   அந்தப் பொண்ணு என்னிடம் மன்னிப்பு கேட்க வேண்டும் என தட்டுத் தடுமாறி பேச ஆரம்பித்தான். ஒரு மணி நேர இடைவெளியில், மீண்டும் ஒரு முறை, டாஸ்மாக் மருந்தை, உள்ளே அனுப்பியிருக்கிறான்.

     உடற்கல்வி ஆசிரியர் திரு நடராசன் அவர்கள், எச்சரிக்கும் வகையில், உரத்த குரலில் பேசவே, எம் பள்ளி மாணவர்களும், சண்டைக்குத் தயாராவது போல், நால்வரையும் சூழ்ந்து கொண்டனர்.

     மாணவர்களை அமைதி படுத்தி, ஆளுக்கு ஆள் சத்தம் போட்டு, அவர்களைத் துரத்த வேண்டியதாகிவிட்டது.

            தரங்கம்பாடியில் இருந்து புறப்பட்டு பூம்புகார் வந்து சேர்ந்தோம். மாலை 4.00 மணி.

     மதிய உணவினை அதுவரை, யாருமே சாப்பிடாததால், முதல் வேளையாக, சாப்பிடுவதற்காக, பூங்காவினுள் நுழைந்தோம். நான்கு புறமும் சுற்றுச் சுவருடன் கூடிய, பரந்து விரிந்த பூங்கா.

     பூங்காவின் மையத்தில் கலை நயம் மிகுந்த, சிறு வட்ட வடிவ மண்டபம். சிறுவர் சிறுமியர் விளையாட, ஊஞ்சல்கள், சறுக்கு மரங்கள் என பலவித விளையாட்டுச் சாதனங்கள்.

      மாணவ, மாணவியர் பல குழுக்களாக, வட்டம் வட்டமாக, அமர்ந்து, கொண்டு வந்திருந்த, மதிய உணவினை உண்ணத் தொடங்கினர்.

     எங்கிருந்து வந்தது என்றே தெரியவில்லை, சில ஆடுகளும், மாடுகளும், மாணவியர் கூட்டத்தில் திடீரெனப் புகுந்து, உணவுகளைக் கைப் பற்றின.

     மாணவியர் நாற்புறமும் சிதறி ஓடினர். ஆடுகளையும், மாடுகளையும் விரட்டுவதற்குள், பல மாணவியரது, உணவு, மண்ணில் சிதறி, யாருக்கும் பயன்படாமல் போய்விட்டது.

    பூங்காவின் நாற்புறமும் சுற்றுச் சுவர் இருந்தும், ஆடுகளை, மாடுகளை உள்ளே நுழைய விடாமல் தடுப்பார் யாருமில்லை. ஏனெனில். இப்பூங்காவிற்கு நுழைவுக் கட்டணம் கிடையாது.

     இப்பூங்காவிற்கு நேர் எதிரே. அமைந்துள்ள. பூம்புகார் கலைக் கூடத்தைக் காண, பணம் செலுத்தி, நுழைவுச் சீட்டுப் பெற்றாக வேண்டும். நுழைவு வாயிலிலேயே, பணியாளர்கள் ஒன்றுக்கும் மேற்பட்டோர், கண்ணும் கருத்துமாய் பணியாற்றிக கொண்டிருந்தனர்.

      ஆடு, மாடுகளை விரட்டிய சிறிது நேரத்தில், திடீரென்று ஒரே கூச்சலும் குழப்பமும், அவ்விடத்தில் மையம் கொண்டது.

      மாணவியர் சிலர், பாதி உணவில் எழுந்து, மேலும் கீழும் குதித்து, நடனமாடத் தொடங்கினர். காரணம் கம்பளிப் பூச்சுகள்.

      மரங்களில் இருந்து, கொத்து கொத்தாக, கம்பளிப் பூச்சுகள், மாணவியர் மேல் விழத் தொடங்கின.

      பல மாணவிகள் கை, கால்களை உதறி, கம்பளிப் பூச்சுகளைத் தட்டிவிட, ஒரு மாணவி மட்டும், மயங்கித் தரையில் சரிந்தார். அம்மாணவியின் முகம், கை கால் எல்லாம் பட்டை, பட்டையாகத் தடிக்கத் தொடங்கியது.

     அம்மாணவியைத் தூக்கினோம். துவண்டு விழுந்தார். பலமுறை முயற்சித்தும் பலனில்லை.

      மருத்துவ மனைக்குச் சென்றாக வேண்டும். இதோ வருகிறோம் எனக் கூறிவிட்டு, நானும், திரு கோவிந்தராசன் அவர்களும், திரு கோபால் அவர்களும், ஆட்டோவினைத் தேடிப் புறப்பட்டோம்.

      புகழ் பெற்ற சுற்றுலாத் தலமான பூம்புகாரில், ஆட்டோவோ, வாடகைக் காரோ, கண்ணில் தென்படவேயில்லை.

      அரை மணி நேரத் தேடலுக்குப் பிறகு, ஒரு வழியாய், ஒரு ஆட்டோவைக் கண்டு பிடித்தோம். மயக்கமடைந்த மாணவியை ஏற்றிக் கொண்டு, நானும், உடற் கல்வி ஆசிரியர் திரு நடராசனும் புறப்பட்டோம்.

