20 டிசம்பர் 2019

தமிழ் மரபுத் திருமணம்






     இன்றைக்கு முப்பது வருடங்களுக்கும் முன்.

     அவருடைய வயது 62.

     கண் மருத்துவரைப் பார்க்கச் சென்றார்.

     இவரது கண்களை நன்கு பரிசோதித்த மருத்துவரின் முகத்தில் கவலையின் ரேகைகள் பரவத் தொடங்கின.


     ஐயா, தங்கள் கண்களின் நரம்புகள் பெரிதும் பாதிக்கப் பட்டிருக்கின்றன. அதிக பட்சம் ஒன்று அல்லது இரண்டு வருடங்களில், தங்களின் முழுப் பார்வையும் பறிபோய்விடும். இதனைக் குணப்படுத்த மருந்தோ, மருத்துவமோ இல்லை. மன்னிக்கவும்.

     பெரியவரின் முகத்தில் சிந்தனையின் ரேகைகள்.

     மருத்துவருக்கு நன்றி கூறிவிட்டு, வீட்டிற்குத் திரும்பியவர், யோசிக்கத் தொடங்கினார்.

     கண் பார்வை போகப் போகிறதே என்பதற்காகக் கவலைப் படவில்லை.

     எழுத முடியாமல் போய்விடுமே என்பதற்காகக் கவலைப் பட்டார்.

     என்ன செய்வது?

     இவர் தமிழை நேசிப்பவர் அல்ல, தமிழையே தன் மூச்சாய் சுவாசிப்பவர்.

     எண்ணம், எழுத்து, சொல், செயல் அனைத்தும் தமிழ், தமிழ், தமிழ்.

     நாமெல்லாம் வீட்டில் வசிக்கிறோம்

     இவரோ நூலகத்தில் வசிப்பவர்

     இவரது வீடே ஒரு நூலகம்தான்.

     இவர் வீட்டில் எப்பக்கம் பார்த்தாலும், சுவர்களே தெரியாது, புத்தகங்கள் மட்டும்தான் தெரியும்.

     இருபத்து ஐந்தாயிரத்திற்கும் மேற்பட்ட நூல்கள்தான் இவரது வாழ்நாள் சேமிப்பு.

     திருக்குறளுக்குத் தன் சொந்த செலவில் கோயில் கட்டியவர்.

     முப்பாலே தெய்வம்

     அறத்துப் பால், பொருட் பால், இன்பத்துப் பால் என மூன்று சிறு குன்றுகள் தெய்வங்களாய் காட்சியளிக்கும் கோயிலை எழுப்பியவர்.

     ஒன்றல்ல, இரண்டல்ல, ஐநூறுக்கும் அதிகமான நூல்களை எழுதியவர்.

     ஓய்வு என்பதை அறியாதவர்

     இவர் ஏடெடுத்து எழுதாத நாளில்லை

     இப்படிப்பட்டவருக்கு, ஒன்றிரண்டு ஆண்டுகளில் கண்களில் இருந்து காட்சிகள் மறைந்துவிடும் என்றால் என்ன செய்வது?.

     எப்படி எழுதுவது?

     யோசித்தார்

     ஒரு முடிவிற்கு வந்தார்

     அன்று இரவு எழுத அமர்வதற்கும் முன், வீட்டின் அனைத்து விளக்குகளையும் அனைத்தார்.

     வீடு இருளில் மூழ்கியது

     மடியில் ஒரு அட்டை

     அட்டையில் வெள்ளைத் தாட்கள்

     இருளிலேயே எழுத ஆரம்பித்தார்

     எழுத்துக்கள் ஒன்றின் மீது ஒன்று ஏறி அமர்ந்தன.

     முதல் வரி கடைசி வரியில் போய் முட்டியது

     மனம் தளர்ந்தாரில்லை

     நாள்தோறும். இரவின் மடியில் அமர்ந்து இருளில் எழுதினார்.

     எழுதினார்

     எழுதினார்

     முயன்றார்

     முயன்றார்

     தொடர்ந்து முயன்றார்

     நாட்கள் செல்லச் செல்ல எழுத்துக்கள் வரிசை வரிசையாய் அணிவகுத்து நிற்கத் தொடங்கின.

     இரவு எழுத்து, பகல் எழுத்தைப் போலவே உருவெடுத்தது.

     இன்று இவரின் அகவை 92.

     இன்றும் எழுதிக் கொண்டிருக்கிறார்.

     முப்பதாண்டுகளைக் கடந்தும், இவரது கண்கள் ஒளிவீசிக் கொண்டுதான் இருக்கின்றன.

