--------. கடந்த
வாரம் --------
உண்மையின்
உறைவிடமாய் விளங்கிய உமாமகேசுவரனாருக்கும், மாவட்ட துணை ஆட்சியாளருக்கும், ஒரு
விசயத்தில் கருத்து வேறுபாடு ஏற்படவே, தன் வேலையே வேண்டாமென்று உதறித் தள்ளினார்.
-------------------------------
பின்னர் சென்னை சென்று, சென்னைச் சட்டக்
கல்லூரியில் சேர்ந்தார். சட்டப் படிப்பினை வெற்றிகரமாக முடித்த உமாமகேசுவரனார்,
கரந்தை திரும்பி, அந்நாளில் சிறந்து விளங்கிய வழக்கறிஞர் கே.சீனிவாச பிள்ளை
என்பாரிடம் சேர்ந்து, வழக்கறிஞர் பயிற்சி பெற்றார். சில ஆண்டுகளிலேயே சட்ட
நுணுக்கங்களைக் கற்றுத் தேர்ந்து, தனியே வழக்குரைஞர் தொழிலைச் செய்யத்
தொடங்கினார்.
உமாமகேசுவரனார் வழக்கறிஞர் தொழிலைத்
தொடங்கியபோது, ஒருசில தமிழர்களே வழக்கறிஞர்களாய் இருந்தனர். ஏ.டி.பன்னீர்
செல்வர், ஐ.குமாரசாமி பிள்ளை, மருத முத்து மூப்பனார், அழகிரி சாமி நாயுடு, எம்.வேங்கடாசலம்
பிள்ளை என விரல் விட்டு எண்ணிவிடலாம்.
பெயர்ப் பலகைக் கூடத் தொங்க விடாமல்,
ஏறத்தாழ முப்பத்தியிரண்டு ஆண்டுகள், திறம்பட வழக்கறிஞராயய் பணியாற்றியவர்
உமாமகேசுவரனார்.
இடையறா உழைப்பு, உண்மைக்காகவும்,
நேர்மைக்காகவும் மட்டுமே வாதிடும் உயரிய குணம், அச்சம் என்பதை என்னவென்றே அறியாத
உள்ளம் இவையே வழக்கறிஞர் உமாமகேசுவரனாரின் பண்புகளாகும்.
எக்கட்சிகாரரிடமும் வழக்காடுவதற்கு உரிய
தொகை இவ்வளவு என ஒருபோதும் கூறமாட்டார். பணம் கொடுக்க இயலாத ஏழ்மை நிலையில் உள்ளவர்களுக்காக,
எவ்விதத் தொகையும் பெறாமல் வழக்காடி வெற்றி தேடித் தருவார்.
இவ்வாறான தன்மைகளால் அன்றைய ஆங்கிலேய
அரசாங்கத்திற்கும் நம்பிக்கையானவராகத் திகழ்ந்தார். இதனாலேயே அரசு கூடுதல்
வழக்கறிஞர் பதவியும் இவரை நாடி வந்து பெருமையடைந்தது.
இத்தகு பெருமை வாய்ந்த, தகுதி வாய்ந்த, தனது
சகோதரரைத்தான், கரந்தைத் தமிழ்ச் சங்கத்தின் தலைவராக்க இராதாகிருட்டினன் உளம்
கொண்டார். தனது சகோதரரை, நண்பர்களோடு சேரந்து சென்று சந்தித்து, கரந்தைத் தமிழ்ச்
சங்கத்தின தலைமைப் பொறுப்பினை ஏற்றிட ஒப்புதலைப் பெற்றார்.
இவ்வாறாக, கரந்தைத் தமிழ்ச் சங்கம் தோற்றம்
பெற்றிட, அனைத்து நிலைகளிலும் அயராது உழைத்தமையால் இராதாகிருட்டினனை சங்கம்
நிறுவிய துங்கன் என அனைவரும் போற்றலாயினர்.
கரந்தைத் தமிழ்ச் சங்கம்
![]() |
நாவலர் ந.மு.வே |
கரந்தைத் தமிழ்ச் சங்கத்தின் தொடக்க விழா நடைபெற்ற கந்தப்ப செட்டியார் சத்திரம் இன்று பாழடைந்த நிலையில் |
ஆதரிப்பாளர்கள்
அரித்துவார
மங்கலம், பெருநிலக் கிழார்,
பெருவள்ளல் வா.