      அப்பொழுது, அம்மாணவியை ஆட்டோவில் ஏற்றும்போது, ஒரு ஆசிரியை, சார், இந்த மாணவி, இதய நோயால் பாதிக்கப் பட்டவர். ஏற்கனவே ஆஞ்சியோ சிகிச்சை மேற்கொண்டவர் என்றார்.

     எங்களது இதயம், சிறிது நேரம் நின்று, மீண்டும் துடிக்கத் தொடங்கியது.

     இன்பச் சுற்றுலா, துன்பத்தின் திசையினை நோக்கிப் பயணித்து விடுமோ என்ற பதட்டம், உடனே, ஓடோடி வந்து, விடாப் பிடியாய் பிடித்துக் கொண்டது.

     அரசு மருத்துவமனைக்குச் சென்றோம். பெண் மருத்துவர். முப்பது வயதிருக்கும். ஏழ்மையான குடும்பத்தில் பிறந்து, தனது சுய முயற்சியால், கல்வியின் மேலுள்ள பற்றுதலால், அயரா முயற்சியால், படித்து, மருத்துவரானவர் என்பது, அவரது தோற்றத்திலேயே தெரிந்தது.

     பயப்படுவதற்கு ஒன்றுமில்லை. கவலைப் படாதீர்கள் என முதலில், எங்களுக்கு ஆறுதலைக கூறி, ஊசி மூலம் மருந்தினை, செலுத்தினார்.

     மாணவியைத் தட்டிக் கொடுத்தார். உனது உடல் சரியாகிவிட்டது. பயப்படாதே என்றார். மாணவி மெதுவாய் கண்களைத் திறந்தார். சிறிது நேரத்தில், தானே எழுந்தும் உட்கார்ந்தார்.

     எங்களுக்குப் போன உயிர், மீண்டும் திரும்பி வந்தது.

           மீண்டும் அதே ஆட்டோவில் திரும்பினோம். வரும் வழியில் ஆட்டோ ஓட்டுநரிடம் கேட்டேன், அரை மணி நேரத்திற்கும் மேலாக, ஆட்டோவினைத் தேடி அலைந்திருக்கிறோம். எத்தனை ஆட்டோக்கள் இங்கு இயங்குகின்றன என்றேன்.

     ஓட்டுநர் கூறிய பதில், அதிர்ச்சியினைத் தந்தது.

     நான் மட்டுமே இங்கு ஆட்டோ ஓட்டுகிறேன். மற்ற ஆட்டோக்கள் எல்லாம், ஊருக்குள்தான் ஓடுகின்றன.

     நம்பவே முடியவில்லை, ஆனால் அதுதான் உண்மை.

     நண்பர்களே, யாரும் ஆட்டோவினை நம்பி, பூம்புகாருக்குப் போய்விடாதீர்கள்.

     மாணவ, மாணவியர் எங்களுக்காக, கவலை தோய்ந்த முகத்துடன் காத்திருந்தார்கள். உடல் நலம் குன்றிய மாணவி, தானாகவே ஆட்டோவில் இருந்து, இறங்குவதைக் கண்டதும், மகிழ்ந்து உற்சாகக் குரல் எழுப்பி, அவரை வரவேற்றனர்.

     பூம்புகார் கலைக் கூடத்தினைப் பார்த்துவிட்டு, கடற்கரை நோக்கி நடக்கத் தொடங்கினோம்.

      வரிசையாகச் செல்லும் மாணவியரைக் கண்டதும். இரண்டு மூன்று இளைஞர்கள், வேறு எங்கோ பார்த்துக் கொண்டு நடப்பது போல், பாவனை காட்டி, இடிப்பது போல் அருகில் வந்தனர்.

      தம்பிகளா, கொஞ்சம் நகர்கிறீர்களா என்று குரலை உயர்த்திக் கூறவும், விலகிச் சென்றனர்.

     பள்ளி மாணவிகளும், குடும்பம் குடும்பமாக, ஆண்களும் பெண்களுமாக, சுற்றுலா பயணிகள், ஆயிரக் கணக்கில், நாள்தோறும் வருகை தரும், தரங்கம்பாடி கடற்கரையிலும், பூம்புகார் கடற்கரையிலும், மருந்துக்குக் கூட, காவலர்களைக் காண இயலவில்லை.

     இவ்விரண்டு கடற்கரைகளிலும், குறைந்தது ஒன்றிரண்டு காவலர்களையாவது, தினம் தினம் பணியில் ஈடுபடுத்தினால், டாஸ்மாக் வாடையோடும், வக்கிர புத்தியோடும் சுற்றித் திரியும், இளைஞர்களை கட்டுக்குள் வைக்க இயலும். சுற்றுலா பயணிகளுக்கும் சுற்றுலாவானது, இன்ப உலாவாக, நினைக்க நினைக்க இனிக்கும் நினைவுகளை அள்ளித் தரும் மகிழ்ச்சி உலாவாக, என்றென்றும் மனதில் நிலைத்திருக்கும்.

    






மாணவர்கள் கடலில் குளித்தே ஆகவேண்டும் என, தங்களின் கட்டுக்கடங்காத ஆவலை வெளிப்படுத்தினர்.

