ஆண்டு 1968
அவர் ஒரு கவிஞர்
சாதாரணக் கவிஞரல்ல, பாவலர்
அன்று காலை உணவை உட்கொண்டபின், ஆற்றங்கரையோரம்,
மெல்லிய தென்றல் காற்றை அனுபவித்தபடி நடந்து செல்கிறார்.
ஆற்றின் ஒரு கரையில், துணிகளை வெளுப்பதையே தங்கள்
தொழிலாகக் கொண்ட சிலர், துணிகளைத் துவைத்துக் கொண்டிருக்கின்றனர்.
துணிகளைச் சுமந்து வந்தக் கழுதைகள், ஆற்றங்கரைதனில்,
வரிசையாய் வளர்ந்திருந்த மரங்களின் நிழலில் ஓய்வெடுத்துக் கொண்டிருக்கின்றன.
திடீரென்று ஒரு கழுதையும், அதன் குட்டியும் பெருங்குரலெடுத்துக்
கூச்சலிடத் தொடங்குகின்றது.