கோபாலசாமி இரகுநாத இராசாளியார்
ஆண்டிப்பட்டி,
பெருநிலக் கிழார்,
பெருவள்ளல் சா.ராம.ழ.சித.
பெத்தாச்சி செட்டியார்
சபைத் தலைவர்
திரு த.வே.
உமாமகேசுவரம் பிள்ளை
உதவி சபைத் தலைவர்
மோகனூர் ஆர்.
வேங்கடாசலம் பிள்ளை
காரியதரிசி
திரு பி.கல்யாண
சுந்தரம் பிள்ளை
உதவிக் காரியதரிசி
திரு
கோவிந்தசாமி பிள்ளை
பொருளாளர்
திரு எஸ்.
தட்சிணாமூர்த்தி பிள்ளை
விகிதர்
திரு அ. கணபதி
பிள்ளை
அங்கத்தினர்கள்
திரு
த.வே.இராதாகிருட்டின பிள்ளை
திரு
பா.சிவகுருநாத பிள்ளை
திரு ஆர்.
கிருட்டினசாமி பிள்ளை
திரு ஜி. மாது
சாமி வன்னியர்
திரு டி.கே.
இராமசாமி பிள்ளை
திரு மகா தேவ
ராவ்
திரு கி. நாக
பிள்ளை
திரு
பி.வேங்கடாசலம் பிள்ளை
திரு அயில்
செட்டியார்
பட்டுக்கோட்டை
திரு வி. நாராயண சாமி பிள்ளை
பட்டுப் கோட்டை
திரு துரைசாமி நாயுடு
கரந்தை திரு
முருகேசன்
கௌரவ அங்கத்தினர்கள்
திரு சேதுராம
பாரதியார்
திரு
அர்.சுப்பிரமணிய அய்யர்
திரு
உ.நா.அப்பாசமி அய்யர்
திரு ஐ.சாமிநாத
முதலியார்
திரு எல்.உலகநாத
பிள்ளை
திரு சோமநாத
ராவ்
திரு
மு.வேங்கடசமி நாட்டார்
திரு ஜோசப்
பிள்ளை
திரு
வீ.சுப்பராய பிள்ளை
திரு பழனி வேலு
பிள்ளை
திரு ஆ.வை.
இராமசாமி பிள்ளை
திரு மரு.குப்பு
சாமி பிள்ளை
திரு நா.அ.மு.
திருவேங்கடம் செட்டியார்
திரு இராமசாமி
வன்னியர்
திரு சிவஞானம்
பிள்ளை
திரு
மு.ஆப்பிரகாம் பண்டிதர்
உக்கடை திரு
பாப்பா நாடு சமீன்தார்
திரு வி.ஏ.
வாண்டையார்
கரந்தைத் தமிழ்ச் சங்கம் தொடங்கப் பெற்ற
பிறகு, வித்தியா நிகேதனம் சரியாக செயல்படாது போயிற்று. ஆயினும் வித்தியா நிகேதனத்தின் தலைவர் இராசாளியார்
அவர்கள், கரந்தைத் தமிழ்ச் சங்கத்தின் பேரில், எவ்வித மன வருத்தமும் அடையாது, வேண்டும்
உதவிகளைச் செய்து வந்தார்.
கரந்தைத் தமிழ்ச் சங்கத்தின் சார்பில் திங்கள்
தோறும் கூட்டங்கள் நடத்துவதென்றும், ஆண்டுதோறும் ஆண்டு விழாக்கள் நடத்துவதென்றும்
தீர்மானிக்கப்பெற்றது.
மக்கள் வேற்று மொழிச் சொற்கள் கலக்காத தூய
தமிழில் பிழையின்றிப் பேசுமாறும், எழுதுமாறும் செய்வதே கரந்தைத் தமிழ்ச்
சங்கத்தின் முதல் குறிக்கோள் ஆயிற்று. தமிழகத்தின் தெருக்களில் தமிழ்தான் இல்லை
என்னும் இழி நிலையினைப் போக்க வேண்டும் என்பதற்காகக், கரந்தைத் தமிழ்ச்
சங்கம் வரிந்து கட்டிக் கொண்டு களத்தில்
இறங்கியது.