      ஆபத்தான ஆசைதான். ஆசிரியர்களாகிய நாங்கள், கடலில் இறங்கி, வரிசையாக, தடுப்புச் சுவர் போல் நின்று கொண்டு, குளிக்க அனுமதித்தோம்.

       மாணவர்களின் மகிழ்ச்சியைப் பார்க்க வேண்டுமே. ஒரு மணிநேரம், உருண்டு, புரண்டு, ஒருவரை ஒருவர் கட்டித் தழுவி, கீழே தள்ளி விளையாடி, கடல் அலைகளின் அரவணைப்பில் குளித்து மகிழ்ந்தனர்.

      சூரியனானது ஓய்வெடுக்க சிறிது, சிறிதாய் மறையவே, மாணவர்களை அழைத்துக் கொண்டு கரை ஏறினோம்.

      திங்கட்கிழமையன்று, ஆசிரியர்கள் அனைவரும் அமர்ந்து, சுற்றுலா வரவு செலவுகளைக் கணக்கிட்டபோது, செலவுகள் போல ரூ.3000 மீதமிருந்தது.
     


அத்தொகையினைக் கொண்டு, சுற்றுலாவில் கலந்து கொண்ட அனைத்து மாணவ, மாணவியருக்கும், ஒரு அருமையான பேனாவினையும், சுற்றுலாவின் போது எடுக்கப்பட்ட புகைப்டங்களையும் வழங்கினோம்.

              நண்பர்களே, ஓரிரு சங்கடங்கள் ஏற்பட்ட போதிலும், இந்த ஒரு நாள் சுற்றுலாவானது, மகிழ்ச்சி நிறைந்ததாக, மாணவர்களின் ஆடல், பாடல், கொண்டாட்டங்களோடு, இனிய சுற்றுலாவாகவே அமைந்தது.

      சுற்றுலா முடிந்து, பள்ளிக்குத் திரும்பியபோது இரவு மணி 10.00 ஆகிவிட்டது. மாணவ, மாணவியரின் பெற்றோர்கள் பள்ளியில் காத்திருந்து தங்களது பிள்ளைகளை வீட்டிற்கு அழைத்துச் சென்றனர்.

      மாணவ மாணவியர் ஒவ்வொருவராக எங்களிடம் விடைபெற்று, பெற்றோருடன் புறப்பட்டபோது, ஒரு மாணவன், தயங்கித் தயங்கி அருகில் வந்தான், பிறகு மெதுவாக ஒரு கேள்வியைக் கேட்டான்.

சார் அடுத்த டூர் எப்போது?



        



      

      



   



100 கருத்துகள்:

  1. பயணங்களில் சந்தோஷங்களும் உண்டு சங்கடங்களும் உண்டு.. இரு பக்கத்தையும் அழகாய் பதிவு செய்திருக்கிறீர்கள்.. படங்கள் சுவை சேர்க்கின்றன

    பதிலளிநீக்கு
  2. அருமையாக சுற்றுலா அனுபவத்தை பகிர்ந்து அதில் ஏற்பட்ட கசப்பான விசயங்களை பகிரந்தமைக்கு நன்றி நண்பரே..
    தமிழ் மணம் இணைப்புடன் 1

    நண்பரே அடுத்த சுற்றுலா எப்போது ?

    பதிலளிநீக்கு
  3. வணக்கம்
    ஐயா.

    மாணவர்களை மகிழ்விக்கும் நிகழ்வு... சுற்றுலாப்பயணம் இனிதாக நிறைவடைந்தமைக்கு வாழ்த்துக்கள்.. ஐயா
    -நன்றி-
    -அன்புடன்-
    -ரூபன்-

    பதிலளிநீக்கு
  4. வணக்கம்
    ஐயா.

    த.ம 2வது வாக்கு
    பதிவை படித்த போது நாங்களும் சென்று வந்த உணர்வு....
    -நன்றி-
    -அன்புடன்-
    -ரூபன்-

    பதிலளிநீக்கு
  5. நடுநடுவே திகில் அனுபவங்களும், வீர சாகசங்களும் இருந்தாலும் ரசனைக்குரிய சுற்றுலாவாக இருந்திருக்கும் என்பதில் ஐயமில்லை.

    உங்கள் மாணவ மணிகள் எதிர்வரும் பொதுத் தேர்வில் சிறந்த முறையில் வெற்றி பெற எங்கள் வாழ்த்துகளும், பிரார்த்தனைகளும்.

    பதிலளிநீக்கு
    பதில்கள்
    1. வீர சாகசங்கள் ஏதுமில்லை நண்பரே
      இன்றைய இளைஞர்கள் தனித் தனியாக இருக்கும் வரை பிரச்சினை இல்லை, ஆனால் அவர்களே இரண்டுக்கும் மேற்பட்டவர்கள் சேர்ந்துவிட்டாலோ, எஙகிருந்தோ ஒரு அசட்டுத் துணிச்சல் வந்துவிடுகிறது, அதனால் ஏற்படும் இடைஞ்சல்கள் மற்றவர்களுக்குத்தானே....
      மற்றபடி ரசனைக்குரிய மகிழ்ச்சியான சுற்றுலாதான்
      தேர்வில் வெற்றி பெற வாழ்த்தியமைக்கு நன்றி நண்பரே

      நீக்கு
  6. கூடவே நானும் சுற்றுலாவுக்கு வந்தது போன்று இருந்தது.