     மருத்துவரின் கணிப்பு, இவரது தமிழ் முன் பொய்த்துப் போய்விட்டது.

     தன் தள்ளாத வயதிலும், ஊர் ஊராய்ப் பயணித்துத் தமிழ் மரபுத் திருமணங்களை நடத்தி வைத்துக் கொண்டிருக்கிறார்.

     திருமணங்கள் மட்டுமல்ல, பூப்பு நீராட்டு விழா, பெயர் சூட்டு விழா, மணி விழா, வைர விழா, பவள விழா, படத் திறப்பு என அனைத்து நிகழ்வுகளையும், தமிழில் தூய தமிழ் வழியில் நடத்தி வருகிறார்.

     இவர் இதுநாள் வரை 4644 திருமணங்களை, தமிழ் மரபுத் திருமணங்களாய் நடத்தி வைத்திருக்கிறார்.

     இவர் உள்ளத்தில் ஒரு பேராசை

     தமிழ் மரபுத் திருமணங்கள், தன் காலத்திற்குப் பிறகும் தொடர வேண்டும். பல்கிப் பெருக வேண்டும், என்னும் கட்டுக்கடங்கா ஆவல்.

     இதற்காக, மாவட்டம் தோறும், தக்கவர்களைத் தேர்ந்தெடுத்துப் பயிற்சி அளித்து வருகிறார்.

இவர்தான்,
தமிழ்க் கடல்
செந்தமிழ் அந்தணர்

புலவர் இரா.இளங்குமரனார்.

இவர் கடந்த 1.12.2019 அன்று
நெய்வேலி, உலகத் தமிழ்க் கழகத்தில்,
தமிழ் மரபுத் திருமணங்களை நடத்துவது எப்படி?
என்ற பொருண்மையில் ஆற்றியப்
பொழிவின்
காணொலியினைத்
தங்களுடன் பகிர்ந்து கொள்வதில் பெரிதும் மகிழ்கின்றேன்.

     தொல்காப்பியம், சங்கப் பனுவல்கள், திருக்குறள், பிற்கால இலக்கியங்கள், மற்றும் நாட்டு நடப்புகளில் இருந்து அரிய மேற்கோள்களை, வரலாறுகளை நினைவு கூறும், இந்த அற்புதக் காணொலியினை,
தனது
வயல் வெளித் திரைக் களத்தின் மூலம்
வெளியிட்டுள்ளார்

குடியரசுத் தலைவரின் திருக்கரங்களால்
இளந் தமிழறிஞர் விருதுபெற்ற
புதுச்சேரி


முனைவர் மு.இளங்கோவன் அவர்கள்.

பார்த்து, கேட்டு, ரசித்து மகிழுங்கள்.





17 கருத்துகள்:

  1. அற்புதமான மனிதர்... நினைத்தாலே மனம் முழுக்க பரவசமும் மகிழ்ச்சியும் ஏற்படுகிறது...

    பதிலளிநீக்கு
  2. தங்கள் அன்புக்கும் அறிமுகத்திற்கும் நன்றியன்.

    பதிலளிநீக்கு
  3. மு இளங்கோவன் அவர்களுக்கு வாழ்த்துகள். தமிழ் மரபு திருமணம் குறித்து எனக்கு பெரிய கனவு ஒன்று உள்ளது. நிச்சயம் நடைமுறைப்படுத்துவேன். சிறப்பான பதிவு. நன்றி.

    பதிலளிநீக்கு
  4. வியக்க வைக்கும்,  வணங்க வைக்கும் மனிதர்.

    பதிலளிநீக்கு
  5. பயனுள்ள செய்தி...
    வழங்கியதற்கு நன்றி..

    பதிலளிநீக்கு
  6. அரிய மனிதரைப்பற்றிய விடயங்கள் தந்தமைக்கு நன்றி நண்பரே...
    காணொளி காண்பேன்.

    பதிலளிநீக்கு
  7. //தள்ளாத வயதிலும், ஊர் ஊராய்ப் பயணித்துத் தமிழ் மரபுத் திருமணங்களை நடத்தி வைத்துக் கொண்டிருக்கிறார்.//


    வணங்குகிறேன்.
    அற்புதமான மனிதர்.

    பதிலளிநீக்கு
  8. இப்படி ஒரு தமிழ் பற்றா என வியக்க வைக்கிறார் நண்பரே. இவரது தொண்டு என்றும் தொடர வேண்டும்.

    பதிலளிநீக்கு
  9. அருமையான மனிதர்
    பாராட்டுகள்

    பதிலளிநீக்கு
  10. காணொலியினைக் கண்டேன். அதனை நீங்கள் பகிர்ந்த விதம் சிறப்பாக உள்ளது. போற்றத்தக்க அரிய மனிதரைப் பற்றிய அருமையான பதிவிற்கு நன்றி.