ஆண்டுதோறும் நடைபெற்ற ஆண்டு விழாக்களில்,
தமிழகத்துப் பெரும் புலவர்கள் அனைவரும் வந்து பங்கேற்றனர். தமிழ்ப் புலவர்கள்
ஓரிடத்தில், ஒன்று கூடுவதற்குக் கரந்தைத் தமிழ்ச் சங்கம் வழி செய்தது. தமிழைத்
தமிழர்களே கற்காது புறக்கணித்தபோது, தமிழில் பேசுதல் கற்றவர்களுக்கு இழுக்கு என்ற
கருத்து, வேரூன்றத் தொடங்கிய போது, அழகிய தமிழ்ச் சொற்களின் இடத்தினை, வடமொழிச்
சொற்களும், ஆங்கிலச் சொற்களும் பிடித்து அரசாளத் தொடங்கியபோது, கரந்தைத் தமிழ்ச்
சங்கத்தின் அயராயப் பணிகள் , தமிழக மக்களிடத்தில் மாபெரும் புரட்சியினை உண்டாக்கின.
தமிழும், வடமொழிச் சொற்களும் கலந்து பேசும் மணிப்
பிரவாள நடை மறைந்து, தூய தனித் தமிழில் பேசும் பேச்சு வழக்கு உண்டாயிற்று.
இந்த தனித் தமிழ் நடை, கரந்தை நடை என்றே போற்றப் பெற்றது.
விவாக சுபமுகூர்த்தப் பத்திரிக்கை
என்னும் சொல் மறைந்து, திருமண அழைப்பிதழ் என்னும் சொல் தோன்றியது. மகாராய
ராய ஸ்ரீ போய் திருவாளர், திரு என்னும் தமிழ்ச் சொற்கள் வழக்கத்திற்கு
வந்தன. பிரசங்கம் என்பது சொற்பொழிவு ஆயிற்று, அக்கிராசனாதிபதி
தலைவர் ஆனார். காரியதரிசி செயலாளர் ஆகவும், பொக்கிஷத்தார்
பொருளாளராகவும் மாறிப் போனார். சீமான், சீமாட்டி என்ற செற்கள் போய் திரு,
திருமதி, என்னும் சொற்களும், செல்வன், செல்வி போன்ற எண்ணற்ற தூய
தமிழ்ச் சொற்களும் வழக்கிற்கு வந்தன.
சங்கம் தோன்றிய நாளில், உதவி சபைத்
தலைவராகப் பொறுப்பேற்றுக் கொண்ட, மோகனூர் ஆர்.வேங்கடாசலம் பிள்ளை அவர்கள்,
1913 ஆம் ஆண்டிலிருந்து செயலாளர் பொறுப்பேற்று செம்மாந்தப் பணியாற்றத்
தொடங்கினார்.
கரந்தைத் தமிழ்ச் சங்கக் கலா
நிலையம்
உலக
மொழிகளுள் உயர் மொழியாய் வீற்றிருந்த தமிழ் மொழி, மீண்டும் அவ்வுயர்வைப் பெற
வேண்டும் என்ற ஆராத காதலினாலும், தமிழ் மக்கள் கலை நயம் முதலிய எல்லா நலங்களையும்
பெற்று, உலக மக்களுள் ஒருவராகக் கருதப்பட வேண்டும் என்னும் கருத்தினாலும்,
உமாமகேசுவரனார் அவர்கள், சங்கம் தொடங்கப்பெற்ற முதலாண்டிலேயே, சங்கத்திற்கென்று
தனியொரு நூல் நிலையம் அமைக்கும் பணியினைத் தொடங்கினார்.
.... வருகைக்கு நன்றி நண்பர்களே.
நூலகம் ஒன்றினைத் தொடங்க எண்ணி முயற்சி மேற்கொண்ட உமாமகேசுவரனார், சேகரித்த
நூல்களை அடுக்கி வைப்பதற்குக்கூட இடம் இல்லாமல் தவித்த தவிப்பை அடுத்தவாரம்
பார்ப்போமா நண்பர்களே.