    சுப்பு தாத்தா.

    பதிலளிநீக்கு
  7. அனுபவங்களை மிக அருமையாக எழுதியிருக்கிறீர்கள்!
    ஒரு சந்தேகம். பேரளம் வந்ததாக எழுதி விட்டு, கல்விக்கடவுளை வணங்கியதாக மட்டும் குறிப்பிட்டிருக்கிறீர்கள். கூத்தனூரைப்பற்றி எதுவும் குறிப்பிடவில்லை. கூத்தனூர் எங்கு இருக்கிற‌து?

    பதிலளிநீக்கு
    பதில்கள்
    1. கூத்தனூர் பேரளத்திலேயே இருக்கிறது சகோதரியாரே
      பேரளத்தில் ஒரு ஆற்றுப் பாலம் இருக்கிறது, அந்த ஆற்றுப் பாலத்தில் இருந்து, ஒரு பாதை பிரிந்து, ஆற்றின் திசையிலேயே செல்லும், அப்பதையில் சென்றோமானால், சிறிது தூரத்திலேயே கூத்தனூர் சரசுவதி கோயில் உள்ளது.
      திருவாரூர் பேரூந்து நிலையத்தில் இருந்து, வந்தாலும் சரசுவதி கோயிலை எளிதில் அடையலாம்
      நன்றி சகோதரியாரே

      நீக்கு
  8. சுற்றுலா என்றால் இன்பம்தான்! சில சங்கடங்கள் ஏற்பட்டபோதும் மாணவர்களின் மகிழ்ச்சிக்கு வழி செய்து சிறப்பான பயண அனுபவத்தை பகிர்ந்து கொண்டமை சிறப்பு! டாஸ்மாக் எங்கும் நிறைந்திருக்கின்றது போல! ஒரு பாதுகாப்பிற்காக சொல்கிறேன்! மாணவிகளின் புகைப்படங்கள் பகிர்வதை தவிர்த்து இருக்கலாம் என்று நினைக்கிறேன்! நன்றி!

    பதிலளிநீக்கு
    பதில்கள்
    1. தாங்கள் கூறுவது உண்மைதான் நண்பரே
      இனி வரும் பதிவுகளில், மாணவிகளின் படங்களைத் தவிர்க்கின்றேன்.
      நன்றி நண்பரே

      நீக்கு
  9. அந்த கடைசி மாணவனின் கேள்வியையே நானும் கேட்கிறேன் }
    த ம +1

    பதிலளிநீக்கு
  10. சுற்றுலாவின் எல்லா நிகழ்வுகளையும் மகிழ்வானவற்றையும் சிரமங்களையும் அக்கறையுடன் விவரமாக எழுதியுள்ளீர்கள்.

    பதிலளிநீக்கு
  11. என் இனிய நண்பர் ஜெயக்குமார் அவர்களுக்கு,
    இன்பச் சுற்றுலா படித்து இன்புற்றேன். இந்தச் சுற்றுலா மாணவர்களின் இதயத்தை மகிழ்ச்சியால் நிரப்பி விட்டதை நான் நேரில் பார்த்து இரசித்தேன். அடுத்த டூர் விரைவில் நடக்க வேண்டும் என்று நான் ஆவலாக இருக்கிறேன்.

    பதிலளிநீக்கு
    பதில்கள்
    1. இச்சுற்றுலாவில் தாங்களும் கலந்து கொண்டிருந்தீர்களேயானால்,
      மேலும் மகிழ்ச்சியாக இருந்திருக்கும்
      நன்றி நண்பரே

      நீக்கு
  12. இனிய சுற்றுலா!.. தங்களுக்கு நேர்ந்த சங்கடங்களைப் படிக்கும் போது மனம் பதைத்தது.. இந்த சுற்றுலா - பலவித பாடங்களைத் தந்திருக்கின்றது.. நல்லபடியாக தஞ்சை வந்து சேர்ந்ததற்கு இறைவனுக்கு நன்றி..

    பதிலளிநீக்கு
  13. கல்விச் சுற்றுலா பேரானந்தம்
    கல்விச் சுற்றுலா பேராபத்து
    இரண்டும் இணைந்த ஒரு வழிப் பாதை என்பதை
    அழகுற விளக்கிய நல்ல பதிவு!
    கவலையற்க கரந்தையாரே!
    மாணவ மாணவியர் அனைவரும் தேர்வு முடிவில் சதம் அடித்து சாதனையை பெற்றுத் தருவார்கள்! (இந்த பயணம் அதனை பெற்றுத் தர வாழ்த்துகிறேன்)
    நட்புடன்,
    புதுவை வேலு
    www.kuzhalinnisai.blogspot.com

    பதிலளிநீக்கு
    பதில்கள்
    1. மாணவ மாணவிகளை வாழ்த்தியமைக்கு நன்றி நண்பரே

      நீக்கு
  14. நல்ல சுற்றுலா. வாழ்வில் கஷ்டங்கள் இல்லாமல் சுகம் மட்டுமே இருந்தால் நாம் கடவுளை மறந்து விடுவோம்.

    சரஸ்வதி துதியில் ஒரு திருத்தம், திருத்தப்பட்ட ஸ்லோகம் இங்கே.