    பதிலளிநீக்கு
  11. அவர் இன்னும் பல விஷேசங்களை நடத்தி வைக்க வாழ்த்துகிறேன்.

    பதிலளிநீக்கு
  12. இது போலான மனிதர்கள் அபூர்வம்/



    https://katrinpakkangal.blogspot.com/

    பதிலளிநீக்கு
  13. வாசிக்கும் போது உள்ளத்துக்குள் ஒருவிதமான உணர்வு ஏற்பட்டது இப்படியும் பிடிவாதமான மனிதர்கள் வாழ்வதால் தான் எம்முடைய தமிழ் இன்னும் சிறப்பாக வாழ்ந்து கொண்டிருக்கின்றது. வாழ்க்கையில் ஒரு குறிக்கோள் எடுத்துக்கொண்டு வாழ்பவர்களுக்கு எந்த நோயும் இலகுவில் வந்து அண்டாது

    பதிலளிநீக்கு
  14. உள்ளதைச் சொல்லும் வைத்தியர்கள் நோயைக்குணமாக்கி நோயாளிகளை வாழ வைத்து தாமும் வாழ்கிறார்கள். சில வைத்தியர்கள் நோயையும் நோயாளியையும் வைத்து தாங்கள் வாழ்கிறார்கள். எவை எப்படியிருந்தாலும் வைத்தியர்கள் எது சொன்னாலும் நாங்கள் சில நாளைக்கு உயிரரவாழ்ந்து சாதித்து விடுவோம் என இறை நம்பிக்கையோடு பொதுப்பணி செய்வோர் காலவரையறை கடந்து பணியாற்றுகின்றார்கள்.புலவர்.இரா.இளங்குமரனார் பல்லாண்டு வாழ இறைவனைப்பிரார்த்திக்கின்றேன்.

    பதிலளிநீக்கு
  15. பயனுள்ள செய்தி...
    வழங்கியதற்கு நன்றி..

    பதிலளிநீக்கு
  16. Many Tamil Matrimony sites keep your information on a security basis and talking your permission before share with others- Mostly for premium members and personalized matching profiles. Finding a match for trained relationship, the matrimonial website managers first understand member preferences, search for matching profiles and send them to the interested candidates. After that they can contact prospects and facilities meetings on bilateral consent or prospective families. free registration tamil matrimonial matrimony indian matrimonial free matrimonial Tamil Matrimony tamil wedding match maker Tamil Matrimonial Tamil Groom Tamil Boy Tamil Girl tamil marriage second marriage Tamil bride match making marriage Service in Tamil Matrimony

    Muslim Matrimony plays a very vital role in bringing two families, the bride, and groom together by making arrangements for a comprehensive range of relatives to come together on one worldwide platform at once. The serried marriages which older were based on finding a usurer or relatives who squint for prospective matches are a day of past. Now, matrimonial websites act as an intermediary, which opens the world of suitable matches from not only in India but moreover abroad. The introduction of matrimonial sites has opened a whole new world of large possibilities. Muslim Matrimony

    Malayali weddings are easy and short. They have very few rituals with much lesser religious compulsions. A conventional wedding in this community happens in a nearby temple, the residence of the bride or any other venue convenient to both the parties.

    The internet has changed our lifestyle. There are various online portals specifically designed for Malayali and Mudaliyar Matrimony. You will find thousands of suitable profiles on this website, both from country and from people settled in various parts of the world. The members of the community can register on these online matrimony sites which are completely free of cost. These online matrimonial sites on Malayali community doesn’t share profile details with other registered members. They also verify their member’s details. The Malayali matrimony sites also provide numerous privileges to their premium members such as email alerts etc.

    Christian Matrimony has hundreds of verified and genuine profiles to segregate from, for the people who are particular well-nigh finding a partner having the same mother tongue as theirs. People who can’t leave the traditional Kerala culture have a weightier place to squint for the bride or groom for their son or daughter. They offer self-ruling and paid memberships. On registration you will get wangle to visit many of the profiles of your interest. In specimen you want to personally contact the person of your choice, you can get wangle to the mobile numbers and email id once you wilt a paid member. Christian Matrimony

    பதிலளிநீக்கு

அறிவை விரிவு செய், அகண்ட மாக்கு, விசாலப் பார்வையால் விழுங்கு மக்களை, அணைந்து கொள், உன்னைச் சங்கம மாக்கு, மானிட சமுத்திரம் நானென்று கூவு