எத்துணை தமிழ் அறிஞர்கள்! இவர்களை எல்லாம் அறியாமல் இருந்திருக்கிறோமே! என வெட்கமாகத்தான் இருக்கிறது.. உமா மகேஸ்வரனாரின் பணிகள் போற்றத்தக்கவை.
பதிலளிநீக்குதொடர்வோம்
அன்றைய தமிழறிஞர்கள் தன்னலம் கருதாதது தமிழ்நலம் கருதியவர்கள் அய்யா. வருகைக்கு நன்றி. தொடர்ந்து வருகை தர அன்போடு வேண்டுகிறேன்
நீக்குகரந்தைதமிச்சங்கம்_உருவாக்க்பட்ட_வரலாறு_மிகஅருமை_உங்களின்தேடலுக்குஇனைஓன்றுமில்லை.ஒவ்வொருவாரமும்மெருகேற்றப்படுகிறது.அடுத்தவாரத்திற்கு_இன்றேகாத்திருப்போர்பட்டியலில்_நானும்.மிக்கநன்றி.
பதிலளிநீக்குநண்பர் பாலு வுக்க நன்றி. தமிழில் தங்களின் கருத்தைப் பார்த்து வியந்து போனேன். எப்பொழுது தமிழ் தட்டச்சு செய்யக் கற்றுக் கொண்டீர்கள்.
நீக்குதமிழ் மொழி, மீண்டும் உயர்வைப் பெற வேண்டும் என்ற பேராவலுடன் - பெரும்பாடுபட்ட பெருந்தகையாளர் உமாமகேஸ்வரனாரின் அரும்பணிகளை தமிழ் கூறும் நெஞ்சங்கள் என்றும் மறப்பதில்லை.
பதிலளிநீக்குஆம் அய்யா. என்றென்றும் நினைவில் வைத்துப் போற்றப்பட வேண்டியவர்தான் உமாமகேசுவரனார். வருகைக்க நன்றி அய்யா. தொடர்ந்து வருகை தர அன்போடு அழைக்கின்றேன்
நீக்குஅக்கிராசனாதிபதி - தலைவர் என்பதை இப்போதுதான் தெரிந்து கொண்டேன். நிறைய தமிழ் அறிஞர்கள் பற்றி தெரிந்து கொள்ள முடிகிறது. நன்றி!
பதிலளிநீக்குகரந்தை என்ற அமைப்பு இல்லையேல் இன்று நாம் பயன்படுத்தும் தமிழ்ச் சொற்கள் பல இல்லாமலே ஆகியிருக்கும். வருகைக்கு நன்றி, தொடர்ந்து வருகை தரஅன்போடுஅழைக்கின்றேன்.
நீக்கு// விவாக சுபமுகூர்த்தப் பத்திரிக்கை என்னும் சொல் மறைந்து, திருமண அழைப்பிதழ் என்னும் சொல் தோன்றியது. மகாராய ராய ஸ்ரீ போய் திருவாளர், திரு என்னும் தமிழ்ச் சொற்கள் வழக்கத்திற்கு வந்தன. பிரசங்கம் என்பது சொற்பொழிவு ஆயிற்று, அக்கிராசனாதிபதி தலைவர் ஆனார். காரியதரிசி செயலாளர் ஆகவும், பொக்கிஷத்தார் பொருளாளராகவும் மாறிப் போனார். சீமான், சீமாட்டி என்ற சொற்கள் போய் திரு, திருமதி, என்னும் சொற்களும், செல்வன், செல்வி போன்ற எண்ணற்ற தூய தமிழ்ச் சொற்களும் வழக்கிற்கு வந்தன. //
பதிலளிநீக்குஇந்த விவரங்களைப் படிக்கும்போது அவர்கள் இதற்காக எத்தனைக் காலம் அய்ராது உழைத்து இருப்பார்கள் என்பதனை உணர முடிகிறது.