    சரஸ்வதி நமஸ்துப்யம் வரதே காமரூபிணி
    வித்யாரம்பம் கரிஷ்யாமி சித்திர்பவது மே சதா

    ரொம்ப எளிமையான சுலோகம். ஒவ்வொரு சொல்லாகப் படித்துக் கொண்டு வந்தாலே பொருள் புரிந்துவிடும்.

    சரஸ்வதி - தேவி சரஸ்வதி!

    நம: துப்யம் = நமஸ்துப்யம் - உனக்கு நமஸ்காரங்கள்.

    வரதே - வரம் தருபவளே!

    காமரூபிணி - வேண்டியவற்றைத் தருபவளே!

    வித்யா ஆரம்பம் = வித்யாரம்பம் - கல்வித் தொடக்கத்தை

    கரிஷ்யாமி - செய்கிறேன்

    சித்தி: பவது மே சதா - அனைத்தும் அடியேனுக்குச் சித்தி ஆகட்டும்!

    பதிலளிநீக்கு
    பதில்கள்
    1. வகுப்பிலே இப்பாடலினை மாணவியர் பாடும் பொழுது, இப்பாடலின் பொருள் தெரியுமா என பலமுறை கேட்டிருக்கின்றேன். ஆனால் யாருக்கும் தெரியவில்லை .
      இன்று தங்களால் இச்சுலோகத்தின் பொருள் அறிந்தோம்
      மாணவிகளிடமும் தங்களின் கருத்துரையினைக் காட்டி , பொருளினையும் விளக்கியுள்ளேன்
      நன்றி ஐயா

      நீக்கு
  15. நல்ல முயற்சி
    இடையிடையே சொல்லிப் போன
    அந்த "அந்த மாணவர்களின் "செயல்கள்
    அதிக மனம் வருத்தம் தந்தது

    ஒரு சொல்தான் ஆயினும்
    முடித்த விதம் உல்லாச பயணத்தின்
    வெற்றியைத் தெளிவாகச் சொன்னது

    படங்களுடன் பகிர்வு அருமை
    பகிர்வுக்கும் தொடரவும் நல்வாழ்த்துக்கள்

    பதிலளிநீக்கு
    பதில்கள்
    1. தங்களின் வரவு மிகுந்த மகிழ்வினை அளிக்கிறது ஐயா
      நன்றி

      நீக்கு
  16. பதிவைப் படித்ததும்.... சிறு வயதில் பள்ளியில் சென்ற ஞாபகம் வந்து வி்ட்டது. அதெல்லாம் ஒரு கனாக்காலம்.
    த.ம. 7

    பதிலளிநீக்கு
    பதில்கள்
    1. ஆம் சகோதரியாரே
      அது ஒரு இனிமையான கனாகாலம்தான்
      நன்றி சகோதரியாரே

      நீக்கு
  17. வாழ்க்கையில் எத்தனை வருடங்களைக் கடந்தாலும் இந்த நாளின் பலதரப்பட்ட அனுபவம் அந்த மாணவ மாணவிகளுக்கு ஒருநாளும் மறக்காது. படிப்பு படிப்பு என்றிருக்கும் வேளையில் மனத்தின் அழுத்தம் குறைக்க இடையிடையே இதைப்போன்ற மாற்று தேவைதான். அதற்கா முயற்சித்தமைக்கும் மாணவக்கண்மணிகளை பொறுப்பாக அழைத்துச்சென்று வந்ததற்கும் ஆசிரியர்களுக்கு மனமார்ந்த பாராட்டுகள்.

    பதிலளிநீக்கு
    பதில்கள்
    1. உண்மைதான் சகோதரியாரே
      எத்துனை வருடங்கள் கடந்தாலும், இந்நாள் நினைவுகள்.
      அழியாத கோலங்கலாள், என்றென்றும் நிலைத்திருக்கும்
      நன்றி சகோதரியாரே

      நீக்கு
  18. Dear mr Jayakumar,your contibution to the younger generation is excellent.I had mentioned about my mission in life and keep on demonstrating now and then.On your way from Thanjavur to Koothanur and beyond you could have spent few minutes at sannanallur where a great history being inacted.Nevertheless I request you to make this trip firstly in a travel car with 4-5 teachers via Nannilam and spend some time at the Inspirational Park.I contribute 50% of the entire expenditure.Later if it is worth bring the childern only 15years and above.If possible please contact Mr. Thangamuthu an artiest residing at gnanam nagar,Mariammankoil,Thanjavur.Tel 04362-267488.,9159582467.Thank you.

    பதிலளிநீக்கு
    பதில்கள்
    1. வணக்கம் ஐயா
      சன்னா நல்லூர் பூங்கா பற்றி தாங்கள் ஏற்கனவே குறிப்பிட்டுள்ளீர்கள் ஐயா.
      இச்சுற்றுலாவினை திடீரென்று ஏற்பாடு செய்ததால், இங்கு செல்ல இயலாமல் போய்விட்டது
      விரைவிலேயே சென்று வருவேன் ஐயா
      நன்றி

      நீக்கு
  19. இனிய சுற்றுலா... மாணவ மாணவியர்களின் மனதில் என்றும் மறக்காதாது...