ஆம் அய்யா. அயராத , தளராக உழைப்பு அன்றையஅறிஞர்களின் உழைப்பு. வருகைக்கு நன்றி அய்யா. தொடர்ந்து வருகை தர அன்போடு அழைக்கின்றேன்
நீக்கு
பதிலளிநீக்குஆயிரம் வார்த்தைகள் சொல்ல முடியாதவற்றை. ஒரு புகைப் படம் கூறுகிறது.
(கரந்தைத் தமிழ்ச் சங்கம் துவங்கிய கந்தப்ப செட்டியார் சத்திரம்) ஒரு சந்தேகம் எழுகிறது. உமாமகேசுவரனார் சட்டம் படித்தவரா, பயின்றவரா.?
வருகைக்கு நன்றி அய்யா. தொடர்ந்து வருகை தர அன்பேடு அழைக்கின்றேன்
நீக்கு1967 தேர்தலின் போது தான் தேர்தல்களில் போட்டியிடும் நபர்களுக்கு ‘வேட்பாளர்’ என்ற பெயர் அறிமுகம் ஆனது. அதற்கு முன்னால், ‘அபேட்சகர்கள்’ என்று தான் பெயர்.
பதிலளிநீக்குபழகிவரும் மொழித்தொடர்களில் சிறு மாற்றம் செய்வதென்றாலும் அதற்குப் பலபேருடைய இடையறாத முயற்சியும், சில வருடங்களும் தேவைப்படத்தான் செய்கின்றன. ஈ.வெ.ரா. அவர்கள் தமது ‘விடுதலை’யில் ‘லை’ ‘னை’ ‘ணை’ யைப் பயன்படுத்த ஆரம்பித்து 45 வருடங்கள் கழித்துத் தான் அவருடைய சீடரான கலைஞர் அதை அரசாணை மூலம் அமுல்படுத்தினார்.
தமிழ் எழுத்துச் சீர்திருத்தங்களை முதன் முதலில் செய்தவர் தந்தைப் பெரியார் தானே. பலருடைய அயரா உழைப்பின் பயனைத்தான் இன்று நாம் அனுபவித்துக் கொண்டிருக்கின்றேர்ம் அய்யா. தங்களின் வருகைக்கும் , தகவலுக்கும் நன்றி அய்யா. தொடர்ந்து வருகை தரஅன்போடு அழைக்கின்றேன்.
நீக்குஅன்புள்ள ஜெயக்குமார்..
பதிலளிநீக்குவணக்கம். மிகமிக விரிவான தகவல்களுடன் மிக சுவையாகத் தொடர் போகிறது. தமிழ் வளர்க்கப்பாடுபட்ட சான்றோர்களை எண்ணி மனம் பெருமையடைகிறது,
கரந்தை நடை என்று ஒன்று வந்தது எத்துனை கொடுப்பினை,
வக்கில் மருதமுத்து மூப்பனார் பற்றி மேல்விவரங்கள் கிடைக்குமா?
பெயர்ப்பலகையில்லாமல் 32 ஆண்டுகள் பணி என்பது இன்னும் நாம் கற்றுக்கொள்ள உலகில் இருப்பனவற்றின் பட்டியல் நீண்டுகொண்டேயிருக்கிறது, மலைப்பாக இருக்கிறது, கற்றுக்கொள்ளமுடியுமா எல்லாவற்றையும் என்கிற பேராசையும்,
கந்தப்பச் செட்டியார் மடத்தை இன்றைக்கிருக்கும் பெரிய தனவான்கள் செலவு செய்து கரந்தைத் தமிழ்ச்சங்கத்தை தோற்றுவித்தவர்களின் உருவப்படங்களை அங்கே பதியவைத்து ஒரு நினைவு இல்லமாக வைத்து அதனை இன்றைக்கு இருக்கும இளைய தலைமுறை உணர்ந்துகொள்ள ஏதுவாக இருக்கும்,
அல்லது கரந்தை தமிழ்ச்சங்கத்தின் தலைவர் அவர்கள் முயற்சி செய்தால் தமிழ்ப்பற்றுள்ள ஒவ்வொருவரும் தங்களால் இயன்ற பொருளுதவி தந்து அதனை மேற்கொள்ளலாம், இதற்கென ஒரு அமைப்பை உருவாக்கி இதனை எண்ணிப்பார்க்கலாம், முயன்றால் முடியாதது இல்லைதானே?