    பதிலளிநீக்கு
    பதில்கள்
    1. என்றென்றும் மறக்க இயலாத சுற்றுலாதான்
      நன்றி நண்பரே

      நீக்கு
  20. இளைஞர்களோ (மாணவர்களோ) யாரானாலும் அவர்கள் செயல் வெறுக்கத் தக்கது! வழக்கமான உங்கள் எழுத்தின் நடை சிறப்பே!

    பதிலளிநீக்கு
  21. சரஸ்வதி தரிசனம் ..வேண்டுதல் நிலாசோறு வயல்வெளி உணவு..இளைஞர்களின் சேட்டை..பஞ்சாத்து....கம்பளிப்பூச்சு ...மாணவி மயக்கம்... ஆட்டோ விபரம்.. கடல்குளியல்..குருப் போட்டோ ஒரு திரைப்படம் பார்த்தது போல் விறுவிறுப்பாக மகிழ்ச்சியுடன் சென்றது தங்கள் கட்டுரை!


    எம்பள்ளி மாணவிகள் அனைவரும் தேர்வில் தேர்ச்சி பெற நானும் அன்னை சரஸ்வதி தேவியை வேண்டுகிறேன்.

    மீண்டும் எப்போசார் டூர்

    பதிலளிநீக்கு
    பதில்கள்
    1. தங்களின் வேண்டுதலுக்கு நன்றி நண்பரே

      நீக்கு
  22. very good experiences of sharing..with nice potos description..Gud teachers always inspiration to students....up to life long

    பதிலளிநீக்கு
  23. மிக்க மகிழ்ச்சியாக இருந்து ஐயா

    பதிலளிநீக்கு
  24. //சார் அடுத்த டூர் எப்போது?//

    சில பல கஷ்டங்களுக்கு நடுவிலும் இனிமையான சுற்றுலா.
    வாழ்த்துக்கள்...

    பதிலளிநீக்கு
  25. அருமையான சுற்றுலா. மாணவ மாணவியருக்கு னல்ல மனதை தேர்வு தளர்ச்சியிலிருந்து விலகி மகிழ்வாக வைத்திருக்க உதவும் புத்துணர்வு தரும் ஒன்று.

    துயர சம்பவங்கள் நடந்தாலும், நீங்காத நினைவு பெற்ற ஒன்று என்பது இறுதியில் ஒரு மாணவன் வந்து கேட்டாரே "அடுத்த சுற்றுலா எப்போது" என்று அதுவே உங்களின் வெற்றிதான்.....உங்கள் முயற்சிகள் எல்லாவற்றிற்கும் பாராட்டுக்கள், வாழ்த்துக்கள் நண்பரே!

    பதிலளிநீக்கு
  26. இந்த மாதிரி சுற்றுலாக்களுக்கு அனுப்பப் பெற்றோர்மிகவும்தயக்கம் காட்டுவதன் காரணம் புரிந்திருக்குமே. ஆட்டோவுக்குச் சுற்றி அலைந்ததைவிட நீங்கள் சென்ற பேரூந்திலேயே செல்லலாம் என்று தோன்றவில்லையா.?பகிர்வுக்கு நன்றி.

    பதிலளிநீக்கு
    பதில்கள்
    1. நாங்கள் சென்ற பேருந்து, மாணவி மயக்கமைடைந்திருந்த, பூங்காவில் இருந்து அரை கி.மீ தொலைவில் நின்றிருந்தது ஐயா
      மேலும் அவ்விடத்தினைத் தாண்டி பேருந்துகள் செல்ல இயலாத வகையினில் தடுப்புகளையும் அமைத்திருந்தனர். எனவே பேருந்தில் செல்வதானால், அந்த அரை கீ.மீ தூரமும், மாணவியை தூக்கிக் கொண்டுதான் செல்ல வேண்டும்
      எனவேதான் ஆட்டோவைத் தேடினோம்
      வருகைக்கும் கருத்திற்கும் நன்றி ஐயா

      நீக்கு
  27. நானும் சுற்றுலாவுக்கு வந்தது போன்று இருந்தது. அருமையன பதிவு.

    பதிலளிநீக்கு
  28. அன்பின் சகோ,
    அடுத்தவர்களுக்கு மகிழ்ச்சியை மட்டுமே தர நினைக்கும் உமக்கு அப்பப்ப சிறு இடையூறுகளும் உண்டு போல. மாணவர்களின் மகிழ்ச்சியால் உங்கள் உள்ளம் நிறைந்தால் அது அடுத்த சுற்றுலா தான். ஆபத்து எதில் தான் இல்லை, நம்பிக்கை உண்டே,,,,,,,,,,, சிறு துன்பத்திற்கு நடுவிலும் இன்பம் தான்.


    பதிலளிநீக்கு
    பதில்கள்
    1. துன்பங்களும், தடங்கள்கலும் அனைத்திலுமதான் உள்ளனவே
      எப்படியாகினும் சுற்றுலா இனிமையாகத்தான் அமைந்திருந்தது
      நன்றி சகோதரியாரே

      நீக்கு
  29. தம +1 ஏனெனில் அடுத்து அதுதானே அய்யா
    பயண மகிழ்ச்சியுடன் வரவுள்ள தேர்வில் வென்றிட வாழ்த்துவோம்.

    பதிலளிநீக்கு
  30. சங்கடங்கள் சில வந்தாலும் சந்தோஷமான பயணம் ஐயா...
    மாணவர்கள் மகிழ்ச்சி ஒன்றே போதுமே...