தொடர்ந்து வாசிப்பேன்,
இன்னொரு கருத்து,,, ஒவ்வொருவாரமும் முடியும்போது அடுத்தவாரம் ஒரு குறிப்பைத் தந்து அவற்றைப் பார்ப்போமா நண்பர்களே என்பது வேண்டாம் என்று தோணுகிறது, இது என்னுடைய தனிப்பட்ட கருத்து, வாழ்த்துக்கள்,
தங்களின் வருகைக்கும், கருத்துரைக்கும் நன்றி அய்யா. கந்தப்ப செட்டியார் மடம் இன்று முற்றாகஅழிந்து போகும் நிலையில்தான் உள்ளது அய்யா. கவலைப்பட வேண்டிய நிகழ்வு.
நீக்குஒவ்வொரு வாரமும் முடியும்பொழுது, அடுத்த வாரம் பற்றிய குறிப்பு பற்றிய தங்களின் கருத்து உண்மை என்றே தோன்றுகிறது அய்யா. யோசித்துப் பார்த்தால், அது ஒரு மலிவான உத்தி என்றே தோன்றுகிறது. ஏதோ ஓர் ஆர்வத்தினால் அதனைச் செய்து வந்தேன். இனிவரும் காலங்களில் , இம்முறையினை முற்றாகத் தவிர்க்கின்றேன் அய்யா.
கரந்தைத் தமிழ்ச் சங்கத்தின் தொடக்க விழா நடைபெற்ற கந்தப்ப செட்டியார் சத்திரம் இன்று பாழடைந்த நிலையில் இருப்பது வேதனையைத் தந்தது. திரு மற்றும் திருவாளர் சொற்கள் அறிமுகத்தின் பின்னணியை அறிந்ததும் இத்தகு முறையைக் கொணர மேற்கொள்ளப்பட்ட முயற்சி அபாரமானது என்பதை உணரமுடிந்தது.
பதிலளிநீக்குதன்னலங் கருதா அயரா முயற்சி அய்யா. வருகைக்கும் வாழ்த்திற்கும் நன்றி. தொடர்ந்து வருகை தர அன்போடு அழைக்கின்றேன்
நீக்குஉமாமகேசுவரனார் அவர்கள் தொண்டு என்றும் போற்றப்பட வேண்டியது... மேலும் அறிந்து கொள்ள ஆவலுடன் தொடர்கிறேன்...
பதிலளிநீக்குநன்றிகள் பல...
வருகைக்கு நன்றி அய்யா. தொடர்ந்து வருகை தர அன்பேடு அழைக்கின்றேன்
நீக்குபதிவு சுவைபட விரிவாகச் செல்கிறது, சொல்கிறது! நன்றி கரந்தை!
வருகைக்கு நன்றி அய்யா. தொடர்ந்து வருகை தர அன்பேடு அழைக்கின்றேன்
நீக்குகரந்தை தமிழ்ச்சங்கம் இன்னும் மென்மேலும்
பதிலளிநீக்குகிளைவிட்டு செழித்து வளமுடன் ஒளிர
என் அன்பான வாழ்த்துக்கள்...
வருகைக்கு நன்றி அய்யா. தொடர்ந்து வருகை தர அன்பேடு அழைக்கின்றேன்
நீக்குகரந்தை... தமிழ்... கணிதம்...உங்கள் வலை முழுவதும் கொட்டிக்கின்றன...தொடருங்கள்...நான் மெல்ல இணைந்துகொள்கிறேன்....
பதிலளிநீக்கு
பதிலளிநீக்கு1960-களில் என்று நினைவு.பெங்களூர் தமிழ்ச் சங்கம் சுமார் 50 புலவர்களை வரவேற்று ஒரு பெரிய விழாவாகக் கொண்டாடினர். வந்தவர்களை கடைச்சங்கப் புலவர்கள் என்று அறிமுகப்படுத்தியதாகவும் நினைவு. By any chance were they from Karanthai tamil sangam.?இப்போதும் கரந்தை தமிழ்ச் சங்கம் செயல்படுகிறதா. ?நன்றி.
tha.ma 6
பதிலளிநீக்கு