    பதிலளிநீக்கு
  31. மாணவர்களுக்கு கல்வியுடன் கூடிய சிறந்த அனுபவ உணா்வு.
    வாழ்த்துக்கள். தோ்வில் நல்ல மதிப்பெண் பெற வாழ்க வளமுடன்.

    பதிலளிநீக்கு
  32. சுற்றுலாவும் வெளி உலகக்கல்விதானே/(அனுபவக்கல்வி)

    பதிலளிநீக்கு
  33. சுற்றுலாவே ஒரு அனுபவம். அந்த அனுபவத்தை மிகவும் சிறப்பாகப் பகிர்ந்துள்ளீர்கள். பல சிரமங்கள் இருந்தாலும் சுற்றுலாவில் கிடைக்கும் மகிழ்ச்சிக்கு அளவேயில்லை.

    பதிலளிநீக்கு
    பதில்கள்
    1. உண்மைதான்
      அளவற்ற மகிழ்வினை அள்ளி அளித்த சுற்றுலாதான்
      நன்றி ஐயா

      நீக்கு
  34. மன அழுத்தம் குறைய என்று சுற்றுலா சென்றால், மனத்தை அதிர்ச்சியாக்கும் அனுபவங்கள். எப்படியோ எந்த இடையூறும் இல்லாமல் நல்ல விதமாகவே சுற்றுலா அமைந்தது குறித்து மிக்க மகிழ்ச்சி.
    ” சார் அடுத்த டூர் எப்போது?” – யோசிக்க வேண்டிய விஷயமாக இன்றைய சூழ்நிலை உள்ளது.

    த.ம.12

    பதிலளிநீக்கு
    பதில்கள்
    1. சுற்றுலா மகிழ்ச்சியாகத்தான் அமைந்தது
      நன்றி ஐயா

      நீக்கு
  35. திரு டி.என்.முரளிதரன் - மூங்கில் காற்று

    உண்மையில் தேர்வேழுதப் போகும் மாணவர்களுக்கு அற்புதமான மன மகிழ்ச்சியை உண்டாக்கி விட்டீர்கள் இந்தப் புத்துணர்வு தேர்வில் நிச்சயம் பிரதிபலிக்கும்.
    சுற்றுலா செல்வதில் சிக்கல்கள் பல உள்ளன.பெரும்பாலும் அனுமதி வழங்கப் படுவதிலை
    வகுப்பறை தாண்டி உலகை நோக்க சுற்றுலாவைத் தவிர வேறு எதுவும் சிறந்ததில்லை . வாழ்த்துக்கள்.

    பதிலளிநீக்கு
    பதில்கள்
    1. பெரும்பாலான மாணவ மாணவிகள் , பள்ளி தாண்டி எங்கும் சென்றறியாதவர்கள் ஐயா. சுற்றுலா என்று ஒன்று இல்லாவிட்டால், இவர்களது உலகமே சின்னஞ்சிறு வட்டத்திற்குள் சுருங்கிவிடும்.
      நன்றி ஐயா

      நீக்கு
  36. அருமையான படங்கள். வாழ்வு போலவே சுற்றுல்காஅவிலும் இன்பமும் துன்பமுமா.
    எப்படியோ நல்லபடியாகச் சமாளித்து அன்பு மிகுந்த ஆசிரியர்களாக காப்பாற்றி அழைத்துவந்திருக்கிறீர்கள். அருமை.

    சரஸ்வதி துதியை அருமையாகத் திருத்திக் கொடுத்த ஐய்யா அவர்களுக்கு நன்றி..

    பதிலளிநீக்கு
    பதில்கள்
    1. நன்றி சகோதரியாரே
      சரசுவதி துதியை மாணவிகள் இது நாள் வரை அர்த்தம் தெரியாமல்தான் பாடி வந்தனர்,இன்று ஐயா மூலம்தான் அப்பாடலின் பொருளினை உணர்ந்தோம்

      நீக்கு
  37. இனிய சுற்றுலாவாக அமைந்திருக்கும் என்பதனை பதிவை படிக்கும் போது உணரமுடியுது ஐயா. ஆட்டோ இல்லாத நிலையை நினைக்கும் போது இனி பூம்புகார் போவதா என்று நினைக்கவைக்கின்றது.

    பதிலளிநீக்கு
  38. பலவித அனுபவங்கள் அடங்கிய அழகான சுற்றுலா. மாணவிநலமாக இருப்பார் என நினைக்கிறேன். மாணவ மாணவிகளுக்கு சுற்றுலா புத்துணர்ச்சியும், நினைக்கும் போதேல்லாம் இன்பமும் தரும் காலம் கடந்தும்.
    நான் பள்ளியில் படிக்கும் போது வருட வருடம் சுற்றுலாவிற்கு பேர் கொடுத்து விடுவேன். மகிழ்ச்சியான தருணங்களை இழக்க கூடாது மாணவ, மாணவியர்கள். மாணவ, மாணவியர்கள் நல்மதிப்பெண் பெற வாழ்த்துக்கள்.

    பதிலளிநீக்கு
    பதில்கள்
    1. காலம் பல கடந்தாலும் நினைக்கும் பொழுதெல்லாம் இன்பம் தருவது இச்சுற்றுலா நினைவுகள்தான் சகோதரியாரே
      நன்றி

      நீக்கு
  39. சுற்றுலா மாணவர்களுக்கு அவசியமான ஒன்று. பிரச்சனைகளை எதிர்கொண்டு மாணவர்களை வழிநடத்தி நாளினைச் சிறப்பாகக் கொண்டு சென்றிருக்கிறீர்கள். மாணவ மாணைவியர் நன்றாகத் தேர்வு எழுத வாழ்த்துகள்!

    பதிலளிநீக்கு
  40. நான் சுற்றுலாவிற்கு வரவில்லையே என்ற சிறு வருத்தம் இருந்தது அதை தங்களது கட்டுரை நிறைவு செய்துவிட்டது.மிக்க நன்றி.

    பதிலளிநீக்கு
  41. நான் சுற்றுலாவிற்கு வரவில்லையே என்ற சிறு வருத்தம் இருந்தது அதை தங்களது கட்டுரை நிறைவு செய்துவிட்டது.மிக்க நன்றி.

    பதிலளிநீக்கு
  42. அருமையான சுற்றுலா அனுபவம். நாங்கள் சென்று வந்ததை நினைவுபடுத்தியது...

    பதிலளிநீக்கு
  43. உணர்வுபூர்வமான, நெகிழ்ச்சியான மற்றும் மறக்கமுடியாட பதிவு ஆசிரியர் அவர்களே. வாழ்த்துக்கள்.

    sattia vingadassamy

    பதிலளிநீக்கு
  44. மகிழ்வுடன் ஓர்நாள் மனதிலே நின்றது

    பழைய நினைவுகள் ஒருநொடி வந்துபோனது அருமை நண்பரே
    இதுவும் கற்பித்தல்தான் வாழ்த்துக்கள்

    பதிலளிநீக்கு
  45. தேர்வு நேரங்களில் மாணவர்களுக்கு ஏற்படும் மன அழுத்தத்தை தளர்த்தும் விதமாக நீங்கள் ஏற்பாடு செய்த இன்ப சுற்றுலா குறித்த தகவல்கள் அருமை. இடையிடையே ஏற்பட்ட சில விரும்பத்தகாத நிகழ்வுகள் கவலை அளித்தாலும் மாணவனின் கடைசி கேள்வி அவர்கள் எந்த அளவிற்கு ரிலாக்ஸ்டாக வீடு திரும்பினர் என்பதை காட்டுகிறது.
    மீய்ஹா தொகைளில் பரிசு பொருள் அதுவும் எழுகோல் மற்றும் இன்ப சுற்றுலாவின் இனிய நினைவுகள் தாங்கிய புகைப்படங்கள் -பாராட்டுக்குரிய பதிவு.

    ஆமாம் அடுத்த பயணம் எப்போது சார்?

    நட்புடன்

    கோ

    பதிலளிநீக்கு
  46. அது என்னமோ அய்யா....உங்கள் பதிவை படித்ததும் நானே உங்களுடன் பள்ளியில் படிக்கும் மாணவனாக சுற்றலாவில் கலந்துக் கொண்டது போல் இருந்தது.

    இச் சிறு சுற்றுலாவில் நிறைய கஷ்டங்களை அனுபவித்து இருக்கின்றீர்கள். குடியினால் ஒரு நிலை தடுமாறிய சமூகத்தை நாம் வளர்த்துக் கொண்டு இருக்கின்றோம்.

    தங்கள் மாணவ மாணவியர் அனைவரும் வரும் தேர்வில் வெற்றி பெற வாழ்த்துகள்!.

    பதிலளிநீக்கு
    பதில்கள்
    1. வருகைக்கும் வாழ்த்தியமைக்கும்
      நெஞ்சார்ந்த நன்றி ஐயா

      நீக்கு
  47. அன்பின் அருந்தகையீர்!
    வணக்கம்!
    இன்றைய...
    வலைச் சரத்திற்கு,
    தங்களது தகுதி வாய்ந்த பதிவு
    சிறப்பு செய்துள்ளது!
    வருக!
    வலைச்சரத்தில் கருத்தினை தருக!
    http://blogintamil.blogspot.fr/
    நட்புடன்,
    புதுவை வேலு

    பதிலளிநீக்கு
  48. வலைச்சர அறிமுக வாழ்த்துக்கள்...

    இணைப்பு : http://blogintamil.blogspot.in/2015/03/blog-post_17.html

    பதிலளிநீக்கு
  49. இனியதோர் பயணத்தினிடையே சிறு சிறு சங்கடங்களும் சோதனைகளும் ஏற்பட்டிருப்பினும், சாமர்த்தியமாக அவற்றைச் சமாளித்து வெற்றிகண்டு திரும்பியுள்ளது படிக்க மகிழ்ச்சியாக உள்ளது. பகிர்வுக்கு நன்றிகள், ஐயா.

    பதிலளிநீக்கு
  50. சற்று வித்தியாசமான பயணம்...பயணக் கதையை சொல்லிய முறை நன்று...உடுவை

    பதிலளிநீக்கு

அறிவை விரிவு செய், அகண்ட மாக்கு, விசாலப் பார்வையால் விழுங்கு மக்களை, அணைந்து கொள், உன்னைச் சங்கம மாக்கு, மானிட சமுத்திரம் நானென்று கூவு